قازاقستاندىق ءمانساپتى: چىڭدۋ ستۋدەنتتەر سپورت جارىسىنىڭ اشىلۋ سالتى مەن جارىس بارىسى جۇڭگونىڭ جوعارى ورەدە دايىندىق جاساعانىن ايگىلەدى
2023.08.01 15:52 كەلۋ قاينارى : حالىق تورابى
دۇنيە جۇزىلىك 31 - كەزەكتى ستۋدەنتتەر سپورت جارىسى جاپپاي ورىستەتىلۋدە، قازاقستان عىلىم جانە جوعارى دارەجەلى وقۋ - اعارتۋ مينيسترلىگىنىڭ مينيسترى ساياسات نۇربەك باس ستانسيا ءتىلشىسىنىڭ ارناۋلى سۇحباتىن قابىلداعان كەزدە: ستۋدەنتتەر سپورت جارىسىنىڭ اشىلۋ سالتىن باستان - اياق تاماشالادىم. مەيلى اشىلۋ سالتى بولسىن، مەيلى جارىس جۇمىستارى بولسىن، بارلىعى دا جۇڭگونىڭ ەداۋىر جوعارى ورەدە دايىندىق جاساعانىن ايگىلەدى، — دەيدى.
قازاقستان عىلىم جانە جوعارى دارەجەلى وقۋ - اعارتۋ مينيسترلىگىنىڭ مينيسترى ساياسات نۇربەك: ستۋدەنتتەر سپورت جارىسىنىڭ اشىلۋ سالتى تاڭ قالارلىق دەڭگەيدە ءوتتى، ءبىر اۋىز سوزبەن ”كەرەمەت“ دەپ ايتۋعا بولادى، ونىڭ ۇستىنە، جۇڭگو مادەنيەتىنىڭ ەرەكشەلىگىنە تولى بولدى. بۇل تەك ءبىر رەتكى سپورت جارىسى عانا ەمەس، ادام ومىرىنە ىقپال ەتەتىن ماڭىزدى جارىس، بۇل جۇڭگونىڭ سپورتقا، جاستارعا، مادەنيەتكە جانە كەلەسى ۇرپاقتى تاربيەلەۋگە ءمان بەرەتىنىن كورسەتەدى. وسى رەتكى ستۋدەنتتەر سپورت جارىسىن ۇيىمداستىرۋ، تەحنيكالىق جاقتان بولسىن جانە قارجىلىق قوسىلىم جاعىنان بولسىن، بارلىعى دا جوعارى ورەدە بولعان، — دەدى.
وسى رەتكى ستۋدەنتتەر سپورت جارىسىنا قازاقستاننان جيىنى 90 نەشە سپورتشى كەلىپ، 11 تۇردەگى جارىسقا قاتىناسقان. قازاقستان عىلىم جانە جوعارى دارەجەلى وقۋ - اعارتۋ مينيسترلىگى سول ەلدىڭ ستۋدەنت سپورتشىلارىن جاتتىقتىرۋعا جانە ۇيىمداستىرۋعا جاۋاپتى بولعان. ساياسات نۇربەكتىڭ ايتۋىنشا، ول ءار كۇنى قازاقستان كومانداسىنىڭ قىزمەتكەرلەرىمەن كەڭەسىپ تۇرعان، جارىسقا قاتىناسقان سپورتشىلاردىڭ وعان ايتۋىنشا، جۇڭگو جاقتىڭ قىزمەتكەرلەرىنىڭ قىزۋ ىقىلاسى بارلىق سپورتشىلاردى قۇرمەتكە بولەنگەندەي سەزىمگە بولەگەن، چىڭدۋدىڭ سپورت سالاسى مەن قالانىڭ نەگىزدىك قۇرىلعىلارىنىڭ ورەسىنە كوپشىلىك قايران قالعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
