ورتالىق اسكەري ىستەر كوميتەتى شاڭجياڭ اسكەري شەنىنە ءوسىرۋ سالتىن وتكىزدى
شي جينپيڭ جارلىق كۋالىگىن بەردى ءارى شەنى وسىرىلگەن وفيتسەرلەردى قۇتتىقتادى
2023.08.01 16:27 كەلۋ قاينارى : حالىق تورابى
7 - ايدىڭ 31 - كۇنى ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى بەيجيڭدەگى 1 - تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري شەن ءوسىرۋ سالتىنا قاتىناستى. سۋرەتتە: شي جينپيڭ قاتارلى باسشى جولداستار گەنەرال پولكوۆنيك شەنىنە وسىرىلگەن وفيتسەرلەرمەن بىرگە سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگى، 7 – ايدىڭ 31 – كۇنى، بەيجيڭ (ءتىلشى مەي چاڭۋەي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 7 - ايدىڭ 31 - كۇنى بەيجيڭدەگى 1 - تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري شەن ءوسىرۋ سالتىنا قاتىناستى.
تۇستەن بۇرىن ساعات 10 مولشەرىندە شەن ءوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە ءوسىرۋ جارلىعىن وقىدى. ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋەيدۇڭ شەن ءوسىرۋ سالتىن باسقاردى.
بۇل جولى شاڭجياڭ اسكەري شەنىنە وسىرىلگەن وفيتسەرلەر مىنالار: راكەتا ارمياسىنىڭ قولباسشىسى ۋاڭ حوۋبين، راكەتا ارمياسىنىڭ كوميسسارى شۇي شيشىڭ.
شاڭجياڭ اسكەري شەنىنە وسىرىلگەن 2 وفيتسەر رەتتى دە اسكەري بەينەمەن، تاسقىنداعان رۋحپەن ءتوراعا مىنبەسىنىڭ الدىنا كەلدى. شي جينپيڭ ولارعا جارلىق كۋالىگىن بەرىپ، قۇتتىقتادى. شاڭجياڭ اسكەري شەنى بەلگىسىن تاققان 2 وفيتسەر شي جينپيڭگە اسكەري سالەم بەردى، سالىتقا قاتىناسقان بارلىق جولداسقا اسكەري سالەم بەردى، زالدان قىزۋ قول شاپالاق ءۇنى كوتەرىلدى.
شەن ءوسىرۋ سالتى اسقاق ارميا انىمەن اياقتالدى. وسىدان كەيىن شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن وفيتسەرلەرمەن توپتىق سۋرەتكە ءتۇستى.
ورتالىق اسكەري ىستەر كوميتەتىنىڭ مۇشەلەرى لي شاڭفۋ، ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار قاتارلىلار شەن ءوسىرۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
