شي جينپيڭ جاۋاپ حات جازىپ، ”ۇلگىلى پاراشوتشى اسكەرلەر ليانىندەگى“ بارشا وفيتسەر - اسكەرلەردى
داڭقتى ءداستۇردى ساۋلەلەندىرىپ، جاپا – ماشاقاتقا شىداپ مىعىم ونەرگە جاتىلىپ، ءسوز جوق، جەڭىسكە جەتەتىن پاراشوتشىلار قۇرىش قوسىنىن قۇلشىنا سومداۋعا شابىتتاندىردى
2023.08.01 16:28 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 31 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ”ۇلگىلى پاراشوتشى اسكەرلەر ليانىندەگى“ بارشا وفيتسەر - اسكەرلەرگە جاۋاپ حات جازىپ، ولاردى شىن ىقىلاسپەن شابىتتاندىردى ءارى 1 - تامىز ارميا قۇرۋ مەرەكەسىمەن قۇتتىقتادى.
شي جينپيڭ جاۋاپ حاتىندا مىنالاردى ءبىلدىردى: سىزدەر حۋاڭ جيگۋاڭ ساقا بانجاڭدى ۇلگى ەتىپ، قاھارمانداردىڭ رۋحىنا مۇراگەرلىك ەتىپ، قاھارمانداردىڭ مۇراگەرى بولۋعا ۇمتىلىپ، جاپپاي العا باستىڭىزدار، ليان - دۇي جىلدار بويى وزاتتىقتان جازبادى، مەن سىزدەردىڭ قول جەتكىزگەن ناتيجەلەرىڭىزگە قۋانامىن. سىزدەردىڭ بورىشتى ەستە بەرىك ساقتاپ، داڭقتى قاستەرلەپ، داڭقتى ءداستۇردى ساۋلەلەندىرىپ، ارىندى جىگەردى شىڭداپ، جاپا – ماشاقاتقا شىداپ مىعىم ونەرگە جاتىلىپ، ءسوز جوق، جەڭىسكە جەتەتىن پاراشوتشىلار قۇرىش قوسىنىن قۇلشىنا سومداپ، پارتيا مەن حالىققا تاعى دا تىڭ ۇلەس قوسۋلارىڭىزدى ءۇمىت ەتەمىن.
”ۇلگىلى پاراشوتشى اسكەرلەر ليانى“ − داڭقتى داستۇرگە يە قاھارمان ليان - دۇي، ەرەكشە قاھارمان حۋاڭ جيگۋاڭدى ۋاكىل ەتكەن ءبىر توپ ەگەي جانە ۇلگىلەر جارىققا شىققان. بۇل ليان ءداستۇردى ۇيرەنۋدە، ءداستۇردى سۇيۋدە، ءداستۇردى دارىپتەۋدە ۇزاق ۋاقىت تاباندى بولىپ، باستان - اياق اتوي سالۋ بەينەسىن ساقتاپ، ءبىرقىدىرۋ كەلەلى مىندەتتى ورىنداپ، ونداعان جىل بويى العاباسارلىقتى ساقتادى. 2013 - جىلى شي جينپيڭ ورتالىق اسكەري ىستەر كوميتەتىنىڭ بۇيرىعىنا قول قويىپ، وسى ليانگە ”ۇلگىلى پاراشوتشى اسكەرلەر ليانى“ داڭقتى اتاعىن بەردى. 2014 – جىلى گۋتيانداعى بۇكىل ارميانىڭ ساياسي قىزمەت ءماجىلىسى كەزىندە شي جينپيڭ وسى لياننىڭ سول كەزدەگى جەتەكشىسىن قابىلداپ، بۇكىل لياندەگى وفيتسەر - اسكەرلەردەن شىنايى حال سۇراعان بولاتىن. تاياۋدا ليان - دۇيدەگى بارشا وفيتسەر - اسكەرلەر ءتوراعا شي جينپيڭگە حات جازىپ، تاياۋ جىلداردان بەرگى يدەيا جانە قىزمەت جاعدايىنان مالىمەت بەرىپ، تاپسىرمانى ەستە بەرىك ساقتاپ، بورىشتى ادا ەتىپ، تاعى دا تاماشا ناتيجە جاراتۋ سەنىمى مەن بەكىمىن بىلدىرگەن ەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
