شي جينپيڭ جۇڭگو - پاكيستان ەكونوميكالىق ءدالىزى ىسكە قوسىلعانىنىڭ 10 جىلدىعىن قۇتتىقتاۋ قيمىلىنا قۇتتىقتاۋ حاتىن جولدادى
2023.08.01 16:30 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 31 - كۇنى، بەيجيڭ. 7 - ايدىڭ 31 - كۇنى مەملەكەت ءتوراعاسى شي جينپيڭ جۇڭگو - پاكيستان ەكونوميكالىق ءدالىزى ىسكە قوسىلعانىنىڭ 10 جىلدىعىن قۇتتىقتاۋ قيمىلىنىڭ پاكيستاننىڭ ءىسلاماباد قالاسىندا وتكىزىلگەنىن حات جولداپ قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو - پاكيستان ەكونوميكالىق ءدالىزى − ”ءبىر بەلدەۋ، ءبىر جولداعى“ ماڭىزدى الدىمەن اتقارىلاتىن، الدىمەن سىناق ەتىلەتىن نىسان. 2013 - جىلى ىسكە قوسىلعاننان بەرى ەكى ەل بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، ءدالىز قۇرىلىسىن ىلگەرىلەتىپ، ءبىر توپ العاشقى تابىس قالىپتاستىرىپ، پاكيستاننىڭ ەكونوميكالىق، قوعامدىق دامۋىنا تىڭ قوزعاۋشى كۇش قوستى، سونداي - اق وڭىرلىك بايلانىس پەن ءبىر تۇلعالانۋ اياق الىسىنا تاماشا نەگىز قالادى. جۇڭگو - پاكيستان ەكونوميكالىق ءدالىزى جۇڭگو مەن پاكيستاننىڭ بارلىق جاعدايدا بىردەي دوستىعىنىڭ جاندى تۇسىندىرمەسىنە اينالىپ، ەكى ەلدىڭ جاڭا داۋىردەگى اناعۇرلىم نىعايعان جۇڭگو - پاكيستان تاعدىرلاس ورتاق تۇلعاسىن قۇرۋىنا ماڭىزدى تىرەك ازىرلەدى.
شي جينپيڭ بىلاي دەپ دارىپتەدى: بولاشاققا كوز جىبەرگەندە، جۇڭگو جاق پاكيستان جاقپەن بىرگە جوعارى ولشەم، باياندى بولۋ، حالىق تۇرمىسىنا تيىمدىلىك جاساۋ نىساناسىنان جازباي، ورنالاستىرۋدى ۇزدىكسىز كەمەلدەندىرىپ، سەلبەستىكتى كەڭەيتىپ، تەرەڭدەتىپ، ءدالىزدى ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ ۇلگىلىك ينجەنەرياسى ەتىپ ىشكەرىلەي قۇرىپ شىعۋدى قالايدى. حالىقارالىق جاعدايدا مەيلى قانداي وزگەرىستەر بولسىن، جۇڭگو جاق باستان - اياق پاكيستان جاقپەن باتىل ءبىر جاقتا تۇرىپ، قول ۇستاسىپ، ءبىر نيەتپەن ۇدەرە العا تارتىپ، بۇلجىماس دوستىقتى اسقاقتاتىپ، دامۋ مەن حاۋىپسىزدىكتى ءبىر تۇتاس جوسپارلاپ، اناعۇرلىم جوعارى دەڭگەيدەگى، اناعۇرلىم كەڭ كولەمدەگى، اناعۇرلىم تەرەڭ قاتپارلى سەلبەستىك ورىستەتىپ، جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسىن تىڭ ساتىعا كوتەرۋدى ىلگەرىلەتىپ، ەكى ەلدىڭ، ءتىپتى، ءوڭىردىڭ بەيبىتشىلىگىنە، گۇلدەنۋىنە اناعۇرلىم زور ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
