شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى
دەرەكسىز كەتكەندەردى، قامالىپ قالعانداردى بار كۇشپەن ىزدەپ، قۇتقارىپ، ءولىم - ءجىتىمدى مۇمكىندىكتىڭ بارىنشا ازايتىپ، تاسقىننان ساقتانۋداعى ءتۇيىندى ورىندارعا قاداعالاي نازار اۋدارىپ، تاسقىننان ساقتانۋدىڭ ءتۇرلى شارالارىن ناقتى، ەگجەي - تەگجەيلى تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن بار كۇشپەن قامتاماسىز ەتۋدى تالاپ ەتتى
لي چياڭ بەكىتۋ سالدى
2023.08.02 16:48 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 1 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: جۋىقتا ”دۋسۋرۇي“ تايفىڭ داۋىلىنىڭ ىقپالىندا، سولتۇستىك جۇڭگو، حۋاڭحى – حۋايحى الابى سياقتى جەرلەردە سۇراپىل جاڭبىر جاۋىپ، تاسقىن اپاتى جانە گەولوگيالىق اپات تۋىلىپ، بەيجيڭ، حىبەي سياقتى جەرلەردە اۋىر ءولىم - ءجىتىم بولدى.
شي جينپيڭ مىنالاردى تالاپ ەتتى: جەر – جەر دەرەكسىز كەتكەندەردى، قامالىپ قالعانداردى بار كۇشپەن ىزدەپ، قۇتقارىپ، جارالانعانداردى قۇتقارۋ جانە قازا بولعانداردىڭ ءۇي ىشىندەگىلەردى جۇباتۋ قىزمەتىن جاقسى ىستەپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك. اپاتقا ۇشىراعان بۇقارانى ۇيلەسىمدى ورنالاستىرىپ، قاتىناس، حابارلاسۋ، ەلەكتر قۋاتى سياقتى بۇلىنگەن نەگىزدىك قۇرىلعىلاردى جەدەل جوندەپ، قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋ كەرەك.
شي جينپيڭ بىلاي دەپ دارىپتەدى: قازىر تاسقىننان ساقتانۋدىڭ شەشۋشى مەزگىلى، جەر - جەر جانە قاتىستى تاراۋلار، ءسوز جوق، ايرىقشا ءمان بەرىپ، جاۋاپكەرلىكتى ناقتىلاندىرىپ، باقىلاۋ - ولشەۋدى، الدىن الا مالىمەت بەرۋدى، ساقتاندىرۋدى كۇشەيتىپ، شارلاۋ - تەكسەرۋدى، كۇزەتتە تۇرۋدى كۇشەيتىپ، تاسقىننان ساقتانۋداعى ءتۇيىندى ورىندارعا قاداعالاي نازار اۋدارىپ، تاسقىننان ساقتانۋ شارالارىن ناقتى، ەگجەي - تەگجەيلى تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن بار كۇشپەن قامتاماسىز ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنالاردى تالاپ ەتتى: باس شۋجيدىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرۋ كەرەك، مەملەكەتتىك تاسقىننان ساقتانۋ باس قولباسشىلىق شتابى، شۇعىل جاعدايعا توتەپ بەرۋدى باسقارۋ مينيسترلىگى، سۋ يگىلىگى مينيسترلىگى سياقتى ورىندار اپاتقا ۇشىراعان رايونداردىڭ دەرەكسىز كەتكەندەردى، قامالىپ قالعانداردى ىزدەۋىنە، قۇتقارۋىنا بار كۇشپەن جەتەكشىلىك ەتىپ جانە كومەكتەسىپ، ءولىم - ءجىتىمدى مۇمكىندىكتىڭ بارىنشا ازايتۋ ءارى اپاتقا ۇشىراعان بۇقارانى ۇيلەسىمدى ورنالاستىرىپ، قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋ كەرەك. قاتىستى جاقتار باقىلاۋ - تەكسەرۋ، ساقتاندىرۋ جانە شارلاۋ - تەكسەرۋ كەزەكشىلىگىن اناعۇرلىم كۇشەيتىپ، تاسقىننان ساقتانۋ، تايفىڭ داۋىلىنان ساقتانۋ شارالارىن ناقتى، ەگجەي - تەگجەيلى تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
