شي جينپيڭ پاكيستاننىڭ كايپ ولكەسىندە تۋىلعان جان كەشتى بومبى شابۋىل وقيعاسىنا بايلانىستى پاكيستاننىڭ زۇڭتۇڭى الۆيگە حال سۇراۋ تەلەگرامماسىن جولدادى
لي چياڭ پاكيستاننىڭ زۇڭليى شاحبازعا حال سۇراۋ تەلەگرامماسىن جولدادى
2023.08.02 16:51 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 1 - كۇنى، بەيجيڭ. 8 - ايدىڭ 1 - كۇنى مەملەكەت ءتوراعاسى شي جينپيڭ پاكيستاندا تۋىلعان جان كەشتى بومبى شابۋىل وقيعاسىنا بايلانىستى پاكيستاننىڭ زۇڭتۇڭى الۆيگە حال سۇراۋ تەلەگرامماسىن جولدادى.
شي جينپيڭ مىنانى ءبىلدىردى: ەلدەرىڭىزدىڭ كايپ ولكەسىندە جان كەشتى جارىلىس، شابۋىلداۋ وقيعاسى تۋىلىپ، اۋىر ءولىم - ءجىتىم بولعانىن ەستىپ قاتتى تىكسىندىم. مەن جۇڭگو ۇكىمەتى جانە جۇڭگو حالقى اتىنان قازا بولعاندارعا قايعىلى ازا بىلدىرەمىن، قازا بولعانداردىڭ ءۇي ىشىندەگىلەردەن جانە جارالانعانداردان شىنايى حال سۇرايمىن.
شي جينپيڭ بىلاي دەپ دارىپتەدى: جۇڭگو ءارقانداي فورماداعى لاڭكەستىككە قارسى تۇرادى، بۇل رەتكى شابۋىل وقيعاسىن قاتاڭ جازعىرادى، پاكيستاننىڭ لاڭكەستىككە قارسى تۇرۋداعى مەملەكەتتىك ارەكەت جوسپارىن ىلگەرىلەتۋىن ۇزدىكسىز باتىل قولدايدى، وسى ءوڭىردىڭ، سونداي - اق دۇنيە ءجۇزىنىڭ بەيبىتشىلىگى مەن حاۋىپسىزدىگىن بىرگە قورعايدى.سول كۇنى مەملەكەتتىك كەڭەستىڭ زۇڭليى لي چياڭ پاكيستاننىڭ زۇڭليى شاحبازعا حال سۇراۋ تەلەگرامماسىن جولدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
