بازاردى باقىلاۋ – باسقارۋ تاراۋلارى تىكەلەي ساتۋمەن شۇعىلداناتىن كاسىپورىنداردىڭ ساۋداسىن جۇيەگە ءتۇسىردى
62 كاسىپورىن ءوزىن – ءوزى تارتىپكە سالۋعا ۋادە بەردى
2024.03.12 14:45 كەلۋ قاينارى : حالىق تورابى
حالىق گازەتىنىڭ ءتىلشىسى لين ليلي 3 – ايدىڭ 11 – كۇنى بەيجيڭنەن حابارلايدى. مەملەكەتتىك بازاردى باقىلاۋ – باسقارۋ باس مەڭگەرمەسىنىڭ بازاردى باقىلاۋ – تەكسەرۋ جانە ۇيلەسىمسىز باسەكەگە قارسى تۇرۋ مەكەمەسى جۋىردا تىكەلەي ساتۋمەن شۇعىلداناتىن كاسىپورىنداردىڭ قوعامدىق جاۋاپكەرشىلىگىن اتقارۋى جونىندەگى 3 – ايدىڭ 15 – كۇنى قارساڭىنداعى دوڭگەلەك ۇستەل كەڭەسىن وتكىزدى. ماجىلىستە، تىكەلەي ساتۋمەن شۇعىلداناتىن 62 كاسىپورىن ۋادە بەرۋ حاتىنا قول قويىپ، بۇكىل قوعامداعىلارعا ”ساۋدانى جۇيەلى جۇرگىزىپ، الاڭسىز تۇتىنۋدى ىلگەرىلەتۋ“ جاعىندا ءوزىن – ءوزى تارتىپكە سالۋ تۋرالى ۋادە بەردى.
اڭگىمە ماجىلىسىندە، تىكەلەي ساتۋمەن شۇعىلداناتىن سەرىكتەستىكتەردىڭ ۋاكىلدەرى «تىكەلەي ساتۋمەن شۇعىلداناتىن سەرىكتەستىكتەردىڭ ساۋدانى جۇيەگە ءتۇسىرۋ جاعىندا ءوزىن – ءوزى تارتىپكە سالۋ تۋرالى ۋادەسىن» جاريالاپ: زاڭ – تۇزىمدەرگە بويسۇنىپ، استاسىپ ساۋدا جۇرگىزۋدى تەجەپ، جالعامالى ساتۋ الدامكوستىگىن تيىپ، ىشكى جاقتاعى باسقارۋدى كۇشەيتىپ، حاۋىپ – قاتەردى مەڭگەرۋدى كۇشەيتىپ، تۇتىنۋشىلاردىڭ زاڭدى ۇقىق – مۇددەسىن بەلسەندىلىكپەن قورعاپ، ساۋدالىق ءمورالعا بويسۇنامىز، _ دەپ بايسالدىقپەن ۋادە بەردى. تىكەلەي ساتۋمەن شۇعىلداناتىن سەرىكتەستىكتەر جالعامالى ساتۋ، استاسۋ قاتارلى زاڭعا قايشى ارەكەتتى باتىل تەجەپ، ىشكى جاقتاعى باسقارۋ مەن حاۋىپ – قاتەردى مەڭگەرۋدى كۇشەيتىپ، تۇتىنۋ جاعىنداعى داۋ – شاردى ۇيلەسىمدى ءبىرجاقتى ەتىپ، ءوزىن جۇيەلى، ءتارتىپتى دامىتۋمەن بىرگە، قوعامدىق جاۋاپكەرشىلىگىن ۇزدىكسىز اتقارىپ، جۇمىستانۋ جانە شارۋاشىلىق قۇرۋ، تۇتىنۋدى ىلگەرىلەتۋ جانە شەتەل قارجىسىن باۋراۋ قاتارلى جاقتاردا بەلسەندى رول اتقاراتىنىن ءبىر اۋىزدان ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
