ءبىر رەت بەلەت ساتىپ الىپ، ءومىر بويى تەگىن كىرۋگە بولادى

شينجياڭداعى مىنا 5A دارەجەلى كورىنىس رايونى رەسمي ۇقتىرۋ شىعاردى

2024.03.12 14:47 كەلۋ قاينارى : حالىق تورابى

سۋرەتتە: ءۇزىم سايى كورىنىس رايونى (ماتەريالدىق سۋرەت). ءۇزىم سايى كورىنىس رايونى بەرگەن

　　جۋىردا، شينجياڭ تۇرپان قالاسى ءۇزىم سايى مەملەكەتتىك 5A دارەجەلى ساياحات كورىنىس رايونى جاڭا ساياساتتى ورتاعا قويدى، 3 – ايدىڭ 9 – كۇنىنەن باستاپ، ءۇزىم سايى كورىنىس رايونىندا تۇڭعىش رەت شىن اتى – ءجونى بويىنشا بەلەت ساتۋ اتقارىلادى، ءبىر رەت بەلەت ساتىپ العانداردىڭ ءومىر بويى تەگىن كىرۋىنە بولادى.

　　ۇعىسۋعا قاراعاندا، 3 – ايدىڭ 9 – كۇنىنەن باستاپ، ساياحاتشىلار ءۇزىم سايى كورىنىس رايونىندا شىن اتى – ءجونى بويىنشا بەلەت السا، ينفورماتسيا جۇيەگە ساقتالادى، سول ساياحاتشى ءۇزىم سايى كورىنىس رايونىنا قايتالاي كەلىپ بەلەت الماقشى بولسا، بەلەت ساتۋ تەرەزەسىندەگى قىزمەتكەر وعان ”تەگىن بەلەت“ دەگەن جازۋ جازىلعان بەلەتتى بەرەتىن بولادى.

　　قازىرگى تاڭدا، ءۇزىم سايى كورىنىس رايونىنىڭ ەسىك بەلەتى ءبىر ادامعا 60 يۋان، وسى رەت اتقارىلعان جاڭا ساياسات تەك ءجۇزىم سايى كورىنىس رايونىنىڭ كۇندىزگى ەسىك بەلەتىنە قاراتىلادى، ءۇزىم سايىن كەشتە ارالاۋ نىسانى بۇعان قامتىلمايدى، كورىنىس رايونىنداعى قاتىناس بەلەتى دە تەگىن بولمايدى.

　　ءۇزىم مول وسەتىندىكتەن وسىلاي اتالعان ءۇزىم سايى ۇزىمشىلىك مادەنيەتى، سالت – ءداستۇر قاتارلىلاردى نەگىز ەتكەن ۋنيۆەرسال كورىنىس رايونى سانالادى، ەكى جىلدان بەرى، ءۇزىم سايى كورىنىس رايونىندا بەيزاتتىق مادەني مۇرالار بازارى، ءۇزىم قوناعاسى، جىلى اۋا شارى، ”ءۇزىم سايىندا كەشتە سەيىلدەۋ“ قاتارلى ءتۇرلى كاسىپتىك قالىپتار مەن نىساندار قوسىلىپ، كورىنىس رايونىنا كورىك قوستى. (انار بۇلت \ شينجياڭ گازەتىنىڭ ءتىلشىسى سۇڭ ۋەيگو)

　　كەلۋ قاينارى: حالىق تورابى

سۋرەتتە: تۇرپانداعى ءۇزىم سايىنا بيىكتەن كوز سالعاندا (ماتەريالدىق سۋرەت). انار بۇلت \ شينجياڭ گازەتىنىڭ ءتىلشىسى لي رۇي فوتوسى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved