لي جۇن ۋاكىل:
اۋىل – قىستاقتا تۇرمىستىق قوقسىقتاردى ءبىرجاقتى ەتۋ قۋاتىن جوعارىلاتۋ قاجەت
شارۋالار گازەتى، جۇڭگو شارۋالار تورابىنىڭ ءتىلشىسى جاڭ يانليڭ
2024.03.12 14:57 كەلۋ قاينارى : حالىق تورابى
”تەكسەرۋگە قاراعاندا، اۋىل – قىستاقتا كۇنىنە ءار ادامعا قاتىستى قوقسىق مولشەرى ورتا ەسەپپەن 0.8 كيلوگرام، ەلىمىز بويىنشا اۋىل – قىستاقتا ءبىر جىلدا شىعارىلاتىن قوقسىق مولشەرى 300 ميلليون تونناعا جۋىقتايدى“، _ دەيدى مەملەكەتتىك حالىق قۇرىلتايى ۋاكىلى، سىچۋان ولكەسى ساڭشي اۋدانى بايزى قالاشىعى شيۋيۇن قىستاعى پارتيا ياچەيكاسىنىڭ شۋجيى، قىستاق كوميتەتىنىڭ مەڭگەرۋشىسى لي جۇن، اۋىل – قىستاقتاعى تۇرعىنداردىڭ ورنالاسۋى بىتىراڭقى، كوپتەگەن اۋىل – قىستاقتاردا قوقسىقتى ارناۋلى جينايتىن، تاسىمالدايتىن كومەتىن جانە ءبىرجاقتى ەتەتىن جۇيە جوق نەمەسە قوقسىقتى ءبىرجاقتى ەتەتىن جۇيەنىڭ ءبىرجاقتى ەتۋ مولشەرى اۋىل – قىستاقتىڭ قاجەتىن قاناعاتتاندىرا المايدى، اۋىل – قىستاقتاعى تۇرمىستىق قوقسىقتاردى ءبىرجاقتى ەتۋ قۋاتىن ارتتىرۋ قازىرگى تاڭدا جۇرتشىلىق ءۇمىت ەتىپ وتىرعان ءىس.
لي جۇن مىناداي ۇسىنىس بەردى: اۋىل – قىستاقتاعى تۇرمىستىق قوقسىقتاردى ءبىرجاقتى ەتۋ قۇرىلعىلارىن جوسپارلاۋ، سالۋ، ىسكە قوسۋ جانە باقىلاۋ – باسقارۋ قىزمەتىنىڭ تەبىنىن ارتتىرۋ قاجەت. ۇيلەسىمدى ورنالاستىرۋ، بۇقاراعا قولايلى بولۋ، جوتكەپ تاسىمالداۋعا قولايلى بولۋ قاتارلى پرينسيپتەر بويىنشا، تۇرگە ءبولۋ، جيناۋ، ءبىرجاقتى ەتۋ قاتارلى جاقتارداعى قۇرىلعىلاردى سالۋ قاجەت. قىستاق تۇرعىندارىن ”ءاربىر ءىستى ارنايى اقىلداسۋ“ فورماسى بويىنشا قاتىستى قاراجاتتاردى توپتاۋعا شابىتتاندىرىپ، قىستاق تۇرعىندارىنىڭ قورشاعان ورتانى جونگە سالۋ جانە قورشاعان ورتانى قورعاۋ جاعىنداعى بەلسەندىلىگىن تولىق ىسكە قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
