14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
2024.03.12 16:27 كەلۋ قاينارى : حالىق تورابى
 |
3 - ايدىڭ 11 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدەگى حالىق سارايىندا جابىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ ءتوراعالار مىنبەسىنەن ورىن الدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما سياقتىلاردى بەكىتتى
جاڭادان وزگەرىس ەنگىزىلگەن مەملەكەتتىك كەڭەستىڭ ۇيىمدىق زاڭىن ماقۇلدادى، شي جينپيڭ ءتوراعا بۇيرىعىنا قول قويىپ جاريالادى
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الدى، جاۋ لىجي ءماجىلىستى باسقاردى ءارى ءسوز سويلەدى
شينحۋا اگەنتتىگى، 3 - ايدىڭ 11 – كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەرىن تابىسپەن ورىنداعاننان كەيىن، 3 - ايدىڭ 11 - كۇنى تۇستەن كەيىن بەيجيڭدەگى حالىق سارايىندا جابىلدى. ءماجىلىس ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما سياقتىلاردى بەكىتتى. ءماجىلىس جاڭادان وزگەرىس ەنگىزىلگەن مەملەكەتتىك كەڭەستىڭ ۇيىمدىق زاڭىن ماقۇلدادى، مەملەكەت ءتوراعاسى شي جينپيڭ 21 - ءنومىرلى ءتوراعا بۇيرىعىنا قول قويىپ جاريالادى.
جابىلۋ جينالىسىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاۋ لىجي باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، ليۋ چي ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
ماجىلىسكە قاتىناسۋعا ءتيىستى ۋاكىل 2 مىڭ 956 ادام، قاتىناسقانى 2 مىڭ 900 ادام، 56 ادام قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.
تۇستەن كەيىن ساعات 3 تە جاۋ لىجي جينالىستىڭ باستالعانىن جاريالادى.
جينالىس داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ ۇكىمەت قىزمەتىنەن بايانداما جونىندەگى قارارىن ماقۇلدادى. قاراردا مىنالار اتاپ كورسەتىلدى: ءماجىلىس مەملەكەتتىك كەڭەستىڭ وتكەن ءبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2024 - جىلعى ەكونوميكالىق، قوعامدىق دامۋدىڭ جالپى تالابىن، ساياساتتىق بەتالىسىن جانە قىزمەت مىندەتىن قولداپ، وسى باياندامانى بەكىتۋدى ۇيعاردى.
جينالىس داۋىسقا سالۋ ارقىلى جاڭادان وزگەرىس ەنگىزىلگەن مەملەكەتتىك كەڭەستىڭ ۇيىمدىق زاڭىن ماقۇلدادى. بۇل زاڭ جاريالانعان كۇننەن باستاپ اتقارىلادى.
ءماجىلىس 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ 2023 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2024 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاراردى داۋىسقا سالىپ ماقۇلدادى، 2023 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2024 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2024 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ ورتالىق پەن جەرگىلىكتى ورىننىڭ 2023 - جىلعى مەجە ەسەبىنىڭ اتقارىلۋ احۋالى جانە ورتالىق پەن جەرگىلىكتى ورىننىڭ 2024 - جىلعى مەجە ەسەبى جونىندەگى قاراردى داۋىسقا سالىپ ماقۇلدادى، ورتالىق پەن جەرگىلىكتى ورىننىڭ 2023 - جىلعى مەجە ەسەبىنىڭ اتقارىلۋ احۋالى جانە ورتالىق پەن جەرگىلىكتى ورىننىڭ 2024 - جىلعى مەجە ەسەپ جوباسى جونىندەگى باياندامانى بەكىتۋدى ۇيعاردى، ورتالىقتىڭ 2024 - جىلعى مەجە ەسەبىن بەكىتتى.
ءماجىلىس 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاراردى داۋىسقا سالىپ ماقۇلدادى. قاراردا مىنالار اتاپ كورسەتىلدى: ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان بۇدان بىلايعى ءبىر جىلداعى مىندەتتەرگە قوسىلىپ، وسى باياندامانى بەكىتۋدى ۇيعاردى.
جينالىس داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قارارىن، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قارارىن ماقۇلداپ، وسى ەكى باياندامانى بەكىتۋدى ۇيعاردى.
وسىدان كەيىن جاۋ لىجي ءسوز سويلەدى. ول بىلاي دەدى: مەملەكەتتىك 14 - كەزەكتى حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەرىن تابىسپەن ورىندادى. بارلىق ۋاكىل مەن قاتىستى جاقتاردىڭ بىرگە قۇلشىنۋىندا، ءماجىلىس وتە ءساتتى اشىلدى، ورتاق تانىم ۇيىستىرىلدى، مىندەت ايقىندالدى، سەنىم بەكەمدەلدى، بۇل تۋدى بيىك ۇستاعان، شىنايى يگەرىپ، ناقتى ءىس ىستەگەن، ىنتىماقتاسا ەكپىندەي ىلگەرىلەگەن ءماجىلىس بولدى.
جاۋ لىجي بىلاي دەپ اتاپ كورسەتتى: ءماجىلىس كەزىندە ۋاكىلدەر پارتيا مەن حالىقتىڭ ماڭىزدى تاپسىرماسىن ارقالاپ، تاسقىنداعان ساياسي ىنتامەن جانە اسقاق رۋحاني كۇيمەن مىندەتىن زاڭ بويىنشا اتقارىپ، جاۋاپكەرلىگىن ادا ەتىپ، ءتۇرلى باياندامالار مەن كەڭەستىك جوبالاردى مۇقيات قارادى، ءماجىلىستىڭ جەتىستىكتەرى پارتيانىڭ قۋاتتاماسى مەن حالىق ەركىنىڭ بىرلىگىن تولىق ايگىلەپ، جالپى بارىستىق حالىق دەموكراتياسى مەن مەملەكەتتىڭ ءتۇبىرلى ساياسي ءتۇزىمىنىڭ وزگەشە باسىمدىلىعىن ايگىلەدى.
جاۋ لىجي بىلاي دەدى: بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. ماجىلىستە بەكىتىلگەن ءتۇرلى مىندەتتەردى مۇقيات تياناقتاندىرىپ، تۇتاس جىلداعى ەكونوميكالىق، قوعامدىق دامۋ جوسپارىن قۇلشىنا ىسكە اسىرۋ ەرەكشە ماڭىزدى مانگە يە. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ءبىر نيەت، ءبىر تىلەكتە بولىپ، زەيىن - زەردەنى، كۇش - قۋاتتى شوعىرلاندىرىپ، ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋدى تاباندىلىقپەن ىلگەرىلەتۋىمىز كەرەك. حالىقتى وزەك ەتكەن دامۋ يدەياسىن امالياتتا ايگىلەپ، جالپى بارىستىق حالىق دەموكراتياسىن دامىتىپ، حالىقتىڭ بەينەلەگەن تىلەگىنە، جاراتقان تاجىريبەسىنە، يە بولعان ۇقىعىنا، اتقارعان رولىنا تولىق قۇرمەت ەتىپ، تۇتاس قوعامنىڭ يگىلىك جاراتۋ، جاڭالىق اشۋ، جاسامپازدىق جاراتۋ ىنتاسى مەن ومىرشەڭدىك كۇشىن تاسقىنداتىپ، ىنتىماقتاسا كۇرەس جۇرگىزۋدىڭ قۇدىرەتتى كۇشىن ۇيىستىرۋ كەرەك. شىندىققا جۇگىنىپ، ناقتى ءىس ىستەپ، شىنايى يگەرىپ، تياناقتى ىستەپ، قيىندىقتاردى جەڭىپ، شەبەرلىكپەن ىستەپ، شەبەرلىكپەن تابىسقا جەتىپ، قيىنشىلىقتاردى قۇلشىنا جەڭىپ، ناقتى ىستەردى ويداعىداي ىستەپ، مىندەتتەردى ءبىر - بىرلەپ ورىنداپ، ىنتىماقتاسا كۇرەس جۇرگىزۋ بارىسىندا حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋ كەرەك.
جاۋ لىجي بىلاي دەپ اتاپ كورسەتتى: ىنتىماقتاسا كۇرەس جۇرگىزۋ − جۇڭگو حالقىنىڭ تاريحي ۇلى ىستەردى جاراتۋدا، ءسوز جوق، باسىپ وتەتىن جولى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇدىرىقتاي جۇمىلىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزەيىك (ءسوزدىڭ تولىق مازمۇنى بولەك جاريالاندى).
تۇستەن كەيىن ساعات 3 تەن 31 مينۋت وتكەندە جاۋ لىجي جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ جابىلعانىن جاريالادى.
جينالىس ايبىندى مەملەكەت انىمەن اياقتادى.
ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، چىن ي - چين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي - اق ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، ازاتتىق ارميانىڭ قاتىستى ورىندارىنداعى جانە قارۋلى ساقشى بولىمدەرىندەگى، حالىقتىق ۇيىمدارداعى قاتىستى جاۋاپتىلار ماجىلىسكە سىرتتاي قاتىناستى نەمەسە سىرتتاي تىڭدادى.
شەتەلدەردىڭ جۇڭگودا تۇراتىن ەلشىلەرى ءماجىلىستى سىرتتاي تىڭدادى.
كەلۋ قاينارى: حالىق تورابى
 |
3 - ايدىڭ 11 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدەگى حالىق سارايىندا جابىلۋ جينالىسىن وتكىزدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاۋ لىجي جابىلۋ جينالىسىن باسقاردى ءارى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
