«شي جينپيڭ شىعارمالارىنان تاڭدامالىلاردىڭ» 1 -، 2 - تومدارىنىڭ اعىلشىنشا باسىلىمدارى باسپادان شىعىپ تاراتىلدى
2024.03.12 16:29 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 11 - كۇنى، بەيجيڭ. «شي جينپيڭ شىعارمالارىنان تاڭدامالىلاردىڭ» 1 -، 2 - تومدارىنىڭ اعىلشىنشا باسىلىمدارى تاياۋدا شەتەل تىلدەرى باسپاسىنان باسىلىپ شىعىپ، ەل ءىشى - سىرتىنا تاراتىلدى.
«شي جينپيڭ شىعارمالارىنان تاڭدامالىلاردىڭ» 1 -، 2 - تومدارىنا باس شۋجي شي جينپيڭنىڭ 2012 - جىلى 11 - ايدان 2022 - جىلى 10 - ايعا دەيىنگى مەزگىلدەگى ماڭىزدى شىعارمالارى ەنگىزىلدى، باس شۋجي شي جينپيڭنىڭ جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا جاساعان «جۇڭگوشا سوتسياليزم ۇلى تۋىن بيىك ۇستاپ، جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزەيىك» اتتى بايانداماسى كىتاپتىڭ بەتاشارى بولدى، باسقا شىعارمالار ۋاقىت ءتارتىبى بويىنشا قۇراستىرىلدى.
«شي جينپيڭ شىعارمالارىنان تاڭدامالىلار» شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ حالىققا باسشىلىق ەتىپ، جۇڭگوشا سوتسياليزمنىڭ جاڭا ءداۋىرىن اشقان ءارى ۇزدىكسىز تىڭ جەڭىستەرگە قول جەتكىزگەن ۇلى تاريحي بارىسىن جاندى ەستەلىككە الىپ، جاڭا داۋىردەگى جۇڭگو كوممۋنيستەرىنىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋدە قول جەتكىزگەن كەلەلى نازاريالىق جاڭالىق اشۋ جەتىستىكتەرىن شوعىرلى بەينەلەدى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە جەتەكشىلىك ەتەتىن اقيقاتتىق كۇشى مەن امالياتتىق قۇدىرەتتى كۇشىن تولىق ايگىلەپ، جۇڭگو كوممۋنيستىك پارتياسىنىڭ كوركەم دۇنيە ءجۇزىن كوركەيتۋدى ىلگەرىلەتۋگە كۇش سالۋداعى جۇڭگو اقىل - پاراساتى مەن جۇڭگو جاۋاپكەرلىگىن جان - جاقتى، جۇيەلى ايگىلەدى، بۇل − شي جينپيڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى بەينەلەيتىن بەدەلدى كىتاپ.
«شي جينپيڭ شىعارمالارىنان تاڭدامالىلاردىڭ» 1 -، 2 - تومدارىنىڭ اعىلشىنشا باسىلىمىنىڭ باسپادان شىعىپ سىرتقا تاراتىلۋى شەتەلدىك وقىرمانداردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جۇيەلى تۇسىنۋىنە كومەگىن تيگىزىپ، حالىقارالىق قوعامنىڭ جۇڭگو ۇلگىسىندەگى وسىزامانداندىرۋ جانە جۇڭحۋا ۇلتىنىڭ وسى زامانعى وركەنيەتى جونىندەگى تانىمى مەن تۇسىنىگىن كۇشەيتۋدە ماڭىزدى مانگە يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
