زەيىن - زەردەنى، كۇش - قۋاتتى شوعىرلاندىرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتەيىك (باسماقالا)
− 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ جەڭىسپەن جابىلعانىن قىزۋ قۇتتىقتايمىز
2024.03.12 16:31 كەلۋ قاينارى : حالىق تورابى
ءبىر نيەتپەن ىنتىماقتاسىپ، دامۋدى كوزدەپ، ۇدەرە العا تارتىپ، بولاشاققا بەت الدى. 3 - ايدىڭ 11 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەرىن تابىسپەن ورىنداپ، بەيجيڭدە جەڭىسپەن جابىلدى. ماجىلىسكە قاتىناسقان ۋاكىلدەر مىندەت پەن بورىشتى ارقالاپ، حالىقتىڭ ماڭىزدى تاپسىرماسىن ورىنداپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋگە بەلسەنە اقىل - كەڭەس بەرىپ، تۋدى بيىك ۇستاۋدىڭ، شىنايى يگەرىپ، ناقتى ىستەر ىستەۋدىڭ، ىنتىماقتاسا العا باسۋدىڭ تىڭ داستانىن جازدى. ءبىز ماجىلىسكە قاتىناسقان ۋاكىلدەرگە وسكەلەڭ قۇرمەت بىلدىرەمىز، ءماجىلىستىڭ تابىستى بولعانىن قىزۋ قۇتتىقتايمىز!
بۇل رەتكى ءماجىلىس − ”14 - بەسجىلدىق“ جوباداعى نىسانا - مىندەتتەردى جۇزەگە اسىرۋدىڭ شەشۋشى جىلىندا اشىلعان ماڭىزدى ءماجىلىس. ءماجىلىس وتكەن ءبىر جىلدا پارتيا مەن مەملەكەت ىستەرىندە قول جەتكەن تىڭ دا كەلەلى جەتىستىكتەردى جوعارى باعالادى، ۋاكىلدەر ءبىر اۋىزدان: بۇل − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ناتيجەسى، − دەپ قارادى. ءماجىلىس ۇكىمەت قىزمەتىنەن باياندامانى جانە باسقا دا ماڭىزدى باياندامالاردى قارادى جانە بەكىتتى، ۋاكىلدەر ءبىر اۋىزدان بىلاي دەپ قارادى: ۇكىمەت قىزمەتىنەن بايانداما − شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تابىستاردى شىندىقتى ءىس جۇزىنەن ىزدەي وتىرىپ قورىتىندىلاپ، نىسانانى عىلمي، ۇيلەسىمدى بەلگىلەپ، شارالاردى العا قويعان، شىندىققا جۇگىنىپ، ناقتى ءىس ىستەگەن، ءورىس اشا ىلگەرىلەگەن، ىنتىماقتاسۋعا جىگەرلەندىرگەن جاقسى بايانداما. ءماجىلىس جاڭادان وزگەرىس ەنگىزىلگەن مەملەكەتتىك كەڭەستىڭ ۇيىمدىق زاڭىن قاراپ ماقۇلدادى، بۇل مەملەكەتتىك كەڭەستىڭ ۇيىمدىق ءتۇزىمى مەن قىزمەت ءتۇزىمىن ونان ارى كەمەلدەندىرىپ، دۇرىس ساياسي بەتالىسقا كەپىلدىك ەتىپ، ۇكىمەتتىڭ وزىندىك قۇرىلىسىن جاپپاي كۇشەيتىپ، زاڭمەن باسقارىلاتىن، جاڭاشىل، پاك جانە قىزمەت وتەيتىن ۇكىمەت قۇرۋدا كەلەلى ماڭىز الادى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭداپ جانە قاراپ، مەملەكەتتىك حالىق قۇرىلتايى تۇراقتى كوميتەتىنىڭ ءبىر جىلدان بەرگى ءتۇرلى قىزمەتتەردە قول جەتكىزگەن تىڭ ىلگەرىلەۋشىلىكتەرىن، تىڭ ناتيجەلەرىن تولىق تۇراقتاندىردى. ءماجىلىستىڭ تابىستى بولۋى ءجۇز ميلليونداعان حالىقتى سەنىمدى بەكەمدەپ، ءبىر نيەت، ءبىر تىلەكتە بولا وتىرىپ، قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋگە شابىتتاندىردى.
بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى. 75 جىلدان بەرى، ەلىمىز بىرىنشىدەن كەدەي، ەكىنشىدەن اق بولۋدان جاپپاي دوڭگەلەك داۋلەتتىلىككە جەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جورىعىنا قادام تاستادى. ءبىز جاپپاي سوتسياليستىك وسىزاماندانعان مەملەكەت قۇرۋعا جۇڭحۋا ۇلتىنىڭ ارمانى مەن ءۇمىتى جۇكتەلگەنىن، جۇڭگو حالقىنىڭ كۇرەسى مەن ماڭداي تەرى سىڭگەنىن، بولاشاعىمىزدىڭ نۇرلى ەكەنىن ابدەن بىلەمىز. سونىمەن بىرگە، ءبىز جۇڭگو ۇلگىسىندەگى وسىزامانداندىرۋ ۇلى دا جاپالى ءىس ەكەنىن، بولجاۋعا بولاتىن جانە بولجاۋعا بولمايتىن ءتۇرلى حاۋىپ - قاتەر مەن سىن - سايىسقا تاپ بولاتىنىمىزدى، ءسوز جوق، اناعۇرلىم جاپالى قۇلشىنىستار جاساۋعا دايىندالۋىمىز كەرەكتىگىن دە شەكسىز سەرگەكتىكپەن كورە ءبىلۋىمىز كەرەك. بولاشاقتى بەتكە العاندا، ساپالى دامۋ سىندى ماڭداي الدى مىندەتتى مىقتى يگەرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، جۇڭگو ۇلگىسىندەگى وسىزامانداندىرۋ سىندى داڭعىل جولدى بويلاپ ەرلىكپەن العا ۇمتىلىپ، ەرلىكپەن العا باسىپ، جولدى وزگەرتپەۋدە، جىگەردى وزگەرتپەۋدە تاباندى بولىپ، ءبىر جاعادان باس، ءبىر جەڭنەن قول شىعارساق، ءبىز، ءسوز جوق، العا باسۋ بارىسىنداعى ءتۇرلى قيىنشىلىقتار مەن كەدەرگىلەردى جەڭىپ، تابىسقا ۇزدىكسىز قادام تاستاي الامىز.
باس شۋجي شي جينپيڭ بىلاي دەپ دارىپتەدى: ”ءبىزدىڭ نىسانامىز وتە ايبىندى ءارى وتە قاراپايىم، سايىپ كەلگەندە، بۇقارانى اناعۇرلىم تاماشا تۇرمىسقا كەنەلتۋ“. كۇرەس تاريحتى جاراتادى، ىسكەرلىك بولاشاقتى جاراتادى. وتكەن كۇرەس جولىنا قايىرىلا قاراساق، جاڭا داۋىردەگى ۇلى تابىستار پارتيا مەن حالىقتىڭ بىرگە قۇلشىنۋى، ىستەۋى، كۇرەسۋى ارقىلى قولعا كەلدى؛ الداعى كۇرەس جولىنا كوز جىبەرسەك، جۇڭگو حالقىنىڭ العا باسۋ قوزعاۋشى كۇشى اناعۇرلىم كۇشەيىپ، كۇرەس جاساۋداعى رۋحى اناعۇرلىم اسقاقتاپ، ءسوزسىز، جەڭىسكە جەتۋ سەنىمى اناعۇرلىم بەكەمدەلدى. جۇڭگو ۇلگىسىندەگى وسىزامانداندىرۋ − بۇكىل جۇڭگو حالقىنىڭ ءىسى، ءسوز جوق، حالىققا تىعىز سۇيەنىپ، حالىق اراسىنداعى ۇشان - تەڭىز اقىل - پاراسات پەن كۇش - قۋاتتى شوعىرلاندىرعاندا عانا، جاڭا تاريحي ۇلى ىستەردى ۇزدىكسىز جاراتۋعا بولادى. العا باسۋ جولىندا حالىقتىڭ نەگىزگى تۇلعالىق ورنىنا تاباندى بولىپ، حالىقتىڭ بەينەلەگەن تىلەگىنە، جاراتقان تاجىريبەسىنە، يە بولعان ۇقىعىنا، اتقارعان رولىنا تولىق قۇرمەت ەتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم ويداعىداي قوزعاپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ۇزدىكسىز العا ىلگەرىلەتۋ كەرەك.
حالىق قۇرىلتايى ءتۇزىمى − پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولاتىن ءتۇبىرلى ساياسي تۇزىمدىك ورنالاستىرۋ، ول مەملەكەتتىڭ سوتسياليزم جولىمەن العا باسۋىنا، مەملەكەتتى جونگە سالۋدىڭ بىلىقپالىقتى جونگە سالىپ، گۇلدەنۋدىڭ، قۇلدىراۋدىڭ تاريحي پەريودىنان اتتاپ وتۋىنە ءونىمدى كەپىلدىك ەتەدى، مەملەكەتتىڭ ساياسي تۇرمىسىنىڭ ومىرشەڭدىك كۇشكە تولى ءارى تىنىش، ءتارتىپتى بولۋىنا ءونىمدى كەپىلدىك ەتەدى، تەڭدەسسىز ابزالدىققا جانە قۇدىرەتتى ومىرشەڭدىك كۇشكە يە. مەملەكەتتىك حالىق قۇرىلتايى قۇرىلعانىنىڭ 70 جىلدىعىن قۇتتىقتاۋدى وراي ەتىپ، شي جينپيڭ زاڭمەن جونگە سالۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جالپى بارىستىق حالىق دەموكراتياسىن دامىتىپ، حالىقتىڭ قوجايىن بولۋ ءتۇزىمى جۇيەسىن اقاۋسىزداندىرىپ، حالىق قۇرىلتايى تۇزىمىندە ويداعىداي تاباندى بولۋ، ونى ويداعىداي كەمەلدەندىرۋ، ويداعىداي اتقارۋ، جۇڭگوشا سوتسياليستىك ساياسي دامۋ جولىمەن بۇلجىماي ءجۇرۋ كەرەك.
ۇلى جوبا جۇرت كوڭىلىن جەلپىندىردى، ءداۋىر دابىلى ادامدى العا باسۋعا جەبەيدى. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە سەنىمىمىز كامىل، كۇش - قۋاتىمىز مىعىم. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، رۋحتى سەرپىلتىپ، ىنتىماقتاسا كۇرەس جۇرگىزىپ، قايراتتانا العا ۇمتىلىپ، شىنايى يگەرىپ، ناقتى ىستەسەك، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسى، ءسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
