توساتتان تۋىلعان وقيعالارعا، قوعامداعى حالىق تۇرمىسىنا ساياتىن وسەك – اياڭ تاراتقان 10859 تىركەلگىنى تەكسەرىپ ءبىرجاقتى ەتتى
2024.05.28 14:28 كەلۋ قاينارى : حالىق تورابى
ءتىلشىنىڭ 5 – ايدىڭ 27 – كۇنى ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسىنەن ۇعىسۋىنشا، جۋىردا ينتەرنەتتەگى ءىشىنارا تىركەلگىلەر الەۋمەتتىك ىستەرگە قاتىستى ساياساتتى وزىنشە تۇسپالداپ، ويدان قۇراستىرىپ، توساتتان تۋىلعان وقيعالاردى ويدان قيىستىرىپ، قوعامداعى حالىق تۇرمىسىنا ساياتىن وسەك – اياڭداردى ويدان شىعارىپ، جۇرتشىلىقتىڭ تانىمىن اۋىر دارەجەدە الجاستىرىپ، جۇرتشىلىقتى ۇرەيلەندىردى جانە الاڭداتتى، قوعام ءتارتىبىن ءبۇلدىردى. ينتەرنەت حاۋىپسىزدىگى جانە ينفورماتسيالاندىرۋ تاراۋلارى تور بەتتەرى مەن تەكشەلەردىڭ باقىلاۋ جانە ءبىرجاقتى ەتۋ تەبىنىن ۇزدىكسىز ارتتىرۋىنا جەتەكشىلىك ەتىپ، وسەك – اياڭدى العاش رەت تاراتقان تىركەلگىلەردى دەر كەزىندە تەكتەدى، جىل باسىنان بەرى، زاڭ – تۇزىمگە قايشى تىركەلگىلەردەن جيىنى 10859 تىركەلگىنى ءبىرجاقتى ەتتى.
ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسى ءىشىنارا تيپتىك دەلولار جونىندە جالپىعا حابارلاندىرۋ جاريالادى، مۇندا مىنالار قامتىلعان: ”ەلىمىز قوعامدىق قامسىزداندىرۋ قورىن تۇگەلدەي شەتەل قارجىسىنداعى قۇرىلىمداردىڭ باسقارۋىنا تاپسىرىپ بەردى“ دەگەن وسەك – اياڭ، ”گۇيجوۋداعى ’جۇڭگو الەم كوزى‘ ’قوقسىق الاڭىنا‘ اينالدى“ دەگەن وسەك – اياڭ، ”ءبىر رەت ەمحاناعا جاتقان ۋاقىت 15 كۇننەن اسپاۋى كەرەك، ويتپەگەندە، ەمدەۋدى قامسىزداندىرۋ ەسەبىنەن كوتەرتۋگە بولمايدى“ دەگەن وسەك – اياڭ، ”شينجياڭ قارامايلىدا جەل كۇشى گەنەراتورىنا ءورت كەتىپ، ون ميلليون يۋاندىق زيان سالدى“ دەگەن وسەك – اياڭ، ”دەنە تاربيە ەمتيحانىندا پايدالاناتىن ’حيكىمەت دارىدەن‘ ءبىر ۇرتتاساڭىز ناتيجەڭىز تولىمدى بولادى“ دەگەن وسەك – اياڭ ت.ب.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
