جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشىپ
«جاڭا داۋىردە ورتا بولەك وڭىرلەردىڭ ەڭسە كوتەرۋىن جەدەلدەتۋ جونىندەگى ءبىرقانشا ساياساتتىق شارانى»، «فينانس حاۋىپ - قاتەرىنەن ساقتانۋ - جويۋ جاۋاپكەرلىگىن قۋزاۋ بەلگىلەمەسىن (سىناق نۇسقا)» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2024.05.28 16:19 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 27 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 5 - ايدىڭ 27 - كۇنى ءماجىلىس اشىپ، «جاڭا داۋىردە ورتا بولەك وڭىرلەردىڭ ەڭسە كوتەرۋىن جەدەلدەتۋ جونىندەگى ءبىرقانشا ساياساتتىق شارانى»، «فينانس حاۋىپ - قاتەرىنەن ساقتانۋ - جويۋ جاۋاپكەرلىگىن قۋزاۋ بەلگىلەمەسىن (سىناق نۇسقا)» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: ورتا بولەك وڭىرلەردىڭ ەڭسە كوتەرۋىن ىلگەرىلەتۋ _ شي جينپيڭ جولداستى ۇيىتقى ەتكەن پارتيا ورتالىق كوميتەتى جاساعان كەلەلى ستراتەگيالىق شەشىم. پارتيا ورتالىق كوميتەتىنىڭ ستراتەگيالىق ماقساتىن تەرەڭ ءتۇسىنىپ، ورتا بولەك رايونداردىڭ ەلىمىزدىڭ ماڭىزدى استىق ءوندىرىس بازاسى، ەنەرگيا جانە شيكىزات بازاسى، وسىزامانعى جاساۋ كاسىبى جانە جوعارى تەحنيكا كاسىبى بازاسى، سونداي - اق ۋنيۆەرسال قاتىناس تاسىمال ءتۇيىنى بولۋداي ستىراتەگيالىق ورنىن مىقتى يگەرىپ، ءتۇرلى ءتۇيىندى مىندەتتەردى كۇش سالا ىلگەرىلەتىپ، ورتا بولەك رايونداردىڭ ەڭسە كوتەۋىن ىلگەرىلەتۋدە كەلەلى تىڭ تابىستارعا قول جەتكىزۋ كەرەك.
ءماجىلىس مىنالاردى باسا دارىپتەدى: عىلىم - تەحنيكا، وقۋ - اعارتۋ بايلىعىنىڭ شوعىرلانۋ ابزالدىعىن تولىق ساۋلەلەندىرىپ، جاڭالىق جاراتۋ ارقىلى دامۋعا دەم بەرۋدە تاباندى بولىپ، ءتول جاسامپازدىق سيپاتتى عىلىم - تەحنيكادا قامال الۋدى كۇشەيتۋ كەرەك. جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، وسىزاماندانعان كاسىپ سالاسى جۇيەسىن جەدەل ورناتىپ، ناقتى ەكونوميكانى الۋەتتەندىرىپ، ارتۋ فورماسىندا بۇرىلىس جاساپ، دامۋ ساپاسىن جوعارىلاتۋدى ءبىر تۇتاس جوسپارلاپ ىلگەرىلەتىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالالارىن جوبالاۋ - ورنالاستىرۋ كەرەك. وڭىرلىك ابزالدىقتى ساۋلەلەندىرىپ، وسىزاماندانعان قاتىناس نەگىزدىك قۇرىلعى جۇيەسى قۇرىلىسىن كۇشەيتىپ، فاكتورلاردىڭ جوعارى ءونىمدى، ەركىن، قولايلى اينالىمىن جەبەپ، جاڭا دامۋعا قىزمەت وتەۋ ارناسىمەن اناعۇرلىم ويداعىداي توعىسۋ كەرەك. ەكولوگيالىق ورتانى قورعاۋ مەن جاسىل، تومەن كومىرتەكتى دامۋدى سايكەستى ىلگەرىلەتپ، كوركەم ورتا بولەك قۇرۋدى جەدەلدەتۋ كەرەك. قالا مەن اۋىلدى توعىسپالى دامىتۋدا تاباندى بولىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ كەرەك. استىق، ەنەرگيا، بايلىقپەن قامتاماسىز ەتۋ قابىلەتىن زور كۇشپەن جوعارىلاتىپ، ساپالى دامۋ مەن جوعارى دەڭگەيلى حاۋىپسىزدىكتىڭ ءوزارا جەبەۋىن جۇزەگە اسىرۋ كەرەك. ورتالىقتىڭ وڭىرلىك سايكەستى دامۋ باسشىلىق گرۋپپاسى ءبىر تۇتاس جوسپارلاپ سايكەستىرۋدى كۇشەيتىپ، ءتۇرلى مىندەتتەردى ناقتىلاندىرىپ، تىزىمدىك فورماسىندا تياناقتاندىرۋدى ىلگەرىلەتۋى كەرەك. قاتىستى تاراۋلار قولداۋ تەبىنىن ارتتىرىپ، سانشي، انحۇي، جياڭشي، حىنان، حۋبەي، حۋنان سياقتى ورتا بولەكتەگى 6 ولكە تۇلعالىق جاۋاپكەرلىكتى شىنايى ارقالاپ، قىزمەتتىڭ مىعىم بىرىككەن كۇشىن ۇيىستىرىپ، ورتا بولەك وڭىرلەردى ەڭسە كوتەرتۋدىڭ تىڭ تاراۋىن قۇلشىنا جازۋ كەرەك.
ءماجىلىس مىنالاردى اتاپ كورسەتتى: فينانس حاۋىپ - قاتەرىنەن ساقتانۋ - جويۋ مەملەكەت حاۋىپسىزدىگىنە، دامۋ جالپى جاعدايىنا، حالىقتىڭ مال - مۇلىك حاۋىپسىزدىگىنە سايادى، ساپالى دامۋدى جۇزەگە اسىرۋدا، ءسوز جوق، باسىپ وتۋگە ءتيىستى ماڭىزدى وتكەل. فينانس حاۋىپ - قاتەرىنەن ساقتانۋ - جويۋ جاۋاپكەرلىگىن قۋزاۋ بەلگىلەمەسىن (سىناق نۇسقا)» جاساۋ فينانس سالاسىندا پارتيانى جالپى بەتتىك قاتاڭ باسقارۋ تالابىن تياناقتاندىرۋدى اناعۇرلىم ىلگەرىلەتىپ، پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىن شىن مانىندە كۇشەيتىپ، فينانس سالاسىنداعى قاتىستى باسقارۋ تاراۋلارىنىڭ، فينانس قۇرىلىمدارىنىڭ، كاسىپ سالاسىن باسقارۋشى تاراۋلار مەن جەرگىلىكتى پارتكومداردىڭ، ۇكىمەتتەردىڭ جاۋاپكەرلىگىن اناعۇرلىم ناقتىلاندىرىپ، ءار دارەجەلى باسشى كادرلاردى دۇرىس ساياسي ناتيجە كوزقاراسىن ورناتۋعا قۋزاپ، فينانستى باقىلاۋ - باسقارۋدى جالپى بەتتىك كۇشەيتۋ، فينانس حاۋىپ - قاتەرىنەن ساقتانۋ – جويۋ، فينانستىڭ ساپالى دامۋىن جەبەۋ مىندەتتەرىن ويداعىداي تياناقتاندىرۋ ءۇشىن بولىپ تابىلادى.
ءماجىلىس مىنالاردى باسا دارىپتەدى: «بەلگىلەمەنى» دايەكتى تياناقتاندىرۋدى شىن مانىندە ويداعىداي يگەرىپ، قاتاڭدىقتى ماڭداي الدى ورىنعا قويۋدا، شىنداپ كىرىسىپ، قيىن تۇيىندەرگە سوققى بەرۋدە، قاتاڭ باسقارۋدا، شىنايى باسقارۋدا تاباندى بولىپ، جاۋاپكەرسىزدىك ىستەگەندەردىڭ جاۋاپكەرلىگىن، ءسوز جوق، قۋزاۋ، جاۋاپكەرلىكتى قۋزاۋدا، ءسوز جوق، قاتاڭ بولۋ سىندى كۇشتى سيگنال تاراتىپ، فينانستى باقىلاۋ - باسقارۋدىڭ باياندى ءارى قاتاڭ باسقارۋ جالپى ارناسىنا شىن مانىندە تۇسۋىنە كەپىلدىك ەتۋ، قاتاڭ شارا، قاتاڭ اۋقىمدى فينانس سالاسىندا ورناتۋ ءارى وندا ۇزاق ۋاقىت تاباندى بولۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
