سىرتتان كەلىپ سۇعاناقتىق جاسايتىن بيولوگيالىق تۇرلەردى زاڭسىز ەنگىزۋ دەلوسىنا ەلىمىز بويىنشا تۇڭعىش رەت ءبىرىنشى سوت اشىلدى
2024.06.06 15:01 كەلۋ قاينارى : حالىق تورابى
2024 – جىلى 6 – ايدىڭ 5 – كۇنى، گۋاڭدۇڭ ولكەسى جۋحاي قالالىق ورتا دارەجەلى حالىق سوتى مەكەمەسى ايىپكەر ي X تىڭ سىرتتان كەلىپ سۇعاناقتىق جاسايتىن بيولوگيالىق تۇرلەردى زاڭسىز ەنگىزۋى دەلوسىنا ءبىرىنشى سوتتا اشىق سوت اشىپ تەرگەۋ جۇرگىزدى. بۇل دەلو بۇكىل ەلىمىز بويىنشا سىرتتان كەلىپ سۇعاناقتىق جاسايتىن بيولوگيالىق تۇرلەردى زاڭسىز ەنگىزۋگە ساياتىن تۇڭعىش رەتكى قىلمىستىق ىستەر دەلوسى سانالادى.
گۋاڭدۇڭ ولكەسى جۋحاي قالالىق حالىق پروكۋراتۋراسىنىڭ ايىپتاماسى: 2022 – جىلى 10 – ايدىڭ 21 – كۇنى، ايىپكەر ي X اۆتوموبيلمەن شياڭگاڭ – جۋحاي – اۋمىن كوپىرىنەن ءوتىپ، جۋحاي تاس جول وتكەلى ارقىلى شەكارادان كىرگەندە، كەدەن مەكەمەسىنە ءوتىنىش جولداماعان، كەدەن قىزمەتكەرلەرى ول جۇرگىزگەن اۆتوموبيلگە زاڭ بويىنشا تەكسەرۋ جۇرگىزگەندە، برازيليا قىزىل قۇلاق تاسباقاسى ءتارىزدى تاسباقا تۇرىندەگى حايۋاناتتاردان ءبىر توبىن تەكسەرىپ انىقتاعان، ي X كۇشكە يە كارانتيندەپ بەكىتۋ ىسپاتىن كورسەتە الماعان. ساراپتاۋعا قاراعاندا، اتالعان دەلوعا قاتىستى حايۋاناتتاردىڭ ىشىندەگى 1760 قىزىل قۇلاق تاسباقا سىرتتان كەلىپ سۇعاناقتىق جاسايتىن بيولوگيالىق تۇرگە جاتادى، «جۇڭگوعا سىرتتان كەلىپ سۇعاناقتىق جاسايتىن بيولوگيالىق تۇرلەردىڭ تىزىمدىگى (ءۇشىنشى توپ)» جانە «ءتۇيىندى باسقارىلاتىن سىرتتان كەلىپ سۇعاناقتىق جاسايتىن بيولوگيالىق تۇرلەردىڭ تىزىمدىگىنە» ەنگىزىلگەن، جالپى باعاسى مولشەرمەن حالىق اقشاسى بويىنشا 88 مىڭ يۋان بولعان. پروكۋراتۋرا ورگانى سىرتتان كەلىپ سۇعاناقتىق جاسايتىن بيولوگيالىق تۇرلەردى زاڭسىز ەنگىزۋ قىلمىسى بويىنشا ي X تىڭ قىلمىستىق ىستەر جاۋاپكەرشىلىگىن قۋزاۋ جونىندە ءوتىنىش تاپسىرادى.
سوت بارىسىندا، پروكۋراتۋرا ورگانى قاتىستى ىسپاتتاردى كورسەتتى، ايىپكەر ي X پەن ونىڭ اقتاۋشىسى قارسى ىسپاتتارىن كورسەتتى، ايىپتاۋشى جاق پەن اقتالۋشى جاق سوتشىنىڭ باسقارۋىندا پىكىرلەرىن تولىق باياندادى، ي X ەڭ سوڭعى ءسوزىن ايتتى ءارى سوت ۇستىندە قىلمىسىن مويىنداپ، جازاعا مويىنسال بولاتىنىن ءبىلدىردى.
سوت تەرگەۋىنىڭ ەڭ سوڭىندا، سوت ءۇزىلىس جاريالادى، الدا قولايلى ساتتە ۇكىم جاريالايدى.
حالىق قۇرىلتايى ۋاكىلدەرى، ساياسي كەڭەس مۇشەلەرى، ەكولوگيالىق ورتا بايلىعىن قورعاۋ سالاسىنداعى قىزمەتكەرلەر، اقپارات سالاسىنىڭ تىلشىلەرى جانە ءار سالاداعى بۇقارا بولىپ، 40 نەشە ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
