”تارازى ارقىلى قارالىق ىستەۋ“ ارەكەتىن جونگە سالادى
بازاردى باقىلاۋ – باسقارۋ تاراۋلارى ەلەكتروندىق تارازى ارقىلى قارالىق ىستەۋ ارەكەتىن قاتاڭ تەكسەرەدى
2024.05.31 14:35 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاۋ ۋىنجۇن 5 – ايدىڭ 30 – كۇنى بەيجيڭنەن حابارلايدى. ەلەكتروندىق تارازىمەن ”كەم ولشەۋ“ قاتارلى كورنەكتى ماسەلەلەرگە نازاردى شوعىرلاندىرىپ، بازاردى باقىلاۋ – باسقارۋ باس مەكەمەسى ەلەكتروندى باعا ەسەپتەيتىن تارازى بازارىنىڭ ءتارتىبىن جان – جاقتى جونگە سالۋ قىزمەتىن ورىستەتۋ جونىندە ورنالاستىرۋ جاساعان، قارالىق ىستەۋ رولى بار ەلەكتروندىق تارازىلاردى ءوندىرۋ، ساتۋ، وزگەرتىپ جاساۋ، پايدالانۋ قاتارلى زاڭعا قايشى ارەكەتتەردى قاتاڭ تەكسەرىپ ءبىرجاقتى ەتەدى.
ءتىلشى بۇل اقپاراتتى 5 – ايدىڭ 30 – كۇنى بازاردى باقىلاۋ – باسقارۋ باس مەكەمەسىنەن ۇعىسقان. جۋىردا بازاردى باقىلاۋ – باسقارۋ باس مەكەمەسى «ەلەكتروندى باعا ەسەپتەيتىن تارازى بازارىنىڭ ءتارتبىن جان – جاقتى جونگە سالۋ جونىندەگى ۇقتىرۋدى» باسىپ تاراتقان.
ۇقتىرۋدا مىنالار تالاپ ەتىلگەن: ەلەكتروندى باعا ەسەپتەيتىن تارازىنىڭ نۇسقاسىن بەكىتۋ جانە ءماجبۇرلى تەكسەرۋ ءتۇزىمىن قاتاڭ اتقارۋ، ەلەكتروندىق تارازىنى ساتۋ، جوندەۋ تۇيىندەرىن باقىلاۋ – باسقارۋدى كۇشەيتۋ، شوعىرلى بازار، ساۋدا سارايى جانە ەرەنبازار، جىلجىمالى جايما قاتارلى ورىندارعا كۇندەلىكتى باقىلاۋ – باسقارۋ جۇرگىزۋدى كۇشەيتۋ؛ ەلەكتروندى باعا ەسەپتەيتىن تارازى ارقىلى قارالىق ىستەۋدەن ساقتانۋ تەحنيكاسىندا قامال الۋدى، ەلەكتروندى باعا ەسەپتەيتىن تارازى ارقىلى قارالىق ىستەۋدەن ساقتانۋ تەحنيكاسىنىڭ دارەجەسىن جوعارىلاتۋدى ىلگەرىلەتۋ؛ كوپ تاراۋ بىرلەسكەن ولشەم ءىلىمى جاعىنداعى بىلىمدەردى جالپىلاستىرۋ قيمىلىن بەلسەندى ۇيىمداستىرۋ جانە ورىستەتۋ، قالىڭ تۇتىنۋشىلارعا ءتۇرلى ارنالار ارقىلى ”الدامشى تارازىلاردى“ پارىقتايتىن نەگىزگى ادىستەردى ۇگىتتەۋ، ەلەكتروندى باعا ەسەپتەيتىن تارازىنى پايدالاناتىن ورىندار مەن جەكەلەردىڭ شىنايى ولشەۋ تۋرالى ۋادە بەرۋىنە، قوعامداعىلاردىڭ باقىلاۋىن اشىق قابىلداۋىنا جەتەكشىىلىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
