بيىرما بىلتىر 7 – ايدان بەرى تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 49 مىڭ ادامدى ەلىمىزگە وتكىزىپ بەردى
بيىرمانىڭ سولتۇستىگىندەگى ”ءتورت ءىرى اۋلەت“ ويراندالۋ سيپاتتى سوققىعا ۇشىرادى
2024.05.29 16:38 كەلۋ قاينارى : حالىق تورابى
قوعام حاۋىپسىزدىگى مينيسترلىگىنىڭ مالىمدەمەشىسىنىڭ 5 – ايدىڭ 27 – كۇنى اشىلعان اقپار جاريالاۋ ماجىلىسىندە تانىستىرۋىنشا، بەس جىلدان بەرى، بۇكىل ەلىمىزدەگى قوعام حاۋىپسىزدىگى ورگاندارى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىستىق دەلولارىنان ءبىر ميلليون 945 مىڭ دەلونى انىقتاعان، ەلىمىز بويىنشا ءبىر اي ىشىندە دەلو تۇرعىزۋ سانى سايكەس مەزگىلدەگىدەن جالعاستى 8 اي بويى تومەندەگەن، الدانعانداردىڭ زيانعا ۇشىراعان قاراجاتىنىڭ سوماسى %30 كە ازايعان، تەلەكوم مەن ينتەرنەتتەن پايدالانعان الدامكوستىك قىلمىسىق ىستەردىڭ ۋشىعۋ بەتالىسى ءونىمدى تۇردە تەجەلگەن. وتە – موتە، 2023 – جىلى 7 – ايدان بەرى، بيرمانىڭ سولتۇستىگىندەگى ەلىمىزگە قاتىستى قىلمىستارعا سوققى بەرۋ ارناۋلى قىزمەتىندە كەلەلى جەتىستىكتەرگە قول جەتكىزىلىپ، بيرما جاق تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 49 مىڭ ادامدى ەلىمىز جاققا وتكىزىپ بەرگەن، بيىرمانىڭ سولتۇستىگىندەگى گوگان دەگەن جەردەگى اتى شۋلى ”ءتورت ءىرى اۋلەت“ قىلمىستىق توبى ويراندالۋ سيپاتتى سوققىعا ۇشىراعان، باي سوچىڭ، باي يىڭساڭ، ميڭ جىنجىن، ۋەي حۋايرىن، ليۋ جىڭشياڭ، ليۋ جىڭماۋ قاتارلى ءىرى قىلمىس كۇماندىلارى تۇگەلدەي قولعا تۇسكەن.
2023 – جىلدان بەرى، قوعام حاۋىپسىزدىگى ورگاندارى ”بۇلت سەمسەر“، ”كارتوچكانى جويۋ“، ”تىزبەگىن ءۇزۋ“، ”شەگەنى جۇلۋ“ قاتارلى ارناۋلى ارەكەتتەردى ورىستەتۋ جونىندە ۇزدىكسىز ورنالاستىرۋ جاساپ، وڭىرلىك شايقاس پەن شوعىرلى شايقاستى ۇيىمداستىرىپ، شەكارا سىرتىنداعى الدامكوستىك توبىنا، سونداي – اق، شەكارا ىشىندەگى ۇگىتتەۋ جانە شىرعالاۋ، اقشا جوتكەۋ جانە اقشا جاڭعىرتپالاۋ، تەحنيكانى ىسكە قوسۋ، شەكارادان زاڭسىز وتۋگە ۇيىمداستىرۋ قاتارلى الدامكوستىككە ساياتىن زاڭسىز ىستەرمەن شۇعىلداناتىن قىلمىستىق توپتارعا زاڭ بويىنشا قاتاڭ سوققى بەرىپ، قىلمىس كۇماندىلارىنان جيىنى 82 مىڭ ادامدى تۇتقىندادى، مۇنىڭ ىشىندە الدامكوستىك توبىنىڭ پەردە ارتىنداعى قاراجاتپەن قامداعان ۇيىتقىلارىنان 426 ادام قامتىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
