شي جينپيڭ ەكۆاتورلىق گۆينەيانىڭ زۇڭتۇڭى وبياڭمەن كەڭەس وتكىزدى
2024.05.29 17:00 كەلۋ قاينارى : حالىق تورابى
 |
5 - ايدىڭ 28 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ەكۆاتورلىق گۆينەيانىڭ زۇڭتۇڭى وبياڭمەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان وبياڭمەن جانە حانىمى كونستانسيامەن بىرگە سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
شينحۋا اگەنتتىگى، 5 ـ ايدىڭ 28 ـ كۇنى، بەيجيڭ (تىلشىلەر سۇن ي، ۋاڭ بين). 5 ـ ايدىڭ 28 ـ كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ەكۆاتورلىق گۆينەيانىڭ زۇڭتۇڭى وبياڭمەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن ەكۆاتورلىق گۆينەيانىڭ قارىم - قاتىناسىن جان - جاقتى ستراتەگيالىق سەلبەستىك سەرىكتەستىك قارىم - قاتىناسقا كوتەرەتىندەرىن جاريالادى.
شي جينپيڭ مىنالاردى اتاپ كورسەتتى: جۇڭگو ەكۆاتورلىق گۆينەيامەن ءوزارا ادال جاقسى دوستار، جاقسى سەرىكتەر، جوعارى دەڭگەيلى ساياسي ءوزارا سەنىم − ەكى ەل قارىم - قاتىناسىنىڭ ەڭ ايقىن ەرەكشەلىگى. ديپلوماتيالىق قارىم - قاتىناس ورناتقان جارتى عاسىردان استام ۋاقىتتان بەرى ەكى جاق باستان ـ اياق ءبىر ـ بىرىنە قارايلاسىپ، ءبىر ـ ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءبىرىن ـ ءبىرى تاباندىلىقپەن قولداپ، جۇڭگونىڭ افريكا ەلدەرىمەن شىنايى دوستىعىنىڭ، قول ۇستاسا دامۋىنىڭ جاندى كارتيناسىنا اينالدى. جاڭا جاعدايدا جۇڭگونىڭ ەكۆاتورلىق گۆينەيامەن قارىم - قاتىناسىن ويداعىداي بەكەمدەۋ، ويداعىداي دامىتۋ ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسى مەن ورتاق تىلەگىنە ۇيلەسەدى. جۇڭگو جاق ەكۆاتورلىق گۆينەيانىڭ مەملەكەتتىڭ يەلىك ۇقىعى مەن تاۋەلسىزدىگىن قورعاۋىن، سىرتتىڭ كيلىگۋىنە قارسى تۇرۋىن، ءوز ەلىنىڭ دامۋ جولىن دەربەس قاراستىرۋىن باتىل قولدايدى، ەكۆاتورلىق گۆينەيامەن جان - جاقتى ستراتەگيالىق سەلبەستىك سەرىكتەستىك قارىم - قاتىناستى جوعارىلاتۋدى وراي ەتىپ، ءار سالاداعى، ءار جىكتەگى دوستىق بارىس - كەلىستى ونان ارى جيىلەتىپ، رەفورما، دامۋ، كەدەيلىكتەن ارىلتۋدان قامال الۋ سياقتى سالالارداعى تاجىريبە اۋىس - كۇيىسىن ىشكەرىلەي ورىستەتىپ، ەكى ەلدىڭ ءداستۇرلى دوستىعىنا باياندى قوزعاۋشى كۇش ۇستەۋدى قالايدى.
شي جينپيڭ بىلاي دەپ اتاپ كورسەتتى: جۇڭگو ەكۆاتورلىق گۆينەيانىڭ ەكونوميكالىق، قوعامدىق دامۋىن قولدايدى، ەكۆاتورلىق گۆينەيانىڭ ەكونوميكانى كوپ نەگىزدەندىرۋ مەن ونەركاسىپتەندىرۋدى ىلگەرىلەتۋ جولىنداعى قۇلشىنىستارىن قولدايدى، جۇڭگو - افريكا سەلبەستىك تالقى مىنبەرىنىڭ جەتىستىكتەرىن، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ەكۆاتور گۆينەياسىنىڭ «2035 مەملەكەتتىڭ ەكونوميكالىق جانە قوعامدىق دامۋ جوباسىمەن» تىعىز ۇشتاستىرىپ، ءار سالاداعى سەلبەستىكتىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋدى قالايدى. جۇڭگو جاق قۋاتتى جۇڭگو كاسىپورىندارىن ەكۆاتورلىق گۆينەياعا بارىپ قارجى قوسىپ، كاسىپتى گۇلدەندىرۋگە ىنتالاندىرادى، ەكۆاتورلىق گۆينەيامەن اۋىل شارۋاشىلىعى، اۋىل - قىستاق سالاسىنىڭ دامۋ تاجىريبەلەرىن ورتاقتاسىپ، اۋىل شارۋاشىلىعى تەحنيكالىق كومەك نىساندارىن ۇزدىكسىز ورىستەتىپ، جۇڭگو ەمدەۋ اترەتى، جۇڭگو - ەكۆاتور گۆينەياسى دوستىق شيپاحاناسى سياقتىلاردىڭ رولىن تولىق ساۋلەلەندىرىپ، ەمدەۋ - دەنساۋلىق ساقتاۋ، وقۋ - اعارتۋ، مادەنيەت سياقتى سالالارداعى اۋىس - كۇيىستى، سەلبەستىكتى تەرەڭدەتىپ، ەكى ەلدىڭ ءداستۇرلى دوستىعىن ۇرپاقتان - ۇرپاققا جالعاستىرىپ، ەكى ەل حالىقتارىن اناعۇرلىم مول باقىتقا كەنەلتۋدى قالايدى.
شي جينپيڭ بىلاي دەپ باسا دارىپتەدى: قازىرگى تاڭداعى دۇنيە جۇزىندە بىلىقپالىق شىرما - شاتۋ قاباتتاسىپ، عاسىرلىق وزگەرىس جەدەل قۇبىلىپ، ادامزات قوعامى بۇرىن بولماعان سىن - سايىسقا ءدوپ كەلدى، وركەندەپ كەلە جاتقان ەلدەر ىنتىماقتى، سەلبەستىكتى كۇشەيتۋدى بۇرىنعى ءارقانداي كەزدەگىدەن دە قاجەت ەتەدى. جۇڭگو ەكۆاتورلىق گۆينەيا سياقتى وركەندەپ كەلە جاتقان ەلدەرمەن بىرگە بەيبىت قاتار تۇرۋدىڭ بەس پرينسيبى رۋحىن ساۋلەلەندىرىپ، حالىقارالىق ىستەردە سايكەسۋدى، سەلبەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن جانە حالىقارالىق ادىلدىك پەن ادىلەتتىلىكتى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. افريكا ەلدەرىمەن ىنتىماقتى، سەلبەستىكتى دامىتۋ − جۇڭگونىڭ ديپلوماتيالىق ساياساتىنىڭ ماڭىزدى ىرگە تاسى. جۇڭگو جاق افريكا جاقپەن جاڭا كەزەكتى جۇڭگو ـ افريكا سەلبەستىك تالقى مىنبەسىنىڭ باسشىلار باس قوسۋىن ويداعىداي اشىپ، ءداستۇرلى دوستىقتى ونان ارى ساۋلەلەندىرىپ، ىنتىماقتى، سەلبەستىكتى تەرەڭدەتىپ، بولاشاق دامۋ سەلبەستىگىنىڭ ۇلى جوسپارىن بىرگە اقىلداسىپ، جۇڭگو - افريكا تاعدىرلاس ورتاق تۇلعاسىن قۇرۋدىڭ تىڭ پاراعىن اشۋدى قالايدى.
وبياڭ مىنالاردى ءبىلدىردى: جۇڭگو − شىعىستاعى ۇلى مەملەكەت، ەكۆاتورلىق گۆينەيانىڭ جاقسى اعايىنى جانە سەنىمدى ستراتەگيالىق سەرىگى. ەكى ەل ديپلوماتيالىق قارىم - قاتىناس ورناتقان 54 جىلدان بەرى ەكى جاقتى قارىم - قاتىناس باستان - اياق دوسجار دامۋدى ساقتادى، قازىر تاريحتاعى ەڭ جاقسى مەزگىلدە تۇر. جۇڭگو مەن ەكۆاتورلىق گۆينەيانىڭ سەلبەستىگى باستان - اياق تەڭدىك پەن ءوزارا قۇرمەت ەتۋدى نەگىز ەتىپ كەلەدى، ەشقاشان باسقالارعا زورلاپ تاڭىلعان ەمەس. جۇڭگونىڭ افريكاعا كومەكتەسۋ ەمدەۋ اترەتى، كومەكتەسىپ سالعان جۇڭگو ەكۆاتورلىق گۆينەيا دوستىق شيپاحاناسى سياقتى ماڭىزدى نىساندار جەرگىلىكتى حالىقتى باقىتقا كەنەلتىپ، افريكا ـ جۇڭگو دوستىعىنىڭ سيمۆولىنا اينالدى. ەكۆاتورلىق گۆينەيا جۇڭگوعا قاقپاسىن ايقارا اشىپ، جۇڭگو كاسىپورىندارىنىڭ ەكۆاتورلىق گۆينەياعا بارىپ قارجى قوسىپ، سەلبەستىك جاساپ، ەكۆاتور گۆينەياسىنىڭ ەكونوميكانى كوپ نەگىزدەندىرۋ مەن ونەركاسىپتەندىرۋدى جۇزەگە اسىرۋىنا دەم بەرىپ، مەملەكەتتىڭ باياندى، اقاۋسىز دامۋىن جۇزەگە اسىرۋدى قالايدى. ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمى، سونداي - اق ”ءبىر بەلدەۋ، ءبىر جولدى“ بىرگە قۇرۋ، دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى جانە دۇنيە جۇزىلىك وركەنيەت باستاماسى ادامزاتتىڭ بەيبىتشىلىگىن، العا باسۋىن ىلگەرىلەتۋگە، اناعۇرلىم كوركەم دۇنيە ءجۇزىن تۇلعالاۋعا ءتيىمدى. ەكۆاتورلىق گۆينەيا جۇڭگو جاقتىڭ وڭىرلىك قولامتالى ماسەلەلەردى ساياسي جولمەن شەشۋدى ىلگەرىلەتۋ، دۇنيە ءجۇزىنىڭ بەيبىتشىلىگى مەن دامۋىن جەبەۋ ءۇشىن جاساعان بەلسەندى قۇلشىنىسىن جوعارى باعالايدى، جۇڭگو جاقپەن جۇڭگو ـ افريكا سەلبەستىك تالقى مىنبەسى، بريكس ەلدەرى سياقتىلار اياسىنداعى سەلبەستىكتى كۇشەيتىپ، دۇنيە جۇزىلىك جونگە سالۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋدى قالايدى. ەكۆاتورلىق گۆينەيا ءبىر جۇڭگو پرينسيبىن باتىل اتقارىپ، دۇنيە جۇزىندە ءبىر عانا جۇڭگو بار، تايۋان − جۇڭگو تەرريتورياسىنىڭ بولىنبەس ءبىر بولەگى، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت دەپ قارايدى، ءارقانداي فورماداعى ”تايۋاندى دەربەستەندىرۋگە“ قارسى تۇرادى، جۇڭگو ۇكىمەتىنىڭ مەملەكەتتىڭ تولىق تۇتاستىعىن جۇزەگە اسىرۋ جولىنداعى قۇلشىنىسىن باتىل قولدايدى.
كەڭەستەن كەيىن ەكى ەل مەملەكەت باسشىلارى قارجى قوسۋ، ەكونوميكانى دامىتۋ، سيفرلى ەكونوميكا، جاسىل دامۋ، دۇنيە جۇزىلىك دامۋ باستاماسىن تياناقتاندىرۋ سياقتى سالالارداعى كوپ جاقتى، ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن ەكۆاتورلىق گۆينەيا رەسپۋبليكاسىنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ورناتۋ جونىندەگى بىرلەسكەن مالىمدەمەسىن» جاريالادى.
كەڭەستىڭ الدىندا شي جينپيڭ مەن حانىمى پىڭ لييۋان حالىق سارايىنىڭ شىعىس قاقپاسىنىڭ سىرتىنداعى الاڭدا وبياڭ مەن حانىمى كونستانسيانى قارسى الۋ سالتىن وتكىزدى.
وبياڭ كەلگەن كەزدە قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى قۇرمەت قاراۋىلى مىنبەسىنە شىقتى، اسكەري وركەستر جۇڭگو مەن ەكۆاتورلىق گۆينەيانىڭ مەملەكەت اندەرىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. وبياڭ شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
سول كۇنى كەشتە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا وبياڭ مەن حانىمىنا قارسى الۋ قوناعاسىن بەردى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
5 - ايدىڭ 28 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ەكۆاتورلىق گۆينەيانىڭ زۇڭتۇڭى وبياڭمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا وبياڭدى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
