ازامات جاسىنا تولماعانداردىڭ زاڭدىق كومەك الۋ قاجەتىنە نازاردى شوعىرلاندىرىپ
ءادىليا مينيسترلىگى ”زاڭ جاعىنان كومەكتەسۋ ارقىلى مايسالاردى قورعاۋ“ ارەكەتىن ورىستەتەدى
2024.06.04 15:18 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى چي چي 6 – ايدىڭ 3 – كۇنى بەيجيڭنەن حابارلايدى. زاڭ ارقىلى كومەكتەسۋ جاعىندا قىزمەت وتەۋدىڭ ازامات جاسىنا تولماعانداردىڭ اقاۋسىز ەسەيىپ – ەرجەتۋىن قامتاماسىزداندىرۋداعى قىزمەتتىك رولىن تولىق ساۋلەلەندىرۋ ءۇشىن، ءادىليا مينيسترلىگى جۋىردا ”زاڭ جاعىنان كومەكتەسۋ ارقىلى مايسالاردى قورعاۋ“ ارەكەتىن ورىستەتۋ جونىندەگى ۇقتىرۋدى جاريالاپ، ارناۋلى ىركىلىسسىز لەنيا ورناتۋ، ارناۋلى قىزمەت وتەۋدى ورىستەتۋ، كومەكتەسۋ شارتىن تومەندەتۋ قاتارلى مازمۇنداردا 10 ءتۇرلى ارەكەت شاراسىن ورتاعا قويعان.
ۇقتىرۋدا مىنالار تالاپ ەتىلگەن: زاڭ جاعىنان كومەكتەسۋ زاڭىن تياناقتاندىرىپ، قورلاۋعا ۇشىراعان، تاستاندى بولعان نەمەسە وتباسىندا زورلىق – زومبىلىققا ۇشىراعان ازامات جاسىنا تولماعاندار زاڭ جاعىنان كومەك سۇراپ ءوتىنىش جولداسا، ەكونوميكالىق قيىنشىلىق سىندى شارت – جاعدايدىڭ شەكتەمەسىنە ۇشىرامايدى؛ تۇراقتى تۇرمىس قاينارى جوق ازامات جاسىنا تولماعانداردىڭ ەكونوميكالىق قيىنشىلىق جاعدايىن تەكسەرۋدىڭ قاجەتى جوق. جەر – جەردىڭ ازامات جاسىنا تولماعان زياندالۋشىلارعا زاڭ جاعىنان كومەك بەرۋ كولەمىن كەڭەيتۋىنە قولداۋ كورسەتىلەدى.
ۇعىسۋعا قاراعاندا، 2023 – جىلى، بۇكىل ەلىمىزدەگى زاڭ جاعىنان كومەكتەسۋ قۇرىلىمدارى ازامات جاسىنا تولماعاندارعا زاڭ جاعىنان كومەكتەسۋگە ساياتىن دەلولاردان 180 مىڭ دەلونى ءبىتىرىپ، ازامات جاسىنا تولماعان 150 مىڭ ادامعا (رەت) زاڭ جاعىنان كەڭەس بەرىپ، ازامات جاسىنا تولماعانداردىڭ زاڭدى ۇقىق – مۇددەسىن پارمەندى قورعاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
