شينجياڭنىڭ اۋىل - قىستاق تاس جولدارىندا اۋدان، اۋىل، قىستاق ءۇش دارەجەلى جول باستىعى ءتۇزىمى اتقارىلادى
2024.06.05 16:09 كەلۋ قاينارى : حالىق تورابى
6 – ايدىڭ 3 – كۇنى، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىنىڭ اۋىل - قىستاق تاس جول ەرەجەسىن» (تومەندە قىسقارتىلىپ «ەرەجە» دەلىنەدى) جاريالادى، «ەرەجە» 2024 – جىلى 7 – ايدىڭ 1 – كۇنىنەن باستاپ اتقارىلادى.
«ەرەجەدە» مىنالار ايقىن بەلگىلەندى: اۋدان دارەجەلىدەن جوعارى حالىق ۇكىمەتى اۋىل – قىستاق تاس جول قىزمەتىنە باسشىلىقتى كۇشەيتىپ، اۋىل – قىستاق تاس جولىن دامىتۋدى حالىق شارۋاشىلىعى مەن قوعامدىق دامۋ جوباسىنا ەنگىزىپ، اۋىل – قىستاق تاس جولىنىڭ قىزمەت مەحانيزمىن ورناتىپ جانە كەمەلدەندىرىپ، اۋىل – قىستاق تاس جولىنىڭ سايكەستى، باياندى دامۋىن جەبەۋ كەرەك.
اۋداندىق (قالا، رايون) حالىق ۇكىمەتى ‐ اۋىل – قىستاق تاس جولىن جوبالاۋ، سالۋ، قورعاۋ، باسقارۋ جانە ىسكە قوسۋدىڭ جاۋاپكەرشىلىك تۇلعاسى، اۋىل – قىستاق تاس جولىن باسقارۋ، قورعاۋ جاۋاپكەرشىلىك ءتۇزىمىن ورناتىپ جانە كەمەلدەندىرىپ، قورعاۋ، باسقارۋ قۋاتى قۇرىلىسىن كۇشەيتەدى.
اۋىلدىق (قالاشىق) حالىق ۇكىمەتى ءوز اكىمشىلىك رايونى كولەمىندەگى قىستاق جولى، قىستاق جولىن جاساۋ جانە قورعاۋ، سونداي - اق قىستاق جولىن باسقارۋعا جاۋاپتى بولادى. قىستاق (تۇرعىندار) كوميتەتى اۋىلدىق (قالاشىق) حالىق ۇكىمەتىنىڭ جەتەكشىلىگىندە، قىستاق جولىن قورعاۋدى قىستاق ەرەجەسىنە ەنگىزەدى، سونداي - اق اۋىل جولىن، قىستاق جولىن سالۋ، جوندەۋ جانە باسقارۋ سياقتى قاتىستى قىزمەتتەردى ويداعىداي ىستەۋگە سەلبەسەدى.
اۋىل - قىستاق تاس جولدارىندا اۋدان، اۋىل، قىستاق ءۇش دارەجەلى جول باستىعى ءتۇزىمى اتقارىلىپ، جەر جاعدايىنا قاراي جول باستىعى باسقارۋ جاۋاپكەرشىلىك جۇيەسى مەن اينالىم مەحانيزمى ورناتىلادى جانە اقاۋسىزداندىرىلادى. ءار دارەجەلى جول باستىقتارى مىندەت جاۋاپكەرشىلىگى بويىنشا سايكەستى اۋىل - قىستاق تاس جول قىزمەتىنە جاۋاپتى بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
