لي چياڭ مەملەكەتتىك كەڭەستىڭ 8 - رەتكى ارناۋلى ۇيرەنۋىن باسقاردى
2024.06.06 16:04 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 5 - كۇنى، بەيجيڭ. 6 - ايدىڭ 5 - كۇنى تۇستەن بۇرىن مەملەكەتتىك كەڭەس ”مەملەكەتتىك كەڭەستىڭ ۇيىمدىق زاڭىن ىشكەرىلەي دايەكتىلەندىرىپ، اتقارىپ، زاڭمەن باسقارىلاتىن ۇكىمەت قۇرىلىسىن تىڭعىلىقتى ىلگەرىلەتۋدى“ نەگىزگى تاقىرىپ ەتىپ، 8 - رەت ارناۋلى تاقىرىپتا ۇيرەنۋ وتكىزدى. مەملەكەتتىك كەڭەستىڭ زۇڭليى لي چياڭ ۇيرەنۋدى باسقارعاندا مىنالاردى باسا دارىپتەدى: شي جينپيڭ زاڭمەن باسقارۋ يدەياسى مەن پارتيا ورتالىق كوميتەتىنىڭ مەملەكەتتى جاپپاي زاڭمەن باسقارۋ جونىندەگى ستراتەگيالىق ورنالاستىرۋىن ىشكەرىلەي ۇيرەنىپ، دايەكتىلەندىرىپ، مەملەكەتتىك كەڭەستىڭ ۇيىمدىق زاڭىن دايەكتى اتقارۋدى وراي ەتىپ، زاڭمەن باسقارۋ وي جەلىسى مەن زاڭمەن باسقارۋ ءتاسىلى ارقىلى قىزمەتتى ىلگەرىلەتۋ، ماسەلەنى شەشۋ قابىلەتىن اناعۇرلىم كۇشەيتىپ، زاڭمەن باسقارىلاتىن ۇكىمەت قۇرىلىسىن تىڭعىلىقتى ىلگەرىلەتۋ كەرەك.
جۇڭگو ساياسي - زاڭ داشۋەسىنىڭ باستىعى ما حۋايدى تۇسىنىك جاسادى. مەملەكەتتىك كەڭەس زۇڭليىنىڭ ورىنباسارلارى ديڭ شۋەشياڭ، حى ليفىڭ، مەملەكەتتىك كەڭەستىڭ مۇشەسى ۋ جىڭلۇڭ پىكىر اۋىستىرىپ ءسوز سويلەدى.
لي چياڭ لەكسيانى جانە اۋىس - كۇيىس ءسوزىن تىڭداعاننان كەيىن بىلاي دەپ اتاپ كورسەتتى: زاڭمەن باسقارىلاتىن ۇكىمەت قۇرىلىسى — مەملەكەتتى جاپپاي زاڭمەن باسقارۋدىڭ ءتۇيىندى مىندەتى جانە نەگىزگى تۇلعالىق ينجەنەرياسى. جاڭادان وزگەرىس ەنگىزىلگەن مەملەكەتتىك كەڭەستىڭ ۇيىمدىق زاڭى مەملەكەتتىك كەڭەستىڭ نەگىزگى زاڭ بويىنشا مىندەت وتەۋىنە، زاڭمەن باسقارىلاتىن ۇكىمەت قۇرىلىسىن كۇشەيتۋىنە اناعۇرلىم بەرىك كەپىلدىك ازىرلەدى. سوڭعى جىلداردان بەرى زاڭمەن باسقارىلاتىن ۇكىمەت قۇرىلىسىندا بەلسەندى ىلگەرىلەۋشىلىككە قول جەتتى. جاڭا جاعداي مەن مىندەت الدىندا، ۇكىمەت قىزمەتكەرلەرى زاڭمەن باسقارۋ تانىمىن ونان ارى كۇشەيتىپ، زاڭمەن باسقارۋ قابىلەتىن جوعارىلاتىپ، زاڭمەن باسقارۋ ادەتىن قالىپتاستىرىپ، ۇكىمەت قىزمەتىن باستان - اياق زاڭمەن باسقارۋ ارناسىندا ورىستەتىپ، پارتيا ورتالىق كوميتەتىنىڭ ورنالاستىرۋلارىن اناعۇرلىم ويداعىداي دايەكتىلەندىرىپ، حالىق بۇقاراسىنىڭ تىلەگىنە سايكەسۋى كەرەك.
لي چياڭ بىلاي دەپ اتاپ كورسەتتى: عىلمي زاڭ شىعارۋدى ىلگەرىلەتىپ، زاڭ شىعارۋداعى ءالسىز بۋىندار مەن اق تاڭداقتاردى جەدەل تولىقتاپ، اكىمشىلىك ارەكەتتەردىڭ زاڭدىق نەگىزى بولۋىنا شىنايى كەپىلدىك ەتۋ، رەفورما، دامۋ تالابىنا ۇيلەسپەيتىن زاڭدارعا، زاڭ - ەرەجەلەرگە دە دەر كەزىندە وزگەرىس ەنگىزۋدى نەمەسە كۇشىنەن قالدىرۋدى ىلگەرىلەتۋ كەرەك. ماسەلەنى نىشان ەتۋدەن جازباي، كەيبىر ”شاعىن، تەز، يكەمدى“، باعىتتامالىلىعى كۇشتى زاڭ شىعارۋدى كوبىرەك ىلگەرىلەتىپ، كاسىپورىندار مەن بۇقارانىڭ ءىس جۇزىندىك ماسەلەلەردى شىن مانىندە شەشۋىنە كومەكتەسۋ كەرەك. زاڭدى ءادىل، وركەنيەتتى اتقارۋدى قاتاڭ ارناعا تۇسىرۋدە سەرپىندى بولۋ، زاڭعا، ءسوز جوق، بويسۇنۋدا، زاڭدى، ءسوز جوق، قاتاڭ اتقارۋدا، زاڭعا قايشىلىق جاساعانداردى، ءسوز جوق، قۋزاستىرۋدا تاباندى بولۋمەن بىرگە، جىلۋلىق بولۋ، قاجەت بولعاندا، يكەمدى زاڭ اتقارۋ، ادامگەرشىلىك ارقىلى زاڭ اتقارۋ سياقتى تاسىلدەردى قولدانىپ، ءادىل، ادىلەتتى دامۋ ورتاسىن كۇش سالا قالىپتاستىرۋ كەرەك. اكىمشىلىك جازا بەلگىلەۋ ۇقىعىنىڭ نەگىزدىك ءتۇزىمىن جەدەل تياناقتاندىرىپ، زاڭعا قايشى ءتۇرلى ارەكەتتەردى جازالاۋ ولشەمىنىڭ بىركەلكىلىگىنە، ءتارتىبىنىڭ ادىلدىگىنە، ناتيجەسىنىڭ ۇيلەسىمدىلىگىنە كەپىلدىك ەتۋ كەرەك. باقىلاۋدى كەمەلدەندىرىپ، اكىمشىلىك ۇقىقتى تەجەۋ جانە باقىلاۋ جۇيەسىن اقاۋسىزداندىرىپ، ءار جاقتىڭ باقىلاۋىن ىرىقتىلىقپەن قابىلداۋمەن بىرگە، اكىمشىلىك باقىلاۋدى دا كەمەلدەندىرىپ، باقىلاۋ بار جاعدايدا ۇقىق جۇرگىزەتىن ادەت پەن سانالىلىقتى قالىپتاستىرىپ، ۇكىمەت قىزمەتىنىڭ باستان - اياق جاريالى جۇرگىزىلۋىنە مۇمكىندىك جاساۋ كەرەك.
لي چياڭ مىنالاردى باسا دارىپتەدى: قالىڭ كادرلاردى زاڭ بويىنشا اكىمشىلىك جۇرگىزۋ قابىلەتى مەن ورەسىن ۇزدىكسىز جوعارىلاتۋعا جەتەكتەپ، باسشى كادرلاردىڭ ۇلگىلىك رولىن ساۋلەلەندىرىپ، تاربيەلەۋ مەن باۋلۋدى شىن مانىندە كۇشەيتىپ، ”جوعارى ونىمدىلىكپەن ءبىر ءىستى تىندىرۋدى“ ىلگەرىلەتۋدى ارقاۋ ەتىپ، قاتىستى زاڭ - ەرەجەلەردى، ەرەجەلەردى جانە اكىمشىلىك ولشەمدى قۇجاتتاردى رەتتەپ، ساپالىلاندىرىپ، زاڭ بويىنشا جوعارى ونىمدىلىكپەن ءىس ءبىتىرۋدى ۇزدىكسىز ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
