جاۋ لىجي سەربيا حالىقتىق پارلامەنتى باستىعىنىڭ ورىنباسارى لاگۋشپەن جانە ونىڭ ساپارلاستارىمەن كەزدەستى
2024.06.06 16:06 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 5 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 6 - ايدىڭ 5 - كۇنى بەيجيڭدە سەربيا حالىقتىق پارلامەنتى باستىعىنىڭ ورىنباسارى لاگۋشپەن، پارلامەنت باستىعىنىڭ ورىنباسارى پاۋنوۆيچپەن كەزدەستى.
جاۋ لىجي مىنالاردى ءبىلدىردى: بيىل 5 – ايدا ءتوراعا شي جينپيڭ سەربيادا تاريحي مەملەكەتتىك ساپاردا بولدى، ۆۋچيچ زۇڭتۇڭمەن بىرگە جاڭا داۋىردەگى جۇڭگو - سەربيا تاعدىرلاس ورتاق تۇلعاسىن قۇرۋدى جاريالاپ، ەكى ەل قارىم - قاتىناسىنىڭ تاريحي تىڭ پاراعىن اشتى. جۇڭگو مەملەكەتتىك حالىق قۇرىلتايى سەربيا حالىقتىق پارلامەنتىمەن بىرگە ەكى ەل مەملەكەت باسشىلارىنىڭ ستراتەگيالىق ورتاق تانىمىن ويداعىداي تياناقتاندىرىپ، جۇڭگو - سەربيا زاڭ شىعارۋ ورگاندارى سەلبەستىك كوميتەتى قاتارلى مەحانيزمدەردىڭ رولىن تولىق ساۋلەلەندىرىپ، ءار قايسى ساتىلاردىڭ اۋىس - كۇيىسىن كۇشەيتىپ، زاڭ شىعارۋ ورگاندارىنىڭ فۋنكتسياسىن ساۋلەلەندىرىپ، مىزعىماس دوستىقتى بەكەمدەپ، ناقتى سەلبەستىكتى ىلگەرىلەتىپ، جۇڭگو - سەربيا ەركىن ساۋدا كەلىسىمنىڭ ءساتتى اتقارىلۋىن ىلگەرىلەتىپ، تاماشا زاڭمەن جونگە سالۋ جانە تيجارات - ساۋدا ورتاسىن جاراتىپ، گۋمانيتالرىق جانە جەرگىلىكتى ورىندار اۋىس - كۇيىسىن ىلگەرىلەتىپ، ەكى ەل قارىم - قاتىناسىنىڭ حالىق رايى نەگىزىن بەكەمدەۋدى قالايدى.
سەربيا جاق مىنانى ءبىلدىردى: سەربيا مەن جۇڭگونىڭ مىزعىماس دوستىعى ۋاقىت وتكەن سايىن بەكەمدەلىپ كەلەدى. سەربيا حالىقتىق پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى جيىلەتىپ، جاڭا داۋىردەگى سەربيا مەن جۇڭگونىڭ تاعدىرلاس ورتاق تۇلعاسىن قۇرۋعا زاڭ شىعارۋ قۇرىلىمىنىڭ ۇلەسىن قوسۋدى قالايدى.
پىڭ چيڭحۋا كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
