كاسىپ سالاسى ”جاسىل“ بولۋعا، ءوندىرىس جەلىسى ”زەردەلى“ بولۋعا، ونىمدەر ”جاڭا“ بولۋعا بەت الدى
حىبەي بولات - تەمىر توبى تاڭشان بولات - تەمىر شەكتى جارنا سەرىكتەستىگى جاسىل، تومەن كومىرتەكتى تيپكە بۇرىلىس جاساپ دامۋدى جەدەلدەتتى
«حالىق گازەتىنىڭ» ءتىلشىسى جاڭ جىفىڭ
2024.06.06 16:27 كەلۋ قاينارى : حالىق تورابى
بوحاي تەڭىزىنىڭ جاعاسىندا نەشە مىڭ مۋلىق كەمەجاي قالاسى مەن بولات قالاسىنىڭ كەڭىستىگىنەن ”جاسىل“ ءدالىز سالىنعان.
كەمە تاڭشان كەمەجايىنىڭ جيڭتاڭ پورتى رايونىندا ايالداپ تۇر، كەمە تۇسىرگىش ىسكە قوسىلىپ، تەمىر رۋداسىن كەمەدەن تۇسىرۋدە. پورت رايونىنان جولعا شىعىپ، اۆتوكولىكپەن حىبەي بولات - تەمىر توبى تاڭشان بولات - تەمىر شەكتى جارنا سەرىكتەستىگىنە باردىق، 10 كيلومەتردەن استام جولدا تەمىر رۋداسىن تاسىمالدايتىن جۇك اۆتوموبيلىن كورە المادىق.
تەمىر رۋداسى تاڭشان بولات - تەمىر شەكتى جارنا سەرىكتەستىگىنە قالاي جەتكىزىلەدى؟ جاۋابىن بىلگىڭىز كەلسە، اۋەدەن تەمىر رۋداسى سياقتى كوپ مولشەردەگى زاتتار سورەنىڭ تۇيىق تاسپاسىنان ءوتىپ، تاڭشان پورتىنىڭ جيڭتاڭ پورتى رايونىنان تاڭشان بولات - تەمىر شەكتى جارنا سەرىكتەستىگىنە جەتكىزىلەدى ەكەن. ”تاس جول تاسىمالىنان تۇتاس ءدالىز بويىنشا تىكە جەتكىزۋگە وزگەرتىپ، ارالىعى ءبىر كيلومەتردەن استام قىسقاردى، ونىڭ ۇستىنە قالدىق گاز، شاڭ - توزاڭ سياقتى لاستاۋشى زاتتاردىڭ شىعارىلۋىن ەڭ جوعارى شەكتە ازايتتىق“. تاڭشان بولات - تەمىر شەكتى جارنا سەرىكتەستىگى تەمىر قورىتۋ ىستەرى ءبولىمى باستىعىنىڭ ورىنباسارى ليۋ تاۋ بىلاي دەدى: قازىر تاڭشان بولات - تەمىر شەكتى جارنا سەرىكتەستىگىنىڭ %80 تەن استامى كوپ قولدى شيكىزاتى تازا تاسىمال جەلىسىنە سالىنادى.
زالدى بويلاپ تاڭشان بولات - تەمىر شەكتى جارنا سەرىكتەستىگىنىڭ ماتەريال قويماسىنا كىردىك، توبەسىنە اق ءتۇستى تۇمانداتقىش بۇركىلەدى. ”بۇل قۇرعاق ۇنتاق تۇمانداتقىشى، شاڭ - توزاڭدى تەجەيتىن جابدىق، زەردەلى باقىلاۋ - ولشەۋ ارقىلى اۆتوماتتى ىسكە قوسىلىپ، توقتايدى. بۇرىن ىس - تۇتەك بار ەدى، زات قويماسىنا كىرگەندە شاڭ - توزاڭنان ساقتانۋ ماسكىسىن تاعىپ، قانىق رەڭدى قىزمەت كيىمىن كيەتىنبىز، قازىر ولاي ەمەس!“ ليۋ تاۋ قاز - قاتار تىزىلگەن اق ءتۇستى قابىرعالى زاۆود ءۇيىن نۇسقاپ تۇرىپ: ”زاۆود اۋماعى تازا دا رەتتى، اق ءتۇستى كيىم كيۋگە دە باتىلدىق ەتە الاتىن بولدىق“ دەدى.
تاڭشان بولات - تەمىر شەكتى جارنا سەرىكتەستىگى پارتكومىنىڭ شۋجيى، باس جوراسى شيە حايشىن: ”حىبەي ولكەسى لىتيڭ اۋدانىنىڭ حايبيان رايونىنداعى تاڭشان بولات - تەمىر شەكتى جارنا سەرىكتەستىگىنىڭ جاڭا زاۆود رايونى 2020 - جىلى 9 - ايدا سالىنىپ بولىپ وندىرىسكە قوسىلدى، 80 جىلدان استام تاريحى بار تاڭشان قالاسىنداعى بايىرعى زاۆود ءبىر ۋاقىتتا جابىلىپ، تاريح ساحناسىنان شەگىندى“ دەدى.
كاسىپ سالاسى جاسىل تۇسكە بەت الدى. سوڭعى جىلدارى تاڭشان قالاسى تاڭشان بولات - تەمىر شەكتى جارنا سەرىكتەستىگىن قامتىعان 10 نەشە بولات - تەمىر كاسىپورنىن كوشىرىپ، وزگەرتىپ، ”بولات – تەمىر زاۆودتارى قورشاعان قالا“ ماسەلەسىن شەشىپ، كاسىپ سالاسىنىڭ ورنالاسۋىن جاقسارتتى.
كوشىپ شىعىپ، جاڭا جول اشتى. ”مەملەكەت ساياساتتىق قارجىمەن قولداۋ كورسەتتى، ءبىز تەحنولوگيانى، تەحنيكانى جاقسارتىپ، ءوندىرىستىڭ جالپى بارىسىنا لاستى بارىنشا از شىعارۋ شاراسىن قولداندىق، شاڭ - توزاڭ، كۇكىرت قوس توتىعى سياقتىلاردىڭ شىعارىلۋى مەملەكەتتىڭ لاستى بارىنشا از شىعارۋ ولشەمىنەن تومەن بولىپ، تومەن كومىرتەكتى، اينالمالى جاسىل ءوندىرىس جۇيەسىن بىرتىندەپ قالىپتاستىردىق“. تاڭشان بولات - تەمىر شەكتى جارنا سەرىكتەستىگى ەنەرگيا، قورشاعان ورتانى قورعاۋ ءبولىمىنىڭ باستىعى ۋ حايدۇڭ كوگالدا تۇرىپ: ”كوگالدىڭ استى 80 مىڭ تەكشەمەترلىك سۋ ساقتاۋ كولشىگى، زاۆود اۋماعىنداعى بارلىق ءوندىرىس، تۇرمىس لاس سۋلارىن تازارتىپ ءبىر جاقتى ەتكەننەن كەيىن، ءارقايسى ءوندىرىس بۋىندارىنا قايتالاي پايدالانۋعا ءبولىپ بەرىلەدى. سەرىكتەستىك جىلىنا جاڭا سۋدى سىرتتان ساتىپ الۋ اقىسىنان 43 ميلليون يۋان ۇنەمدەيدى“ دەدى.
ءوندىرىس جەلىسى زەيىندەنۋگە قاراي بەت الدى. قىزدىرىپ شىڭاۋ 2050 جۇمىس رايونىنا كىرگەنىمىزدە، قىزعىلت ءتۇستى بولات كەسەگى ۇلكەن تاپتاۋ ماشيناسىنا كىرىپ، قامىر جايعانداي ءۇش رەت باستىرىلىپ، ونان سوڭ تاپتاۋ ماشيناسىنا قايتا - قايتا قويىلىپ جاتتى. زەردەلى ەسەپتەۋ ءادىسى ارقىلى، قيۋ ماشيناسى ەڭ ۇيلەسىمدى جەردە ءدال كەسىپ، سۋىعاننان كەيىن ماشينامەن شارتتى تاڭبانى بۇركىپ جازادى... نەبارى 90 سەكۋندتا ءبىر ورام بولات تاقتاي ءوندىرىس جەلىسىنەن شىقتى. ”بۇرىن قاتىستى جۇمىس تارتىپتەرىندە ادام كۇشىنە، تاجىريبەگە سۇيەنەتىنبىز، قازىر اۆتوماتتاندىرىلعان، زەردەلىلەندىرىلگەن ءوندىرىس ارقىلى جۇمىس ونىمدىلىگى مەن ءونىم مولشەرىن جوعارىلاتتىق“ دەدى تاڭشان بولات - تەمىر شەكتى جارنا سەرىكتەستىگى قىزدىرىپ شىڭاۋ ءبولىمى باستىعىنىڭ كومەكشىسى باي دۇڭميڭ.
ءونىم جاڭارۋعا بەت الدى. تاڭشان قالاسى سوڭعى جىلداردان بەرى بولات ـ تەمىر قولدانىلمالى تەحنيكاسىن زەرتتەۋ ورنىن قۇرىپ، كاسىپورىنداردى زەرتتەۋ ـ اشۋ قۇرىلىمىن قۇرۋعا شابىتتاندىرىپ، بولات ماتەريالدارى ونىمدەرىنىڭ جوعارى دەڭگەيگە، سۇرىپتالۋعا قادام تاستاۋىن ىلگەرىلەتتى. جوعارى كومىرتەكتى بولات، باتەريا قوراپ بولاتى، 05 كەڭ اۆتوموبيل تاقتاسى، 1000 مەگا پاسكالدان اساتىن جوعارى كۇشەمەلى اۆتوموبيل بولاتى … تاڭشان بولات - تەمىر شەكتى جارنا سەرىكتەستىگى كورمە تەكشەسىندەگى جاڭا ونىمدەر كوزدىڭ جاۋىن الادى. ”بۇرىن ءبىز نەگىزىنەن قۇرىلىس بولات ماتەريالدارىن وندىرەتىنبىز، قازىر ساپالى بولات تۇرلەرى %80 تەن استامىن يەلەيدى“ دەدى باي دۇڭميڭ.
بولاتپەن گۇلدەنگەن تاڭشان قازىر جاسىل جەلەك جامىلدى. جاسىل دامۋ تاڭشاننىڭ ساپالى دامۋىنىڭ نەگىزگى اۋقىمىنا اينالدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
