شي جينپيڭ قازاقستان زۇڭتۇڭى نازاربايەۆپەن كەزدەستى

2014.03.24 16:08   كەلۋ قاينارى : حالىق تورابى

　　شينحۋا تورابىنىڭ 23 – ناۋرىزدا گوللانديادان بەرگەن حابارى. مەملەكەت ءتوراعاسى شي جينپيڭ 23 – ناۋرىز كۇنى گوللانديادا قازاقستان زۇڭتۇڭى نازاربايەۆپەن كەزدەستى. شي جينپيڭ: قازىرگى جاعدايدان الىپ ايتقاندا، جۇڭگو – قازاقستان ىستەستىگىنىڭ ستراتەگيالىق ماڭىزى ەرەكشە. بيىل مامىر ايىندا ءسىز جۇڭگوعا ساپارلاي كەلمەكشىسىز ءارى ازيا ءوزارا سەلبەستىك جانە سەنىمدىلىك شارالارى جيىنىنا قاتىناسپاقشىسىز، مەن وسى ورايدا سىزبەن ەكى تاراپتىڭ قاتىناسى مەن حالىقارالىق جانە رايون ماسەلەلەرى جونىندە جالعاستى تەرەڭىنەن پىكىر الماستىرۋدى ءۇمىت ەتەمىن، سونىمەن قاتار ەكونوميكا، بايلىق قاينارى، اۋىل شارۋاشىلىق قاتارلى سالالاردا ىستەستىكتىڭ اناعۇرلىم كۇشەيۋىن ءۇمىت ەتەمىن. جۇڭگو جاق ءسىزدىڭ مەملەكەتتىك ساپارىڭىز بارىسىندا كوپتەگەن شىن مانىندەگى تابىستارعا قول جەتكىزۋگە قازاقستان جاقپەن بىرلىكتە قۇلشىنىس جاسايدى،-دەدى. شي جينپيڭ تاعى دا: جۇڭگو مەن قازاقستان ازيا سەنىمدىلىك جينالىسىنداعى باسقارۋشى مەملەكەت پەن العاشقى ورتاعا قويعان مەملەكەت رەتىندە، ءتىپتى دە قويۋ ىنتىماقتاستىق ورناتىپ، ازيانىڭ شىت جاڭا حاۋىپسىزدىك جاعدايىن قالىپتاستىرىپ، ازيا حاۋىپسىزدىگى مەن ىستەستىگىنىڭ جاڭا قۇرىلىمىن ورناتىپ، ازيانىڭ بەيبىتشىلىگى ءۇشىن ءتىپتى دە زور ۇلەس قوسۋىمىز كەرەك،-دەدى.

　　نازاربايەۆ: ءتوراعا شي جينپيڭنىڭ وتكەن جىلى قازاقستانعا ساپارلاي كەلۋى ەكى ەلدىڭ قارىم – قاتىناسىنىڭ دامۋىن جەدەلدەتتى. ءبىزدىڭ سول كەزدەگى ءارقايسى تارماقتارداعى ورتاق پىكىرگە كەلگەن ماڭىزدى كەلىسىمدەر بىرتىندەپ ىسكە اسا باستادى. قازاقستان جۇڭگونىڭ ەڭ سەنىمدى سەرىكتەستىگى، جۇڭگونىڭ جالپىلىق تەرەڭ رەفورماسىنىڭ تابىسقا جەتۋىن ءۇمىت ەتەمىن، جۇڭگومەن ءارقايسى سالالاردا ىستەستىك جاساۋعا قۇلشىنامىز، بۇل جۇڭگونىڭ دامۋىنا پايدالى،-دەدى.ەكى جاق ۋكراينا ماسەلەسى جونىندە ءوزارا پىكر الماستىردى، ەكى جاق ۋكراينا ماسەلەسى بەلگىلەنگەن زاڭ مەن ءتارتىپ كولەمىندە، بەيبىتشىلىكپەن ورتاق پىكىرگە كەلىپ ساياسي جاقتان شەشىم تابۋى كەرەك، سونىمەن قاتار بۇل ماسەلەدە ەكى جاق ءارقاشان ءوزارا پىكىر الماستىرىپ، سايكەسىمدىلىك تابادى،-دەدى.

　　كەلۋ قاينارى: حالىق تورابى