- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاقستان ءمانساپتىسى: قازاقستاننىڭ ەۆرازيالىق ەكونوميكالىق وداقتان شەگىنىپ شىعۋ ويى جوق
2014.09.03 15:11 كەلۋ قاينارى : حالىق تورابى
حالىق تورابى، 3 – قىركۇيەك، بەيجيڭ. جۇڭگو اقپارات تورابىنىڭ 2 – قىركۇيەكتە استانادان بەرگەن حابارىنا قاراعاندا، قازاقستان ءماجىلىسىنىڭ (پارلامەنتتىڭ تومەنگى پالاتاسى) حالىقارالىق ىستەر مەن مەملەكەت قورعانىسى جانە حاۋىپسىزدىك كوميتەتىنىڭ ءتوراعاسى اشىمبايەۆتىڭ 2 – قىركۇيەكتە ايتۋىنشا، ءىشىنارا شەتەل مەديالارى قازاقستان زۇڭتۇڭى نازاربايەۆتىڭ جۋىرداعى سۇحباتتا سويلەگەن ءسوزىن قاتە تۇسىنگەن، قازاقستاننىڭ ەۆرازيالىق ەكونوميكالىق وداقتان شەگىنىپ شىعۋ نيەتى جوق.
تامىزدىڭ سوڭىندا، نازاربايەۆ قازاقستان حابار تەلەارناسىنىڭ سۇحباتىن قابىلداعاندا: ەۆرازيالىق ەكونوميكالىق وداقتىڭ شارتىنداعى تارماقتار اتقارىلماسا، قازاقستان ەۆرازيالىق ەكونوميكالىق وداقتان شەگىنىپ شىعۋعا ۇقىقتى، قازاقستان تاۋەلسىزدىگىنە حاۋىپ توندىرەتىن ۇيىمدا قالا المايمىز، قازاقستان ءۇشىن تاۋەلسىزدىك بارىنەن دە قىمبات، - دەگەن بولاتىن. بۇل سۇحبات جاريالانعاننان كەيىن مەديالار مۇنى قازاقستان ەۆرازيالىق ەكونوميكالىق وداقتان شەگىنىپ شىقپاقشى دەپ تۇسپالداعان.
بۇل جايىندا، اشىمبايەۆ: نازاربايەۆتىڭ بۇل ءسوزى ۋكرايناداعى جاعداي سەبەبىنەن قازاقستاننىڭ ەۆرازيالىق ەكونوميكالىق وداقتان شەگىنىپ شىعۋدى ويلاستىرعانىن بىلدىرمەيدى. تەك قازاقستاننىڭ حالىقارالىق ۇيىمدارمەن قول قويىسقان كەلىسمشارتتاردان ءارقاشان دا شەگىنىپ شىعۋى مۇمكىن ەكەنىنە قاراتىلا ايتىلعان. ءارقانداي حالىقارالىق ۇيىمدا قازاقستان ءوزىنىڭ مەملەكەتتىك مۇددەسىن الدىمەن ويلاستىرادى، سوندىقتان، بولاشاقتا ءارقانداي حالىقارالىق ۇيىم قازاقستاننىڭ مەملەكەتتىك مۇددەسىنە حاۋىپ توندىرسە، وندا قازاقستان بۇل ۇيىمنان شەگىنىپ شىعادى، - دەدى.
بيىل 29 – مامىردا رەسەي، بەلورۋسسيا، قازاقستان قاتارلى ءۇش ەل «ەۆرازيالىق ەكونوميكالىق وداق قۇرۋ شارتىنا» قول قويعان بولاتىن. بۇل كەلىسىمشارت 2015 – جىلى 1 – قاڭتاردان باستاپ كۇشكە يە بولادى. قازاقستان ەۆرازيانىڭ ءبىر تۇلعالانۋ ىسىنە باستان – اياق ساقتىق پوزيتسياسىن ۇستانۋدا، نازاربايەۆ :ءبىرتۇلعالانۋدىڭ ءارقايسى مۇشە ەلدەردىڭ تەپە – تەڭدىگى، ماسەلەلەردى كەڭەسىپ، ءبىر اۋىزدىلىققا كەلۋ ارقىلى شەشۋى نەگىزىندە جۇزەگە اسىپ، مۇشە ەلدەردىڭ تاۋەلسىزدىگى مەن يەلىك ۇقىعىنا سۇعاناقتىق جاسالماۋىنا كەپىلدىك ەتۋدى العى شارت ەتەتىنىن كوپ رەت اتاپ كورسەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
