جۇڭگو – قازاقستان قورعاس شەكارا سەلبەستىك ورتالىعى باجىسىز «اۆياماتكا» قۇراماق

2016.09.22 15:31   كەلۋ قاينارى : حالىق تورابى

　　حالىق تورابى، 22 – قىركۇيەك، بەيجيڭ. 21 – قىركۇيەك، 5 – كەزەكتى جۇڭگو ــ ازيا – ەۆروپا كورمەسىنىڭ ماڭىزدى نىسانعا قول قويۋ ناق مايدانىندا، شينجياڭ شينلەي توبىنا قاراستى ىلە رۇڭرۇن قوراجاي كاسىبىن دامىتۋ شەكتى سەرىكتىگى مەن قورعاس ەكونوميكالىق اشۋ رايونىن باسقارۋ كوميتەتى قارجى قوسۋ كەلىسىمىنە قول قويىستى، ىلە رۇڭرۇن قوراجاي كاسىبىن دامىتۋ شەكتى سەرىكتىگى قارجى شىعارىپ، سەلبەستىك ورتالىعىنىڭ ىشىنەن جۇڭگو – قازاقستان التىن قالا حالىقارالىق باجىسىز دۇكەن نىسانىن قۇرماقشى.

　　بۇل جىل سوڭىنا دەيىن جۇڭگو – قازاقستان قورعاس حالىقارالىق شەكارا سەلبەستىك ورتالىعىنىڭ جاڭادان باجىسىز «اۆياماتكا» ــ جۇڭگو – قازاقستان التىن قالاسىن قۇراتىندىعىنان دەرەك بەرەدى.

　　ۇعىسۋعا قاراعاندا، جۇڭگو – قازاقستان التىن قالاسى قورعاس قالاسىنداعى جۇڭگو – قازاقستان سەلبەستىك ورتالىعىنىڭ ٴتۇيىندى رايونىنا ورنالاسادى. نىسانعا جيىنى 550 ميلليون يۋان قارجى شىعارىلىپ، جالپى جەر اۋماعى 23 مىڭ شارشى مەتر، قۇرىلىس اۋماعى 90 مىڭ شارشى مەتر بولىپ، 3 قاباتتىق 6 ساۋدا بيناسى، 11 قاباتتىق 4 مەيمانحانا جانە 17 قاباتتىق 2 حالىقارالىق ۇلگىدەگى قوناقجاي سالىنادى.

　　كەلۋ قاينارى: حالىق تورابى