نازاربايەۆ «ءبىر بەلدەۋ، ءبىر جول» دارىپتەمەسى قازاقستانعا پايدالى دەدى

2019.09.25 11:52   كەلۋ قاينارى : حالىق تورابى

　　حالىق تورابى، 9 – ايدىڭ 25 – كۇنى، بەيجيڭ. شينحۋا اگەنتتىگىنىڭ 9 – ايدىڭ 24 – كۇنى نۇر- سۇلتاننان بەرگەن حابارى (ءتىلشى رىن جۇن)، قازاقستاننىڭ تۇڭعىش پرەزيدەنتى نازاربايەۆ 9 – ايدىڭ 24 – كۇنى قازاقستاننىڭ استاناسى نۇر- سۇلتاندا وتكىزىلگەن 4 – كەزەكتى ەۆرازيا پارلامەنت باسشىلارىنىڭ ماجىلىسىندە بىلاي دەدى: «قازاقستان جۇڭگو ورتاعا قويعان <ءبىر بەلدەۋ، ءبىر جول> دارىپتەمەسىن قولدايدى، ويتكەنى ول بىزگە پايدالى.»

　　نازاربايەۆ بىلاي دەدى: «قازىر تىنىق مۇحيتتان قازاقستان مەن رەسەي ارقىلى ەۆروپاعا تاسىمالداناتىن جۇك قوراپتارىنىڭ سانى جىل سايىن ارتتى. بۇل قازاقستاننىڭ ازيا مەن ەۆروپانى ءونىمدى تۇتاستىراتىن قۇرلىق جولىندا بۇرىلىس جاساعان ەلگە اينالعاندىعىنان دەرەك بەرەدى.»

　　ول مىنانى ءبىلدىردى: قازاقستان قىسقا عانا ۋاقىت ىشىندە 15 مىڭ كيلومەتر ۇزىندىقتاعى وسىزاماندانعان تاس جول مەن تەمىر جولدى سالىپ ءارى جاڭالاپ، قازاقستاننىڭ تىنىق مۇحيت، اتلانت مۇحيت جانە پارسى شىعاناعىنا جالعاسۋىنا كومەگىن تيگىزدى.

　　4 – كەزەكتى ەۆرازيا پارلامەنت باسشىلارىنىڭ ءماجىلىسى 9 – ايدىڭ 24 – كۇنى نۇر – سۇلتاندا وتكىزىلدى، «ۇلى ەۆرازيا: تىلدەسۋ، سەنىمدىلىك جانە سەرىكتەستىك قاتىناس» دەگەن تاقىرىپتا بولىپ، 65 مەملەكەت پەن 14 حالىقارالىق ۇيىمنىڭ ۋاكىلدەرى، 50دەن استام پارلامەنت باسشىلارى، باسشىلاردىڭ ورىنباسارلارى ماجىلىسكە قاتىناستى.

　　كەلۋ قاينارى: حالىق تورابى