جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ اقپارات ورتالىعى سىرتقا باعىتتالعان قابىلداۋ قىزمەتىن وتەۋدى رەسمي باستادى

2019.09.24 10:52   كەلۋ قاينارى : حالىق تورابى

　　حالىق تورابى، 9 – ايدىڭ 23 – كۇنى، بەيجيڭ (ءتىلشى: ۋىڭ چييۇي) بەيجيڭدەگى مەديا قوناق ۇيىنە ورنالاسقان جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ اقپارات ورتالىعى 9 – ايدىڭ 23 – كۇنى سىرتقا باعىتتالعان قابىلداۋ قىزمەتىن وتەۋدى رەسمي باستادى.

　　اقپارات ورتالىعىندا اقپارات تاراتۋ زالى، راديو – تەلەۆيزيا سەگنالىندىق قىزمەت وتەۋ بولمەسى، اقپاراتتىق سۋرەت بولمەسى، ينتەرنەت جانە حابارلاسۋ قىزمەتى رايونى، تىلشىلەر قىزمەت رايونى، توعىسپالى مەديالىق سىناپ كورۋ بولمەسى، مەديتسينالىق قىزمەت وتەۋ بولمەسى قاتارلى فۋنكتسيالىق اۋماقتار قۇرىلعان. اقپارات ورتالىعى الدا اقپار جاريالاۋ جيىنى، ارناۋلى تاقىرىپتىق شوعىرلى تىلشىلىك ىستەۋ جانە سىرت جەرگە بارىپ تىلشىلىك ىستەۋ قيمىلدارىن ۇيىمداستىرىپ، ماتەريالدىق ينفورماتسيالارمەن قامداۋ قىزمەتى جانە تاراتۋ – حابارلاسۋ قىزمەتى قاتارلى قىزمەتتەر وتەيدى. مۇنان سىرت، اقپارات ورتالىعىنا تىلشىلەردىڭ شاي ءىشىپ دەمالۋ ورنى قۇرىلىپ، كوفە، شاي قاتارلىلارمەن تەگىن قامدايدى.

　　مۇنان سىرت، اقپارات ورتالىعىن G5 سەگنالىمەن بۇكىلدەي قامتۋ ىسكە اسىرىلعان، سونىمەن بىرگە، ءبىرىنشى قاباتتا توعىسپالى مەديا تاسىلدەرىن سىناپ كورۋ بولمەسى تۇڭعىش رەت قۇرىلىپ، تىلشىلەردىڭ G5 شارت – جاعدايىندا جوعارى ساپالى، قۋاتتى ىقپالداستىقتى، زەردەلىلەنگەن توعىسپالى مەديالىق قىزمەت وتەۋ تۇرلەرىن سىناپ كورۋىنە وراي جاراتقان.

　　كەلۋ قاينارى: حالىق تورابى