- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جەر ءبولىپ بەرىپ، قارجى بوساتىپ، ەكولوگيانى جاقسارتىپ، بۇقارانى يگىلىككە كەنەلتتى
قۇلجا قالاسى ءۇش جىلدا ءبىر ميلليارد يۋان قارجى شىعارىپ، ون باقشا سالدى
2014.11.19 13:39
قاراشانىڭ 9–كۇنى بالاسىن ەرتىپ قۇلجا قالاسىنىڭ حانبيڭ باقشاسىنا تاماشالاۋعا كەلگەن شياۋ حانىم قۋانىشتى بەينەدە بىلاي دەدى: بۇرىن دوڭگەلەكتى كونكيمەن وينايتىن لايىقتى جەر جوق ەدى، قازىر كەڭ باقشا بولعاندىقتان بالالار ويىننان ۇيگە قايتقىسى كەلمەيدى. 2012–جىلدان قازىرگە دەيىن قۇلجا قالاسى ءبىر ميلليارد يۋان قارجى شىعارىپ، 3 جىلدا 10 باقشا سالدى، ەكولوگياسى تاماشا قالا قۇرىپ، تۇرمىس ساپاسىن جوعارىلاتىپ، ءار ۇلت حالقىن رازى ەتتى.
قۇلجا قالالىق شەكارالىق ەكونوميكالىق سەلبەستىك رايونىنداعى حانبيڭ باقشاسىنىڭ كولەمى 380 مۋ، بۇعان 48 ميلليون يۋان قارجى قوسىلعان، 2012–جىلى سالىنعان، ول قازىر قۇلجا قالاسىنداعى ەڭ ۇلكەن باقشا سانالادى. ءار اپتانىڭ سوڭى مەن جازدىڭ كەشىندە باقشا ادامعا لىق تولىپ، ايرىقشا دۋمانعا بولەنەدى، ول قالا تۇرعىندارىنىڭ تىنىستايتىن، كوڭىل اشاتىن تاماشا ورتاسى. قۇلجا قالاسىنىڭ شاعان مەرەكەسىنىڭ شىراق كورمەسى سياقتى حالىققا ءتيىمدى ءىرى كورمەلەرى وسى ارادا وتكىزىلەدى.
ۇعىسۋعا قاراعاندا، قۇلجا قالاسى 3 جىلدا ءبىر ميلليارد 10 ميلليون يۋان ارناۋلى قارجى شىعارىپ، حالىق باقشاسى، حانبيڭ باقشاسى، ىلە وزەنى شۇراتتى باقشاسى، مادەنيەت باقشاسى، دۇڭيۋان شۇراتتى باقشاسى، نيڭيۋان باقشاسى، نيڭحى باقشاسى، سولتۇستىك تاۋ باۋرايى ەكولوگيالىق باقشاسى، دەنەتاربيە باقشاسى جانە قايراڭ باقشاسى سىندى 10 باقشانى ارت–ارتىنان جاڭالاعان جانە جاڭادان سالعان. 2012–جىلدان بۇرىن قۇلجا قالاسىندا تەك كوپ جىلدان بەرى رەتتەلمەگەن حالىق باقشاسى عانا بار بولاتىن، ول تۇتاس قالاداعى جانە ىرگەلەس اۋدان، قالالارداعى ادامداردىڭ نەگىزگى تىنىستايتىن ورتاسى ەدى. قۇلجا قالاسى ەكولوگياسى تاماشا قالا قۇرۋ جانە مەملەكەتتىك ەكولوگيالى، باۋ–باقشالى قالا قۇرۋ نىساناسىن جۇزەگە اسىرۋ ءۇشىن قالا قۇرىلىسى اياق الىسىن جەدەلدەتۋ مەن ۇكىمەتتىڭ حالىق تۇرمىسىن جاقسارتۋ ۇيعارىمىنا ساي، حالىق باقشاسىن كەڭەيتىپ جاساعاننان كەيىن ءبىرقىدىرۋ باقشا نىسانىن اتقارىپ، قالانى كورىكتەندىرىپ، ءار ۇلت قالا تۇرعىندارىن كوپتەپ يگىلىككە كەنەلتتى.
ۇعىسۋعا قاراعاندا، قۇلجا قالاسى باقشا سالۋ ءۇشىن تاعى كەڭسە عيماراتى، تۇرعىندار تۇراعى سياقتى قۇرىلىستاردى شاعىپ، ءبىر ميلليون يۋان كوشىرۋ قاراجاتىن بەرىپ، جەرگىلىكتى ورىندا باقشا سالىپ، ماڭايداعى تۇرعىندارعا دەنەتاربيە قيمىلىمەن شۇعىلداناتىن، تىنىستايتىن الەۋمەتتىك ورتا جاراتقان.
كەلۋ قاينارى: «ىلە گازەتى؛ - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
