- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق ۇكىمەت 27 – رەتكى ۇنەمىلىك ىستەر ءماجىلىسىن اشتى
2014.11.20 13:38
وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى قاراشانىڭ 17 – كۇنى اۆتونوميالى وبلىستىق 13 – كەزەكتى حالىق ۇكىمەتىنىڭ 27 – رەتكى ۇنەمىلىك ىستەر ءماجىلىسىن باسقارىپ اشتى. ماجىلىستە «ىلە وبلىسىنا توتە قاراستى ورىنداردىڭ اۋىل – قىستاق مۇگەدەكتەرىن سۇيەمەلدەۋ، وركەندەتۋ جوباسى (2020 - 2011)»، «ىلە وبلىسىنىڭ اۋىل شارۋاشىلىق ماشينالارىنىڭ حاۋىپسىزدىك شىرعالاڭىنا شۇعىل توتەپ بەرۋ جوباسى»، «ىلە وبلىسىنا توتە قاراستى ورىنداردىڭ سۋ باعاسىنا ۋنيۆەرسالدى رەفورما جاساپ، ءتۇرلى سۋمەن قامداۋ باعاسىن رەتتەۋ جوباسى» جانە قورعاس قالاسىندا جاڭادان 4 كوشە ءىس باسقارماسىن قۇرۋ ىستەرى قارالدى ءارى ماقۇلداندى.
سوڭعى جىلداردان بەرى وبلىسقا توتە قاراستى ورىندارداعى مۇگەدەكتەردى سۇيەمەلدەۋ قىزمەتىندە بەلگىلى ونىمدىلىككە قول جەتكىزىلدى. مۇگەدەكتەردىڭ تۇرمىس جاعدايىن اناعۇرلىم جاقسارتۋ، كىرىسىن جوعارىلاتۋ ءۇشىن اۆتونوميالى وبلىس «ىلە وبلىسىنا توتە قاراستى ورىندارداعى اۋىل – قىستاق مۇگەدەكتەرىن سۇيەمەلدەۋ، وركەندەتۋ جوباسى (2020 - 2011)» مەن تۇلعالى اتقارۋ ەرەجەسىن شىعاردى. ساياساتتىق قامتاماسىزداندىرۋ جانە سۇيەمەلدەۋ شاراسى ارقىلى 2015 – جىلى اۋىل – قىستاقتاعى 15 مىڭ كەدەي مۇگەدەك وتباسىنىڭ كىرىسى ارتتىرىلىپ، 10 مىڭ كەدەي مۇگەدەك تەحنيكالىق جاقتان تاربيەلەنىپ، مۇگەدەكتەردىڭ تۇرمىسى كورنەكتى جاقسارتىلىپ، ءتۇرلى قوعامدىق قامتاماسىزداندىرۋ ءتۇزىمى مۇگەدەكتەرگە جاپپاي جالپىلاستىرىلىپ، الەۋمەتتىك اۋماقتا مۇگەدەكتەردىڭ دەنساۋلىعىن قالپىنا كەلتىرۋ، ولارعا كومەكتەسۋ ىستەرى ورىستەتىلىپ، وقۋ جاسىنداعى مۇگەدەك بالالار مىندەتتى اعارتۋدان جاپپاي يگىلىكتەنىپ، كەدەي مۇگەدەك وتباسىلاردىڭ تۇرعىن ءۇي شارت – جاعدايى جاقسارتىلادى؛ 2020 – جىلعا جەتكەندە مۇگەدەكتەر كەدەرگىسىز نەگىزگى الەۋمەتتىك مادەنيەتتەن جانە دەنەتاربيە جاعىنداعى قىزمەت وتەۋدەن جاپپاي يگىلىكتەنەتىن بولادى.
وبلىسقا توتە قاراستى ورىنداردىڭ اۋىل شارۋاشىلىق ماشينالارى شىرعالاڭىنا شۇعىل توتەپ بەرۋ، ءبىر جاقتى ەتۋ قىزمەتىن جۇيەلىلەندىرۋ ءۇشىن «ىلە وبلىسىنىڭ اۋىل شارۋاشىلىق ماشينالارىنىڭ حاۋىپسىزدىك شىرعالاڭىنا شۇعىل توتەپ بەرۋ جوباسىنا» وزگەرىس ەنگىزىلدى. ۇيىمدىق قولباسشىلىق ەتۋ جۇيەسىن ورناتۋ، شۇعىل توتەپ بەرۋ، مەجەلەۋ، ساقتىق دابىلىن قاعۋ جانە شۇعىل توتەپ بەرۋدى قامتاماسىزداندىرۋ شارالارى ارقىلى اۋىل شارۋاشلىق ماشينالارى شىرعالاڭىنىڭ ادامنىڭ باس اماندىعى مەن مال – مۇلىك حاۋىپسىزدىگىنە جەتكىزەتىن زيانىنان بارىنشا ساقتانىلىپ جانە ازايتىلىپ، اۋىل شارۋاشىلىق وندىرىسىنە، قاتىناس حاۋىپسىزدىگىنە جانە قوعام ورنىقتىلىعىنا كەپىلدىك ەتىلدى.
اۆتونوميالى رايوننىڭ سۋ باعاسىنا ۋنيۆەرسالدى رەفورما جاساۋ جونىندەگى اتقارۋ پىكىرىنە ساي سۋ باعاسى رەفورماسى بەلسەنە ىلگەرىلەتىلىپ، سۋ باعاسىن رەتتەۋ رولى تولىق ساۋلەلەندىرىلىپ، كەمەلدى، عىلمي، جۇيەلى سۋ باعاسى مەحانيزمى ورناتىلدى. اۆتونوميالى وبلىستىڭ قاتىستى تاراۋلارى جانە مامانداردىڭ وبلىسقا توتە قاراستى ورىنداردىڭ سۋ بايلىعىنان پايدالانۋ، باعا بويىنشا اتقارۋ، وزىندىك قۇن قالىپتاستىرۋ سياقتى جاعدايلارىنا تەكسەرۋ – زەرتتەۋ جۇرگىزۋى جانە اۋدان – قالالاردىڭ سۋ ىستەرى ينجەنەريالارىنىڭ سۋمەن قامداۋ وزىندىك قۇنى، جۇمسالاتىن قاراجاتى جاقتارىنداعى مەجە ەسەبى ارقىلى ءارى تالاپ بويىنشا قوعام ورنىقتىلىعى حاۋىپ – قاتەرىنە باعالاۋ جۇرگىزىلدى، ناتيجەدە مۇنىڭ حاۋىپ – قاتەرى تومەن بولىپ، وبلىسقا توتە قاراستى ورىنداردىڭ سۋ ىستەرى ينجەنەرياسىنىڭ سۋمەن قامداۋ باعاسىن رەتتەۋ ۇيعارىلدى. 2015 – جىلدان باستاپ قازىرگى سۋ باعاسى نەگىزىندە ورتاشا ءار تەكشە مەتر سۋدىڭ باعاسى 0.019 يۋان ارتتىرىلادى، بۇل وبلىستىق دامۋ – رەفورما كوميتەتى مەن سۋ ىستەرى مەكەمەسىنىڭ باقىلاۋىندا اتقارىلادى. وبلىسقا توتە قاراستى قالالاردىڭ سۋ باعاسى، ەگىن، مال شارۋاشىلىق رايوندارىنىڭ اۋىز سۋ حاۋىپسىزدىگى ينجەنەرياسىنىڭ سۋ باعاسى مەن لاس سۋدى ءبىر جاقتى ەتۋ اقىسى جونىندە اۋدان – قالالار كۇن تارتىپكە ساي ۇيلەسىمدى باعا بەلگىلەپ، دالەلدەۋ جيىنىن اشىپ، رەتتەۋ جوباسىن بەلگىلەپ، ونى وبلىستىق دامۋ – رەفورما كوميتەتىنىڭ تەكسەرۋىنەن وتكىزگەننەن كەيىن وبلىستىق ۇكىمەتتىڭ تەكسەرىپ – بەكىتۋىنە جولدايدى.
قورعاس قالاسىندا كوشە ءىس باسقارماسىن قۇرۋ _ قورعاس قالاسىنىڭ بولاشاق دامۋى، اكىمشىلىك باسقارۋ ءتۇزىلىسىن كەمەلدەندىرۋ، الەۋمەتتىك اۋماق پەن نەگىزگى ساتىنىڭ اكىمشىلىك قۇرىلىسىن كۇشەيتۋ، قالا – اۋىلدىڭ ءبىر تۇلعالانىپ دامۋىن جەبەۋ جانە قالانىڭ باسقارۋ ورەسىن جوعارىلاتۋدىڭ وبيەكتيۆ قاجەتى. ماجىلىستە قورعاس قالاسىندا قاراسۋ كوشە ءىس باسقارماسى، ازيا – ەۆروپا شىعىس كوشە ءىس باسقارماسى، ازيا – ەۆروپا باتىس كوشە ءىس باسقارماسى جانە ونەركاسىپ باقشا رايونى ءىس باسقارماسىن قۇرۋ ۇيعارىلدى.
وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ حۇيجۇن، وبلىستىڭ ورىنباسار باستىقتارى نيۋ جىڭفۋ، شاۋ يۇڭ، مۇقيات جارمۇقانبەت ۇلى، مەي يۇي، ليۋ چيڭحاۋ، زاكىر زوردۇن قاتارلىلار ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
