- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىستىق پارتكوم 33–رەتكى تۇراقتى مۇشەلەر (كەڭەيتىلگەن) ءماجىلىسىن اشتى
وبلىسقا توتە قاراستى ورىنداردىڭ كەلەر جىلعى حالىق شارۋاشىلىعى مەن قوعامدىق دامۋ جانە «13–بەس جىلدىق» تۇلعالىق جوبا جونىندەگى ۇسىنىسى كەڭەسىلدى
2014.11.20 13:42
وبلىستىق پارتكوم قاراشانىڭ 17–كۇنى تۇستەن كەيىن 2014–جىلعى 33–رەتكى تۇراقتى مۇشەلەر (كەڭەيتىلگەن) ءماجىلىسىن اشىپ، وبلىسقا توتە قاراستى ورىنداردىڭ 2015–جىلعى حالىق شارۋاشىلىعى مەن قوعامدىق دامۋىنىڭ نەگىزگى كورسەتكىشتەرى، ءتۇيىندى شارالارى جانە «13–بەس جىلدىقتىڭ» تۇلعالىق جوباسى سياقتى ىستەردى اقىلداستى.
وبلىستىق پارتكومنىڭ شۋجيى حۋاڭ سانپيڭ ءماجىلىستى باسقاردى.
وبلىس باسشىلارىنان مانەن زەينەل ۇلى، زۇنۇن اكبار، يۇي چيڭشان، لي ميڭحۇي، تيان حۇڭ، ۋاڭ جيانجۇڭ، ليۋ حۇيجۇن، تۇرسىنقان سابىر قىزى، جاڭ شينشىڭ، نۇرىم سىمايىلقان ۇلى، ابدۇسالام سادىق ماجىلىسكە قاتىناستى.
ماجىلىستە وبلىسقا توتە قاراستى ورىنداردىڭ 2015–جىلعى حالىق شارۋاشىلىعى مەن قوعام دامۋىنىڭ نەگىزگى كورسەتكىشتەرى، ءتۇيىندى شارالارى جانە «13–بەس جىلدىق» جوباسى جونىندەگى ۇسىنىس كەڭەسىلدى.
ماجىلىستە بىلاي دەپ قارالدى: 12–بەس جىلدىق كەزىندە اۆتونوميالى وبلىستىق پارتكوم مەن ۇكىمەت وبلىسقا توتە قاراستى ورىندارداعى ءار ۇلت حالقىن ىنتىماقتاستىرىپ جانە باستاپ، عىلمي دامۋ كوزقاراسىن جەتەكشى ەتىپ، ءبىر جاعىنان ىنتىماقتىلىق پەن ورنىقتىلىقتى، ەندى ءبىر جاعىنان رەفورما مەن دامۋدى مىقتى يگەرۋگە تاباندى بولىپ، يدەيانى اناعۇرلىم ازات ەتىپ، ەكونوميكانىڭ دامۋى مەن قوعامنىڭ ءتۇرلى ىستەرىن بارىنشا جەدەلدەتىپ، مەجەمەن «12–بەس جىلدىق» جوباسىندا بەلگىلەنگەن باستى نىسانا–مىندەتتەردى نەگىزىنەن ورىندادى. بەس جىلدىق قۇلشىنا كۇرەس جۇرگىزۋ ارقىلى وبلىسقا توتە قاراستى ورىنداردىڭ ەكونوميكالىق قۋاتى بارىنشا ارتىپ، حالىق تۇرمىسى دا كورنەكتى جاقسارىپ، قوعامدىق ىستەر جاپپاي دامىدى. «13–بەس جىلدىق» جوبا مەزگىلىندە وبلىسقا توتە قاراستى ورىندار ءتاڭىر تاۋىنىڭ تەرىستىك بوكتەرىندە ەكونوميكاسى الۋەتتى رايون، ورتالىق قالا، باتىسقا ايقارا اشىلعان قامال، حالىقارالىق ورەدەگى ساياحات سارا ونىمدەرىن وندىرەتىن ورىن جانە جىبەك جولى ەكونوميكالىق بەلدەۋىندەگى وزەكتى، تىرەكتى ورىن قۇرۋعا كۇش سالىپ، ىنتىماقتى، ورنىقتى، حالقى باي، وبلىسى الۋەتتى، ەكولوگياسى كوركەم ىلە قۇرىپ، ىلەنىڭ باياندى تىنىشتىعى ءۇشىن بەرىك نەگىز قالاۋ كەرەك.
ماجىلىستە تاعى اۋىل شارۋاشىلىق تاراۋلارى مەن سىرتقى ساۋدا قىزمەتىنەن دوكلاد جاسالدى.
2015–جىلى وبلىسقا توتە قاراستى ورىندار اۋىل شارۋاشىلىق، اۋىل–قىستاق قىزمەتىندە ءتۇرلى شارالار ارقىلى ەگىن، ورمان، مال، بالىق شارۋاشىلىعىنىڭ جالپى ءونىم قۇنىن ٪6 ارتتىرىپ، شارۋالاردىڭ كىسى باسىندىق تازا كىرىسىن 800 يۋان كوبەيتۋگە قۇلشىنادى.
بيىل وبلىسقا توتە قاراستى ورىنداردىڭ سىرتقى ساۋداسىندا يمپورت–ەكسپورتتىڭ جالپى سوماسى 3 ميلليارد 788 ميلليون امەريكا دوللارى بولىپ، ۇقساس مەزگىلدەگىدەن ٪5؛ تۇتاس جىلدا ورىندالعان قوعامدىق تۇتىنۋ بۇيىمدارىنىڭ بولشەك ساتىلۋ باعاسى 17 ميلليارد 402 ميلليون يۋان بولىپ، ۇقساس مەزگىلدەگىدەن ٪12 جوعارىلاعان. ەكى كورسەتكىشتە جالپى جىلدىق نىسانا–مىندەت ورىندالدى. سىرتقى ساۋدانىڭ تىكە قوسىلىمى 18 ميلليون 120 مىڭ امەريكا دوللارىنا جەتىپ، وتكەن جىلعىمەن ۇقساس بولعان. 2015–جىلى وبلىسقا توتە قاراستى ورىنداردىڭ سىرتقى ساۋدا قىزمەت نىساناسى: يمپورت–ەكسپورت جالپى سوماسىن 3 ميلليارد 978 ميلليون امەريكا دوللارىنا جەتكىزىپ، ۇقساس مەزگىلدەگىدەن ٪5 ارتتىرۋ؛ تىكە پايدالانىلاتىن سىرتقى ساۋدا قوسىلىمىن 18 ميلليون 660 مىڭ يۋانعا جەتكىزىپ، ۇقساس مەزگىلدەگىدەن ٪3 ارتتىرۋ؛ قوعامدىق تۇتىنۋ بۇيىمدارىنىڭ بولشەك ساتىلۋ سوماسىن 20 ميلليارد 12 ميلليون يۋانعا جەتكىزىپ، ۇقساس مەزگىلدەگىدەن ٪15 جوعارىلاتۋ.
ماجىلىستە مىناۋ اتاپ كورسەتىلدى: 2015–جىلى وبلىسقا توتە قاراستى ورىنداردىڭ «اۋىل شارۋاشىلىعى، اۋىل–قىستاق، شارۋالار» قىزمەتىندە قوعام ورنىقتىلىعى مەن باياندى تىنىشتىق جالپى نىساناسىن توڭىرەكتەي وتىرىپ، «اۋىل شارۋاشىلىعى، اۋىل–قىستاق، شارۋالار» قىزمەتىن عىلمي جوبالاۋ؛ استىق حاۋىپسىزدىگى سىندى ءتۇبىرلى جەلىنى كورنەكتىلەندىرۋ؛ اۋىل–قىستاق قىزمەتىندە ەكونوميكانىڭ ارتۋ ساپاسى مەن شارۋالار كىرىسىنىڭ ۇزدىكسىز ارتۋىن كورنەكتىلەندىرۋ؛
اۋىل–قىستاق بوس ەڭبەككۇشتەرىن كاسىپتەندىرۋدى كورنەكتىلەندىرۋ؛ كەدەيلەردى سۇيەمەلدەۋ، وركەندەتۋدى كورنەكتىلەندىرۋ؛ اۋىل–قىستاقتى باسقارۋ قىزمەتىن، ايتالىق جاڭاشا اۋىل–قىستاق قۇرىلىسى مەن ادامدارعا يدەيالىق تاربيە جۇرگىزۋدى قامتىعان قىزمەتتەردى كورنەكتىلەندىرىپ، قوعام ورنىقتىلىعى مەن باياندى تىنىشتىق جالپى نىساناسىن «اۋىل شارۋاشىلعى، اۋىل–قىستاق، شارۋالار» قىزمەتىنە جەتەكشى ەتتىرىپ، «اۋىل شارۋاشىلعى، اۋىل–قىستاق، شارۋالار» قىزمەتىن كۇشەيتۋ كەرەك.
ماجىلىستە مىناۋ باسا دارىپتەلدى: ىلە _ جىبەك جولىنداعى ماڭىزدى ورىن، بۇل بىزدەن كوزالداعى مىندەتتى ويداعىداي ورىنداپ، بولاشاقتى، ءتىپتى دە ويداعىداي جوسپارلاۋىمىزدى تالاپ ەتەدى. سىرتقى ساۋدا–ەكونوميكا قىزمەتى كەڭ كولەمدى بولىپ عانا قالماستان، ساپاسى دا جوعارى بولۋ كەرەك. «كۇن، اي، جۇلدىز، مەرۋەرت» تانىمىن تىكتەپ، جەرگىلىكتى ونىمدەردى سىرتقا باعىتتالعان ەكونوميكالىق ناقتى تۇلعاعا اينالدىرۋعا بەيىمدەپ، سىرتقى ەكونوميكا–ساۋدانىڭ كوبىككە اينالۋىن ازايتىپ، وزىندىك ءمان مەن كولەمدى جوعارىلاتۋ؛ ىلە توۆارىنىڭ سىرتقا ەكسپورت ەتىلۋىن جەبەپ، شارۋالاردىڭ كىرىسىن ارتتىرۋ؛ قورعاستىڭ قالا بولىپ قۇرىلۋى سىندى ماڭىزدى ورايمەن بىرلەستىرىپ، سىرتقا باعىتتالعان ەكونوميكانى دامىتۋدى زەرتتەۋگە بەلسەنە اتسالىسۋ كەرەك. قازىر سىرتتان كەلگەن ساۋداگەرلەردى سۇيەمەلدەۋمەن بىرگە، جەرگىلىكتى نەگىزگى كاسىپورىنداردى دا ويداعىداي سۇيەمەلدەپ، شەكارا ابزالدىعىنان ويداعىداي يگىلىكتەندىرۋ كەرەك. قورعاستى جىبەك جولى ەكونوميكالىق بەلدەۋىندەگى ماڭىزدى ورىن ەتىپ قۇرۋدى باستى نىسانا ەتىپ، قورعاس اۋدانى مەن قۇلجا قالاسىن قوس قانات ەتىپ، سامۇرىق قاناتىن جايعانداي اۋان قالىپتاستىرىپ، سىرتقا باعىتتالعان ەكونوميكانىڭ قامال الۋىن جەبەۋ؛ دامۋدىڭ تىڭ اۋانىن قالىپتاستىرىپ، ۇيرەنشىكتى داعدىنى وزگەرتىپ، تىڭ جاعداي قالىپتاستىرۋ كەرەك.
ماجىلىستە جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابىنىڭ وبلىس، اۋدانداعى شينجياڭعا كومەك بەرۋ الدىڭعى شەپ قولباسشىلىق شتابىنىڭ (قىزمەت گرۋپپاسى) قىستاق، الەۋمەتتىك اۋماقتارداعى قىزمەت بايلانىس ءتۇيىنى ءتۇزىمىن ورناتۋ جونىندەگى قىزمەت مەحانيزمىن تىڭدالدى ءارى ماقۇلداندى.
جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى اۆتونوميالى رايوننىڭ ءبىرتۇتاس تالابى بويىنشا، شينجياڭعا كومەك بەرۋ الدىڭعى شەپ قولباسشىلىق شتابىنىڭ (قىزمەت گرۋپپاسى) ءتۇيىندى بايلانىس جاسايتىن قىستاق، الەۋمەتتىك اۋماق قىزمەت ءتۇزىمىن قۇردى. كەزەكتە، 28 قىستاق پەن الەۋمەتتىك اۋماق الدىڭعى شەپ قولباسشىلىق شتابى مەن قىزمەت گرۋپپاسىنىڭ بايلانىس ءتۇيىنى ەتىپ بەلگىلەندى. بايلانىس جاساۋ مازمۇنى مىنالار: قوعام ورنىقتىلىعى مەن باياندى تىنىشتىقتى تىعىز توڭىرەكتەپ، كومەك بەرۋ ابزالدىعىن ساۋلەلەندىرىپ، ارتقى شەپتىڭ سۇيەمەلدەۋىنە سۇيەنىپ، ءتۇرلى تاسىلدەر ارقىلى قوسىندى نىعايتىپ، كاسىپتەنۋدى، اۋقاتتانۋدى جەبەپ، ىلعارى مادەنيەتتى جەبەپ، بايلانىس ءتۇيىنىنىڭ نەگىزگى ساتى نەگىزدىك قىزمەتىن كۇشەيتىپ، ۇلتتار ىنتىماعىن نىعايتۋ.
ماجىلىستە تاعى اۆتونوميالى رايوننىڭ 2013–جىلعى جازالاۋ–ساقتانۋ جۇيەسى قۇرىلىسىن تەكسەرۋ–باعالاۋىندا اڭىس ەتىلگەن ماسەلەلەردى وڭاۋ–رەتتەۋ جاعدايى جونىندەگى دوكلاد تىڭدالدى؛ وبلىستىق پارتكومنىڭ قىزمەت ءماجىلىسىن اشۋ جونىندەگى قاتىستى ىستەر اقىلداسىلدى.
وبلىس باسشىلارىنان ان پيڭ، نيۋ جىڭفۋ، شاۋ يۇڭ، مۇقيات جارمۇقانبەت ۇلى، مەي يۇي، ليۋ چيڭحاۋ، زاكىر زوردۇن، توقمۇقامەت سىرايىل ۇلى، لي شينجۇن جانە جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابىنىڭ، اۆتونوميالى وبلىستىڭ قاتىستى تاراۋلارىنىڭ جاۋاپتىلارى ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
