- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كاسىپتىك سەلبەستىك كووپەراتيۆى شارۋالاردىڭ اۋقاتتانۋىنا تىڭ جول اشتى
2014.11.21 13:52
ءداستۇرلى مال شارۋاشىلىعىنان وسىزاماندانعان مال شارۋاشىلىعىنا ويىسقان شارۋالار ءوندىرىس تاسىلىنە بۇرىلىس جاساپ، كىلەڭ ەگىن شارۋاشىلىعى نەمەسە مال شارۋاشىلىعىمەن شۇعىلدانۋدان تىس، ساۋدا جولىن قاراستىرىپ، ءسۇت ونىمدەرىن بازارعا سالىپ، بۇگىنگى كۇنى اۋقاتتانۋدىڭ سارا جولىنا ءتۇستى.
ءدوربىلجىن اۋدانى مارالسۋ قالاشىعى تاسوتكەل قىستاعىنىڭ تۇرعىنى ما لييۇن سيىر ءسۇتىن مينحى ساۋىن سيىر كاسىپتىك سەلبەستىك كووپەراتيۆىنە اپارىپ ساتادى. ال سەلبەستىك كووپەراتيۆ شاۋەشەك قالالىق حايچۋان ءسۇت شارۋاشىلىعى شەكتى سەرىكتىگىنە وتكىزەدى. وسىلايشا كاسىپتىك سەلبەستىك كووپەراتيۆى + بازا + شارۋالار سىندى كاسىپ تىزبەگىندەگى دامۋ ءتاسىلى تىڭ ساتىعا كوتەرىلىپ، كاسىپتىك سەلبەستىك كووپەراتيۆ شارۋالاردىڭ اۋقاتتانۋىنا تىڭ جول اشتى.
2010-جىلى ءساۋىر ايىندا ليۋ يۋە-ى، ساۋ جىنشين قاتارلى 6 وتباسى 800 مىڭ يۋان قارجى قوسىپ، مينحى ساۋىن سيىر كاسىپتىك سەلبەستىك كووپەراتيۆىن قۇرىپ، «يۋە-ى»ماركاسىن تىزىمگە الدىرادى.
ساۋىن سيىر سەلبەستىك كووپەراتيۆىنىڭ جاۋاپتىسى ليۋ يۋە-ى: «ساۋىن سيىر سەلبەستىك كووپەراتيۆىندەگى 115 وتباسى 600 باس ساۋىن سيىردان كۇنىنە 5 توننادان استام ءسۇت ساتىپ، ءاربىر وتباسىنىڭ جىلدىق كىرىستەرى 100 مىڭ يۋاننان استى» دەدى.
ساۋىن سيىر كاسىپتىك سەلبەستىك كووپەراتيۆىنىڭ مۇشەسى ما لييۇن: «ساۋىن سيىر كاسىپتىك سەلبەستىك كووپەراتيۆىنە كىرۋدەن ىلگەرى 5 باس سيىر ءوسىردىم، ءسۇتتىڭ باعاسى ارزان، ونىڭ ۇستىنە، كۇندەلىكتى ءسۇت ساتىلماي، ساپاسى وزگەرىپ، كوپتەگەن اۋرەشىلىكتەرگە جولىققان ەدىم، ساۋىن سيىر سەلبەستىك كووپەراتيۆىنە كىرگەننەن كەيىن تەحنيكالىق ماماندار باعىمشىلىق تەحنيكاسىن ۇيرەتسە، ءسۇت ساتۋ مەن قارىز اقشا الۋعا كووپەراتيۆ جاۋاپتى بولادى، بۇل بىزگە وتە قولايلى بولدى» دەدى.
2011-جىلى ءۇشقاراسۋ قالاشىعى لاسباي قىستاعىنىڭ تۇرعىنى اينۇر دالەلقان قىزى اقجول باعىمشىلىق كاسىپتىك سەلبەستىك كووپەراتيۆىن قۇرىپ، «قارا قىز» ماركاسىن تىزىمگە الدىرادى، كووپەراتيۆتىڭ ىرىمشىك، كىلەگەي، سارىماي سياقتى 13 ءتۇرلى ءسۇت ونىمدەرى گۋاڭجوۋ سياقتى ورىندارعا ساتىلىپ، كووپەراتيۆتەگى 140 تان استام جۇمىسشىنىڭ كىرىسى ەسەلەپ ارتىپ، اۋقاتتانۋدىڭ سارا جولىنا ءتۇستى.
جۋىق جىلداردان بەرى ءدوربىلجىن اۋدانى ۇكىمەتتىڭ قولداۋى مەن نىسان ارقىلى جەبەۋدى سۇيەنىش ەتىپ، شارۋالار كاسىپتىك سەلبەستىك كووپەراتيۆىن كولەمدەندىرۋ، تۇلعالاندىرۋعا بەت الدىرىپ، تۇتاس اۋدانداعى 220 كاسىپتىك سەلبەستىك كووپەراتيۆىندەگى 14 مىڭ 626 جۇمىسشىنىڭ جىلدىق كىرىسىن 100 ميلليون يۋاننان اسىردى. بۇل - اۋىل قىستاق ەكونوميكاسىنىڭ دامۋى مەن شارۋالاردىڭ كىرىسىن ارتتىرۋدى جەبەۋدەگى تىڭ قوزعاۋشى كۇشكە اينالدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
