- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التايدىڭ ەرەكشە ەگىن شارۋاشىلىق ونىمدەرىءۇش ۇلكەن كورمەدە كەرەمەتىن كورسەتتى
2014.11.26 13:30
بيىل قازاننان قاراشا ايىنا دەيىن ايماقتىق اۋىل شارۋاشىلىق مەكەمەسىنىڭ (شارۋاشىلىق ونىمدەرىن كاسىپ سالالاندىرىپ دامىتۋ مەكەمەسى) ايماقتاعى 20 اۋىل شارۋاشىلىق ونىمدەرىن مانەرلەۋ كاسىپورىندارىن ۇيىمداستىرىپ، ىلگەرىندى ـ كەيىندى 5 ـ كەزەكتى شينجياڭ اۋىل شارۋاشىلىق ونىمدەرى بەيجيڭ ساۋدا كورمەسىنە، 2014 ـ جىلعى شينجياڭ ايگىلى، ساپالى، ەرەكشە ءارى جىنتىكتەي مانەرلەنگەن اۋىل شارۋاشىلىق ونىمدەرى شاڭحاي كورمەسى مەن مەملەكەتتىك اۋىل شارۋاشىلىق مينيسترلىگى جاعىنان وتكىزىلگەن 12 ـ كەزەكتى چيڭداۋ حالىقارالىق اۋىل شارۋاشىلىق كورمەسىنە قاتىناستى.
التاي ايماعىنىڭ ءسۇت ونىمدەرى، شىرعاناق ءونىمى، تۇيە ـ قوي ءجۇن ونىمدەرى، بال ونىمدەرى، التاي بال قاۋىنى، شەكىلدەۋىك قاتارلى 21 تۇردەگى 120 دان استام اۋىل شارۋاشىلىق ءونىمى 3 ۇلكەن كورمەدە ءوز كەرەمەتىن ايگىلەپ، كوپتەگەن الارماندى وزىنە باۋراپ، ءتۇرلى كەلىسىم تىلەكناماسىنا قول قويىستى. سونىمەن قاتار، التايدىڭ ەرەكشە اۋىل شارۋاشىلىق ونىمدەرىنىڭ جاسىل ءتۇستى، تابيعيلىعى ارتا ءتۇستى.
3 ءىرى كورمەدە ەرەكشە اۋىل شارۋاشىلىق ونىمدەرىنەن جيىنى 22 توننا ساتىلىپ، جالپى سوماسى 420 مىڭ يۋان بولىپ، 9 نىسانعا قول قويىسىپ، قول قويىسقان جالپى سوماسى 15 ميلليون 800 مىڭ يۋانعا جەتتى. 3 كاسىپورىن ساتۋ سيلىعىنا يە بولىپ، 15 ءتۇرلى ءونىم التىن سيلىقپەن سيلاندى. شينجياڭ حۇيحۋا شىرعاناق بيوتەحنيكا شەكتى سەرىكتەستىگى وندىرگەن شىرعاناق جەلىلەس ونىمدەرى بەيجيڭ، چيڭداۋ ساۋدا ايىرباسىندا التىن سيلىقتى ەنشىلەسە؛ شاڭحاي ساۋدا ايىرباسىندا ساتۋ سيلىعىنا يە بولدى.
تۇڭعىش رەت كورگىزبەگە قاتىناسقان التاي حىڭيۇنشياڭ ونەركاسىپ ـ ساۋدا شەكتى جاۋاپكەرلىك سەرىكتەستىگى بەيجيڭ ساۋدا ايىرباسىندا 3 ميلليون يۋاندىق تاپسىرىستىق توقتامعا قول قويىستى. شينجياڭ ىلە وبلىسى حۇيحۋا اراق شەكتى جاۋاپكەرلىك سەرىكتەستىگى بەيجيڭ، شاڭحاي ساۋدا سىندا جيىنى 5 ميلليون 700 مىڭ يۋان ساتۋ توقتامىنا قول قويىستى. التاي ايماقتىق ساۋىر تابيعي بال كاسىبى تەحنيكالىق شەكتى سەرىكتەستىگى شاندۇڭ، فۋجيان ساۋداگەرلەرىمەن 2 ميلليون يۋاننان استام ساۋدا توقتامىنا قول قويىستى.
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
