شينجياڭ مال شارۋاشىلىعى اكادەمياسىنىڭ تيان كىچۋان باستاعان ۇجىمى كەدەيلەردى سۇيەمەلدەۋدەگى تاماشا تاجىريبەلەر جونىندە ىزدەنىس جاسادى
عىلىم – تەحنيكا ارقىلى كەدەيلەردى سۇيەمەلدەپ، مالشىلاردىڭ كىرىسىن ارتتىرۋىنا كومەكتەستى (عىلىم – تەحنيكا قاراۋىلى . ءبىز عىلىم – تەحنيكا ارقىلى كەدەيلەردى سۇيەمەلدەۋ جاعىندا ارەكەتتەنۋدەمىز ⑤)
گازەتىمىز ءتىلشىسى ليۋ شىياۋ
2020.03.23 16:39 كەلۋ قاينارى : حالىق تورابى
كورىكتى شينجياڭنىڭ ساحاراسى كەڭ - بايتاق، كورىنىسى كوركەم، بۇل ارا ەلىمىزدىڭ ءتۇبىت ءجۇندى قوي باعىمشىلىعىنىڭ ماڭىزدى بازاسى.
قايتكەندە بايلىق ابزالدىلىعىن اناعۇرلىم ويداعىداي ساۋلەلەندىرىپ، وڭتۇستىك شينجياڭ قاتارلى جەرلەردەگى ەرەكشە كەدەي وڭىرلەردە كەدەيلىكتىڭ تامىرىنا بالتا شابۋعا كومەكتەسۋگە بولادى؟ شينجياڭ مال شارۋاشىلىعى اكادەمياسىنىڭ زەرتتەرمەنى تيان كىچۋان باستاعان عىلىمي زەرتتەۋ اترەتى العى شەپكە ىشكەرىلەي ارلاسىپ، مالشىلارمەن بەتپە – بەت اڭگىمەلەسىپ، وزدەى تىكەلەي ۇيرەتىپ، ناقتى پراكتيكادان وتكىزىپ، عىلىم – تەحنيكا ارقىلى كەدەيلەردى سۇيەمەلدەۋدىڭ تىڭ فورماسىن، تاماشا تاجىريبەسىن جارىققا شىعاردى.
ءوزىنىڭ كەدەيلىكتەن ارىلۋ كەشىرمەلەرىن اڭگىمەلەگەندە، شينجياڭ ۇيعۇر اۆتونوميالى رايونى قاشقار ايماعى مارالباسى اۋدانى سىلبۇيا قالاشىعى 12 – قىستاعىنىڭ مالشىسى سىمات روزى: «تيان ۇستازدار كەدەيلەردى سۇيەمەلدەۋگە العاش كەلگەن كەزدە، عىلىمي جولمەن باعىمشىلىق ىستەۋ تەحنيكاسىن مۇلدە تۇسىنە الماعانمىن، ول كەزدە باعىمشىلىقتىڭ وزىندىك قۇنىن جوعارىلاتۋعا قاراجاتتى قايدان قيامىز؟ الايدا، تيان ۇستاز بىزگە ەسەپ جاساپ كورسەتتى، مەجەلى كىرىس مولشەرىن ەستىگەن سوڭ، مەن سىناپ كورمەيمىن بە دەگەن ويعا كەلدىم. ول ۇيرەتكەن ءتاسىل بويىنشا قويلارىمدى جەمدەپ، قويلاردىڭ اۋرۋىن ەمدەتتىم، قويىمنىڭ سانى ون شاقتى تۇياقتان 30 نەشە تۇياققا ءوستى، جىل سايىنعى كىرىسىم بۇرىنعى 3000 يۋانعا جەتپەيتىن ورەدەن جوعارىلاپ، 8000 مىڭ يۋاننان استى!» ــ دەدى قۋانىشىن جاسىرماي.
ونىڭ تيان ۇستاز دەگەنى ـ شينجياڭ ءتۇبىت ءجۇندى قوي ءوسىرۋ كاسىپ سالاسى تەحنيكالىق جۇيەسىنىڭ باس عالىمى تيان كىچۋان. 2017 – جىلدان باستاپ، پارتيا مەن مەملەكەتتىڭ «ءۇش ايماق، ءۇش وبلىستى» كەدەيلىكتەن ارىلتۋدا قامال الۋدا ورتاعا قويعان مىندەتى مەن ورنالاستىرۋىن تياناقتاندىرۋ ءۇشىن، اۋىل شارۋاشىلىعى جانە اۋىل – قىستاق مينيسترلىگىنىڭ ءبىرتۇتاس ورنالاستىرۋىندا، تيان كىچۋان باستاعان ۇجىم مەملەكەتتىڭ ءتۇبىت ءجۇندى قوي ءوسىرۋ كاسىپ سالاسى تەحنيكالىق جۇيەسىنە سۇيەنە وتىرىپ، وڭتۇستىك شينجياڭ وڭىرىنە ىشكەرىلەي قادام تاستاپ، عىلىم – تەحنيكا تاسىلىنەن تولىق پايدالانۋ ارقىلى، كەدەيلىكتەن ارىلتۋدا قامال الۋعا دەم بەردى. 3 جىلدان بەرى، شينجياڭنىڭ ءتۇبىت ءجۇندى قوي ءوسىرۋ كاسىپ سالاسى قيىنشىلىقتى جەڭىپ، بىرتىندەپ دۇرىس ارناعا قادام تاستادى، جۇرتشىلىقتىڭ كىرىسى دە ارتىپ، كەدەيلىكتەن ارىلۋعا دەگەن سەنىمى دە اناعۇرلىم ارتتى.
تيان كىچۋان بىلاي دەپ تانىستىردى: شينجياڭنىڭ ءتۇبىت ءجۇندى قوي ءوسىرۋ كاسىپ سالاسىن دامىتۋدا ايرىقشا ءتيىمدى شارت – جاعدايى بار. ەلىمىزدەگى ءداستۇرلى مال شارۋاشىلىعى ءوڭىرى بولعان شينجياڭنىڭ جايىلىم بايلىعى مول، قوي باعىمشىلىعى مالشىلاردىڭ كوپ جىلداردان بەرى قالىپتاستىرعان باعىمشىلىق ادەتتەرىنە سايكەس كەلەدى. ونىڭ ۇستىنە، ءتۇبىت ءجۇندى قويدىڭ جۇنىنەن سىرت، ەتى دە مول بولاتىندىقتان، ەتتى قويمەن سالىستىرعاندا ەكونوميكالىق قۇنى اناعۇرلىم جوعارى. وتە – موتە، وڭتۇستىك شينجياڭ ءوڭىرى اسا ساپالى بولماعان، جەم تالعامايتىن، توزىمدىلىگى كۇشتى ءتۇبىت ءجۇندى قوي باعۋعا قولايلى، كەدەي وتباسىلاردىڭ باعۋىنا اناعۇرلىم ۇيلەسەدى. مۇنان سىرت، جەرگىلىكتى ورىن ءتۇبىت ءجۇندى قوي ءوسىرۋ سالاسىنداعى عىلىمي زەرتتەۋ كۇشتەرىن قالىپتاستىرىپ، كاسىپ سالاسىنىڭ وركەندەۋىندەگى ماڭىزدى تىرەككە اينالعان.
ەندەشە، نەلىكتەن دامي المايدى؟ زەرتتەۋ ارقىلى تيان كىچۋان تەز ارادا «تامىرىن ۇستادى»، ــ مالشىلاردىڭ قوي باعۋ تەحنيكاسى دەرلىكتەي عىلىمي بولماعان. «كوپتەگەن مالشىلار اتا – باباسىنان جالعاسقان ‹تابيعاتقا سۇيەنىپ مال باعۋ، تابيعاتقا سۇيەنىپ جان باعۋ› كوزقاراسىنان ارىلماعان، جاز، كۇز مەزگىلدەرىندە قويلاردى سىرتقا جايادى، قىس مەزگىلىندە جەم – ءشوپ جەتەرلىك بولماعاندىقتان، قويدى ارزانعا ساتادى، كەيدە قويلار اۋرسا دا ۋاقىتىندا ەمدەمەيدى. ىرىقسىزدىقپەن باسقارىپ، ۇتىمسىزدىقپەن بازارعا سالسا، قالاي ونىمدىلىگى بولادى؟».
سونىمەن، تيان كىچۋان باستاعان ۇجىم قوي قورالارىنا، مال جايىلىمىنا دەيىن بارىپ تەكسەرۋ جۇرگىزىپ، ءبىرتۇتاس كۋرس ۇيىمداستىرۋدان سىرت، جاعدايعا قاراي ىستەۋگە ءمان بەردى. كەيبىر وتباسىلاردىڭ قوي قوراسىنىڭ تار ەكەنىن بايقاپ، ولاردىڭ مالدى ۇيلەسىمدى تۇردە ءبولىپ قورالاۋىنا جەتەكشىلىك ەتتى؛ قويداعى جۇقپالى اۋرۋدىڭ كوپ تارالۋى جاعدايى بايقالعاندا، ىندەتتەن ساقتانۋ تەحنيكاسى جونىندە كۋرس ۇيىمداستىرىپ، شۇعىل جاعدايلارعا توتەپ بەرۋ – ءبىرجاقتى ەتۋ شارالارىن كۇشەيتتى، بورميدان جاسالعان جەمنىڭ تولىق ۇگىتىلمەگەنىن، بورداقىلاۋ جەمىنىڭ مولشەرىن قالاعانىنشا بەلگىلەۋ سىندى ادەتتەردى بايقاعاندا، دەر كەزىندە جاقسارتۋعا جەتەلەدى.
قازىرگە دەيىن، مەملەكەتتىڭ ءتۇبىت ءجۇندى قوي ءوسىرۋ كاسىپ سالاسى تەحنيكا جۇيەسىنە سۇيەنە وتىرىپ، عىلىمي زەرتتەۋ قىزمەتكەرلەرى قاتىستى تەحنيكالىق كۋرستاردان 1500دەن استام رەت كۋرس وتكىزىپ، اۋىل شارۋاشىلىعى تەحنيكتەرىنەن 80 مىڭ ادام – رەتتەن استام كۋرسكە قاتىناستىردى، قولدانىلمالى تەحنيكا كىتاپتارىنان 100 مىڭنان استام كىتاپتى تاراتىپ، 5000 تۇياقتان استام ءناسىلدى قوي تاراتتى. تيان كىچۋان: «كەدەيلىكتەن ارىلتۋدىڭ تەتىگى ــ ءادىستى ءدال تاۋىپ قولدانۋدا، ءتۇيىنى دالمە – دالدىكتە، جەڭىسكە جەتۋ – جەتپەۋ دە دالمە – دالدىككە بايلانىستى. ءبىزدىڭ ويىمىز ءار وتباسىعا باعىتتامالى ساياسات اتقارىپ، بىرتىندەپ ناتيجە جاراتۋ»، ـ دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
