بەيجيڭ ساقشى جاعى ىندەت مەزگىلىندە بەلگىلەمەگە قايشى تۇردە سىرتتا دەنە شىنىقتىرعان اۆستراليالىق ايەلدىڭ قىزمەتتىك قونىستانۋ رۇقساتناماسىن كۇشىنەن قالدىرىپ، شەكتى مەرزىم ىشىندە شەكارادان شىعارۋدى ۇيعاردى
2020.03.20 15:59 كەلۋ قاينارى : حالىق تورابى
حالىق تورابى، 3 – ايدىڭ 19 – كۇنى، بەيجيڭ (فىڭ لي) بەيجيڭ قالالىق قوعام حاۋىپسىزدىگى مەكەمەسىنىڭ ۋيچات تەكشەسى «تىنىش بەيجيڭ» ۋيچات تەكشەسىنىڭ 3 – ايدىڭ 19 – كۇنى تۇستەن كەيىن جاريالاعان مالىمەتىنە قاراعاندا، ىندەت مەزگىلىندە ىندەتتەن ساقتانۋ – تىزگىندەۋگە قاتىستى بەلگىلەمەلەرگە قايشى كەلىپ، ءاسىلى مايعا العان ۇيىندە اۋاشالانۋعا ءتيىستى بولسا دا، ماسكى تاقپاي، بەلگىلەمەگە قايشى تۇردە سىرتقا شىعىپ دەنە شىنىقتىرعان اۆستراليالىق ايەل لياڭ x ياننىڭ قىزمەتتىك قونىستانۋ رۇقساتناماسىن زاڭ بويىنشا كۇشىنەن قالدىرىپ، ونى شەكتى مەرزىم ىشىندە شەكارادان شىعارۋدى ۇيعارعان.
بەيجيڭ ساقشى جاعى بىلاي دەپ قاراعان، قازىر شەكارا سىرتىندا ىندەت جەدەل تارالۋدا، ىندەتتىڭ شەكارا سىرتىنان كىرۋىنەن ساقتانۋ ـ ىندەتتەن ساقتانۋ – تىزگىندەۋ قىزمەتىندەگى ەڭ ماڭىزدى مىندەتكە اينالدى. جۋىردا بەيجيڭ قالاسى قاتاڭ باسقارۋ شارالارىن ورتاعا قويىپ، بەيجيڭ قالاسىنا كەلگەندەر بۇل شارالارعا ىرىقتىلىقپەن سايكەسىپ، ساقتانۋ – تىزگىندەۋ جاۋاپكەرشىلىگىن بەلسەندىلىكپەن تياناقتاندىردى، الايدا، ءىشىنارا ادامدار ساقتانۋ – تىزگىندەۋ شارالارىن اتقارماعاندىقتان، ىندەتتىڭ تارالۋىنىڭ الدىن الۋدا كومەسكى حاۋىپ – قاتەر ساقتالىپ وتىر.
3 – ايدىڭ 15 – كۇنى ساعات 15 اينالاسىندا، چاۋياڭ قوعام حاۋىپسىزدىگى بولىمشە مەكەمەسى بەلگىلى شاعىن اۋماقتاعى دەنساۋلىق ساقتاۋ – ىندەتتەن ساقتانۋ قىزمەتكەرلەرىنىڭ ساقشىعا مالىمدەۋ تەلەفونىن تاپسىرىپ العان: ءبىر ايەل الەۋمەتتىك اۋماقتىڭ ىندەتتەن ساقتانۋ قىزمەتىنە سايكەسپەگەن. ساقشىعا مالىمدەۋدى تاپسىرىپ العان سوڭ، حۋجيالوۋ قوعام حاۋىپسىزدىگى ساقشىلارى دەرەۋ ناق مايدانعا بارىپ، قىزمەت ورىستەتكەن. تەكسەرۋ ناتيجەسى مىناداي بولعان: لياڭ x يان، ايەل، 47 جاستا، اۆستراليا ازاماتى، باي – ىر مەديتسينالىق دەنساۋلىق ساقتاۋ شەكتى سەرىكتەستىگىنىڭ قىزمەتكەرى، 3 – ايدىڭ 14 – كۇنى استانا اۋەجايى ارقىلى شەكارادان كىرىپ، بەيجيڭگە كەلگەن، قىزمەتتىك قونىستانۋ رۇقساتناماسىنىڭ شەكتى مەرزىمى 2020 – جىلى 9 – ايدىڭ 5 – كۇنىنە دەيىن. 3 – ايدىڭ 15 – كۇنى تۇستەن كەيىن، لياڭ x يان ءاسىلى مايعا العان ۇيىندە اۋاشالانۋى ءتيىس بولسا دا، ماسكى تاقپاي، شاعىن اۋماق ىشىندە جۇگىرگەن، الەۋمەتتىك اۋماقتاعى ىندەتتەن ساقتانۋ – تىزگىندەۋ قىزمەتكەرلەرى ونى بايقاعان سوڭ، دەرەۋ توقتاتىپ، كەڭەس بەرگەن، الايدا، ول اشۋلانىپ، سايكەسپەگەن. حالىق ساقشىلارى ناق مايدانعا جەتكەن سوڭ، لياڭ x يانعا تاربيە جۇرگىزىپ، ودان ىندەتتەن ساقتانۋ – تىزگىندەۋگە قاتىستى بەلگىلەمەلەرگە قاتاڭ سايكەسۋدى تالاپ ەتكەن، لياڭ x يان باسقارۋعا بويسۇناتىنىن ءبىلدىرىپ، سودان كەيىن دالاعا شىقپاعان. لياڭ x ياننىڭ ارەكەتى ينتەرنەتتە جاريالانعان سوڭ، قوعامنىڭ نازارىن اۋدارعان، ول قىزمەت ىستەيتىن سەرىكتەستىك ونى قىزمەتتەن بوساتقان. 3 – ايدىڭ 18 – كۇنى بەيجيڭ قالالىق قوعام حاۋىپسىزدىگى مەكەمەسى شەكارادان كىرىپ – شىعۋدى باسقارۋ مەكەمەسى «جۇڭحۋا حالىق رەسپۋبليكاسىنىڭ شەكارادان كىرىپ – شىعۋدى باسقارۋ زاڭىنىڭ» 67 – تارماعىنداعى بەلگىلەمەگە ساي، لياڭ x ياننىڭ قىزمەتتىك قونىستانۋ رۇقساتناماسىن زاڭ بويىنشا كۇشىنەن قالدىرۋدى، شەكتى مەرزىم ىشىندە شەكارادان شىعارۋدى ۇيعارعان.
بەيجيڭ ساقشى جاعى مىنانى باسا دارىپتەدى: اقاۋسىز دا حاۋىپسىز ورتانى ساقتاۋدا تيتتەي دە اعاتتىق جىبەرۋگە بولمايدى. بەيجيڭ قالاسى قازىر ىندەتتىڭ شەكارا سىرتىنان كىرۋىنەن ساقتانۋدىڭ ەڭ الدىڭعى شەبىندە تۇر، شەكارا سىرتىنان بەيجيڭگە كەلگەندەر استانا تۇرعىندارىمەن بىرگە ەلىمىزدىڭ زاڭ – تۇزىمدەرىنە جانە بەيجيڭ قالاسىنىڭ ىندەتتەن ساقتانۋ – تىزگىندەۋگە قاتىستى بەلگىلەمەلەرىنە قاتاڭ بويسۇنىپ، ىندەتتەن ساقتانۋ – تىزگىندەۋ جاۋاپكەرشىلىگى مەن بورىشىن سانالىلىقپەن اتقارۋى، ىندەتتەن ساقتانۋ – تىزگىندەۋ جاعىندا وڭايلىقپەن قولعا كەلمەگەن ناتيجەلەردى ءبىر نيەت، ءبىر تىلەكپەن بىرگە قورعاۋى كەرەك. بەيجيڭ قالالىق ساقشى جاعى ىندەتتەن ساقتانۋ – تىزگىندەۋ شارالارىن اتقارۋعا سايكەسپەگەندەردىڭ جاۋاپكەرشىلىگىن زاڭ بويىنشا قۋزاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
