- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۇيعۇر اۆتونوميالى رايونىنىڭ شەكارا باسقارۋ ەرەجەسى
(شينجياڭ ۇيعۇر اۆتونوميالى رايوندىق 10 - كەزەكتى حالىق قۇرىلتايى تۇراقتى كوميتەتىنىڭ 20 - ماجىلىسىندە 2005 - جىلى25 - قاراشا كۇنى ماقۇلدانعان، شينجياڭ ۇيعۇر اۆتونوميالى رايوندىق 11 − كەزەكتى حالىق قۇرىلتايى تۇراقتى كوميتەتى 18 - ءماجىلىسىنىڭ «<شينجياڭ ۇيعۇر اۆتونوميالى رايونىنىڭ شەكارا باسقارۋ ەرەجەسىنە> وزگەرىس ەنگىزۋ جونىندەگى قارارىنا» ساي، 2010 - جىلى 3 - ماۋسىم كۇنى وزگەرىس ەنگىزىلدى)
2014.05.15 13:14
ءبىرىنشى تاراۋ جالپى ەرەجە
1 - تارماق بۇل ەرەجە شەكارا باسقارۋدى كۇشەيتۋ، مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ، شەكارا رايوننىڭ حاۋىپسىزدىگى مەن ورنىقتىلىعىن ساقتاۋ، شەكارا رايون ەكونوميكاسىنىڭ، قوعامىنىڭ دامۋىن جەبەۋ ءۇشىن، مەملەكەتتىڭ قاتىستى زاڭدارىنا، زاڭ - ەرەجەلەرىنە ساي، اۆتونوميالى رايونىمىزدىڭ ناقتى جاعدايىنا ۇشتاستىرىلىپ جاسالدى.
2 - تارماق اۆتونوميالى رايونىمىزدىڭ شەكارا رايوندارىنا قونىستانعان، بارعان، وندا وندىرىسپەن جانە باسقا دا قيمىلدارمەن شۇعىلدانعان ورىندار مەن جەكەلەر وسى ەرەجەگە بويسۇنۋى كەرەك.
3 - تارماق بۇل ەرەجەدە ايتىلعان شەكارا باسقارۋ دەگەندە، مەملەكەت شەكاراسىن باسقارۋ مەن شەكارا رايوندى باسقارۋ مەڭزەلەدى.
مەملەكەت شەكاراسىن باسقارۋ مەملەكەت شەكارا سىزىعىن جانە ونىڭ بەلگىلەرىن باسقارۋدى قامتيدى؛ شەكارا رايوندى باسقارۋ شەكارا باسقارۋ رايونىن، شەكارا بەلدەۋىن جانە شەكتەلگەن شەكارا رايوندى باسقارۋدى قامتيدى.
شەكارا باسقارۋ رايونى ادەتتە مەملەكەت شەكاراسى بويىنداعى اۋىلدىڭ، قالاشىقتىڭ، ەگىن، مال شارۋاشىلىق تۋان - الاڭدارىنىڭ قاراستىلىعىنداعى وڭىرلەردى كورسەتەدى؛ شەكارا بەلدەۋى مەملەكەت شەكارا سىزىعىنىڭ 2000 مەتر ىشىندەگى ءوڭىردى كورسەتەدى. ءبىراق مەملەكەت شەكارا سىزىعىنا ەڭ جاقىن ارالىق 20 مەتردەن كەم بولسا بولمايدى؛ شەكتەلگەن شەكارا رايون شەكارا باسقارۋ رايونىنىڭ ءمالىم ءوڭىرىن ەرەكشە مەڭگەرىلەتىن رايون ەتىپ بەلگىلەۋدى كورسەتەدى.
4 - تارماق قوعام حاۋىپسىزدىگى شەكارا قورعانىس تاراۋى شەكارا باسقارۋ قىزمەتىنە جاۋاپتى بولادى. شەكارا قورعانىس اسكەري بولىمدەرى مەن سىرتقى ىستەر تاراۋى وزدەرىنىڭ قىزمەت مىندەتىنە ساي شەكارا باسقارۋدىڭ قاتىستى قىزمەتتەرىن تىڭعىلىقتى ىستەۋگە جاۋاپتى بولادى.
5 - تارماق اۆتونوميالى رايوندىق حالىق ۇكىمەتى جانە شەكارادا تۇرعان جەرگىلىكتى ءار دارەجەلى حالىق ۇكىمەتى شەكارا باسقارۋ قىزمەتىنە بولعان باسشىلىقتى كۇشەيتىپ، ونى قوعام اماندىعىن جان - جاقتى وڭاۋ كولەمىنە ەنگىزىپ، بىرىككەن قورعانىس ۇيىمىن قۇرىپ جانە كەمەلدەندىرىپ، شەكارا قۇرىلعىلار قۇرىلىسىنا ۇسىنىلىمدى بىرتىندەپ مولايتۋى ءارى شەكارانى قورعاۋشىلاردىڭ كومەك اقشاسى سياقتى شەكارا باسقارۋ قاراجاتىن قامتاماسىزداندىرۋى كەرەك.
6 - تارماق ءارقانداي ورىن مەن جەكە مەملەكەت شەكاراسىن قورعاۋعا، شەكارا بەلگىلەرى مەن شەكارا قورعانىس قۇرىلعىلارىن قورعاۋعا، شەكارا رايوننىڭ قوعام ءتارتىبى مەن اماندىعىن قورعاۋعا بورىشتى.
7 - تارماق شەكارا رايونداعى اۋدان دارەجەلىدەن جوعارى حالىق ۇكىمەتى شەكارا باسقارۋ قىزمەتىندە ناتيجەسى كورنەكتى بولعان ورىندار مەن جەكەلەردى ماداقتاۋى جانە سيلاۋى كەرەك.
ەكىنشى تاراۋ مەملەكەت شەكاراسىن باسقارۋ
8 - تارماق ءارقانداي ادامنىڭ مەملەكەت شەكاراسىنان زاڭسىز كىرىپ - شىعۋىنا، قۇرلىق شەكارالارىندا، شەكارا وزەندەردە )كولدەردە( زاڭسىز ساۋدا جاساسۋىنا نەمەسە زاڭعا قايشى باسقا دا قيمىلداردى ىستەۋىنە بولمايدى.
9 - تارماق شەكارا بەلگىسىن، شەكارا قازىعىن جانە مەملەكەت شەكاراسىن كورسەتەتىن باسقا دا ماڭگىلىك بەلگىلەردى ورناتۋ، قورعاۋ نەمەسە قايتا ورناتۋ ەلىمىزدىڭ كورشى ەلدەرمەن جاساسقان شەكارا شارتىنا، جاساسقان كەلىسىمگە نەمەسە ۋادەگە ساي اتقارىلادى.
ءارقانداي ورىن مەن جەكەنىڭ شەكارا قورعانىس قۇرىلعىلارى مەن شەكارا بەلگىلەرىن ويرانداۋىنا، جىلجىتۋىنا جانە شاعۋىنا بولمايدى.
10 - تارماق ءارقانداي ورىن مەن جەكەنىڭ مەملەكەت شەكاراسى باعىتىن وزگەرتەتىن نەمەسە وزگەرتۋى مۇمكىن بولعان، شەكارا وزەن ارناسىنىڭ ورنىقتىلىعىنا ىقپال جاسايتىن نەمەسە ىقپال جاساۋى مۇمكىن بولعان قيمىلداردى ىستەۋىنە جانە قۇرىلىس سالۋىنا بولمايدى؛ ىستەۋگە، شىنىندا، تۋرا كەلسە ەلىمىز كورشى ەلدەرمەن جاساسقان كەلىسىمگە جانە ەلىمىزدىڭ قاتىستى بەلگىلەمەلەرىنە ساي اتقارۋ كەرەك.
اۆتونوميالى رايوندىق حالىق ۇكىمەتىنىڭ تەكسەرىپ - بەكىتۋىنەن وتكىزبەي تۇرىپ ءارقانداي ورىن مەن جەكەنىڭ شەكارا بەلدەۋىندە ءۇي، عيمارات سالۋىنا بولمايدى.
11 - تارماق مەملەكەت شەكاراسىنان كىرىپ - شىعاتىندار جانە ولاردىڭ كەرەك - جاراقتارى، قاتىناس قۇرالى جانە الىپ جۇرگەن جۇگى مەملەكەت بەلگىلەگەن وتكەلدەردەن نەمەسە كورشى ەلدەرمەن اقىلداسىپ بەلگىلەگەن ۋاقىتتىق شەكارا وتكەلىنەن ءوتۋىءارى مەملەكەتتىڭ بەلگىلەمەسى بويىنشا شەكارادان كىرىپ - شىققانداعى تەكسەرۋدى، كارانتيندەۋدى قابىلداۋى كەرەك.
12 - تارماق شەكارا قورعانىس كەڭەسىنە، كەزدەسۋلەرگە قاتىناساتىن قىزمەتكەرلەر مەن ۇكىمەت جۇمىسىنداعى باسقا دا قىزمەتكەرلەر جانە ونىڭ قاتىناس قۇرالى مەملەكەت شەكاراسىنان ۋاقىتشا كىرىپ - شىعۋعا تۋرا كەلسە، مەملەكەتىمىزدىڭ كورشى ەلدەرمەن جاساسقان كەلىسىمى بويىنشا اتقارىلادى.
13 - تارماق شەكارا رايونداعى تۇرعىندار كورشى ەلدەردىڭ شەكارا رايونىنا بارىپ تۋىسشىلايتىن، ساياحاتتايتىن جانە ساۋدا قيمىلىمەن شۇعىلداناتىن بولسا، ەلىمىزدىڭ كورشى ەلدەرمەن جاساسقان كەلىسىمى جانە مەملەكەتتىڭ قاتىستى بەلگىلەمەلەرى بويىنشا راسميات وتەيدى.
14 - تارماق مەملەكەتتىڭ جانە اۆتونوميالى رايوننىڭ بەكىتۋىمەن اشىلعان شەكارا وتكەلىنىڭ بەلگىلى كولەمىن وتكەلدىڭ شەكتەلگەن ءوڭىرى ەتىپ ايىرسا بولادى. وتكەلدىڭ شەكتەلگەن ءوڭىرى وتكەل ۇلكەن جولىن، وتكەل بىرىككەن تەكسەرۋ ورنىن، اۆتوكولىكتەردى تەكسەرىپ - باقىلاۋ ورنىن قامتيدى. شەكارا ۇلكەن جولى وتكەل بىرىككەن تەكسەرۋ ورنىنان مەملەكەت شەكارا سىزىعىنا دەيىنگى ارالىقتاعى ءوڭىر بولادى.
وتكەلدىڭ شەكتەلگەن ءوڭىرىن ايىرۋ جانە باسقارۋ جوباسىن وتكەل تۇرعان جەردەگى قوعام حاۋىپسىزدىگى شەكارا قورعانىس تاراۋى وتكەل باسقارۋ تاراۋىمەن بىرگە العا قويىپ، وتكەل تۇرعان جەردەگى حالىق ۇكىمەتىنە نەمەسە ايماقتىق اكىمشىلىك مەكەمەسىنە بەكىتتىرگەننەن كەيىن اتقارادى.
ءۇشىنشى تاراۋ شەكارا رايوندى باسقارۋ
15 - تارماق شەكارا باسقارۋ رايونىن، شەكارا بەلدەۋىن جانە شەكتەلگەن شەكارا رايونىن اۆتونوميالى رايوندىق حالىق ۇكىمەتى شەكارا قورعانىسىن باسقارۋ قاجەتىنە ساي ايىرىپ جانە رەتتەپ، بەلگىسىن ءبىر تۇتاس جاسايدى، ورناتادى، قوعامعا دەر كەزىندە جاريالايدى؛ اۋدان دارەجەلى حالىق ۇكىمەتى بەلگىنى قورعاۋعا جاۋاپتى بولادى.
شەكتەلگەن شەكارا رايوندا ەرەكشە باسقارۋ ءتۇزىمى اتقارىلادى، اۆتونوميالى رايوندىق حالىق ۇكىمەتىنىڭ بەكىتۋىنسىز ءارقانداي ادامنىڭ كىرۋىنە بولمايدى.
16 - تارماق شەكارا باسقارۋ رايونىنان كىرىپ - شىعاتىن ادامدار زاڭدا، زاڭ - ەرەجەلەردە بەلگىلەنگەن كۇشىنە يە كۋالىكتەرىن كورسەتۋى ءارى قوعام حاۋىپسىزدىگى شەكارا قورعانىس تاراۋىنىڭ تەكسەرۋىن قابىلداۋى كەرەك.
17 - تارماق ءارقانداي ورىن مەن جەكەنىڭ كۇشىنە يە كۋالىگى جوق ادامداردى شەكارا باسقارۋ رايونىنا كىرىپ - شىعۋعا ۇيىمداستىرۋىنا، ونان وتكىزىپ قويۋىنا بولمايدى؛ كۇشىنە يە كۋالىگى جوق ادامدارعا شەكارا باسقارۋ رايونىنان كىرىپ - شىعاتىن تيىمدىلىك شارت - جاعداي جاراتۋىنا بولمايدى؛ كۇشىنە يە كۋالىگى جوق ادامداردى شەكارا باسقارۋ رايونىنا تۇرعىزۋىنا، ورنالاستىرۋىنا بولمايدى.
18 - تارماق شەكارا باسقارۋ رايونىنىڭ سىرتىنداعى جۇڭگو ازاماتتارى نەمەسە شەتەلدىكتەر، مەملەكەت قاراستىلىعى جوقتار شەكارا باسقارۋ رايونىندا تۇنەيتىن بولسا، تۇنەتەتىن ورىن نەمەسە جەكە ونىڭ اتى - ءجونى، مەكەن - جايى، كەلۋ سەبەبى سياقتى احۋالدارىن ەستەلىككە الۋى ءارى 24 ساعات ىشىندە شەكارا قورعانىس ساقشى بولىمشەسىنە مالىمدەپ تىزىمدەتۋى كەرەك.
19 - تارماق شەكارا باسقارۋ رايونىندا بارلاۋ، كەن قازۋ، اعاش كەسۋ، تاس، توپىراق قازۋ، ءدارى ءشوپ جيناۋ، بالىق اۋلاۋ، قوپارۋ سياقتىلارمەن شۇعىلدانعاندا، زاڭ بويىنشا بەكىتتىرۋگە ءتيىستى ءوندىرىس جۇمىسىن قاتىستى اكىمشىلىك باسقارۋ تاراۋى بەكىتكەندە، قوعام حاۋىپسىزدىگى شەكارا قورعانىس تاراۋىنىڭ پىكىرىن الۋى كەرەك.
الدىڭعى تارماقشاداعى قيمىلمەن شۇعىلداناتىن ورىندار مەن جەكەلەر قاتىستى اكىمشىلىك باسقارۋ تاراۋى بەكىتكەن حۇجاتتى الىپ، جۇمىس باستاۋدان 15 كۇن ىلگەرى قوعام حاۋىپسىزدىگى شەكارا قورعانىس تاراۋىنا مالىمدەۋى ءارى قوعام حاۋىپسىزدىگى شەكارا قورعانىس تاراۋىنىڭ باسقارۋىنا بويسۇنۋى كەرەك.
20 - تارماق شەتەلدىكتەردىڭ ）مەملەكەت قاراستىلىعى جوقتاردى قامتيدى（ شەكارادان كىرىپ - شىعۋدى قاجەت ەتكەندەرىنەن باسقاسى شەكارا بەلدەۋىنە كىرۋگە بولمايدى.
21 - تارماق شەكارا بەلدەۋىندە ولشەۋ - سىزۋ، فيلمگە ءتۇسىرۋ، عىلمي تەكسەرۋ جۇرگىزۋ، جەر ورتەۋ سياقتى قيمىلدارمەن شۇعىلدانعاندا، الدىمەن سول جەردەگى قوعام حاۋىپسىزدىگى شەكارا قورعانىس تاراۋىنا مالىمدەۋى ءارى سولار بەلگىلەگەن كولەمدە جۇمىس جۇرگىزۋى كەرەك.
22 - تارماق شەكارا بەلدەۋىندە ۇكىمەت جۇمىسىن اتقارماعان كەزدە وق شىعارۋعا بولمايدى.
23 - تارماق شەكارا بەلدەۋىندە مال باققاندار مال سوڭىنان قالماۋى، مالدىڭ شەكارادان ءوتىپ كەتۋىنەن ساقتانۋى كەرەك. ءبىز جاقتىڭ مالى كورشى ەلدىڭ شەكاراسىنا ءوتىپ كەتسە، سول جەردەگى قوعام حاۋىپسىزدىگى شەكارا قورعانىس تاراۋىنا دەر كەزىندە مالىمدەۋى، قوعام حاۋىپسىزدىگى شەكارا قورعانىس تاراۋى سايكەستىرىپ ءبىر جاقتى ەتۋى كەرەك. جەكەلەردىڭ شەكارادان ءوتىپ مال ىزدەۋىنە بولمايدى. كورشى ەل تاپسىرىپ بەرگەن ءبىز جاقتىڭ مالىن قوعام حاۋىپسىزدىگى شەكارا قورعانىس تاراۋى قابىلدايدى، مال شارۋاشىلىق تاراۋى كارانتيندەگەننەن كەيىن قاتىستى بەلگىلەمەلەر بويىنشا ءبىر جاقتى ەتەدى.
كورشى ەلدىڭ مالى ەلىمىز شەكاراسىنان كىرىپ، مەملەكەت شەكارا سىزىعىنا تاياۋ ماڭدا بولسا، سول جەردىڭ وزىندە ايداپ شىعارادى؛ ەلىمىز شەكارا سىزىعىنان ءبىرشاما ىشكەرىلەپ كەتسە، سول جەردەگى قوعام حاۋىپسىزدىگى شەكارا قورعانىس تاراۋىنا نەمەسە شەكارا قورعانىس اسكەري بولىمىنە دەر كەزىندە تاپسىرىپ، قاتىستى بەلگىلەمەلەر بويىنشا ءبىر جاقتى ەتۋى كەرەك، جاسىرۋعا، پايدالانۋعا، الىپ - ساتۋعا نەمەسە سويۋعا بولمايدى.
24 - تارماق شەكارا بەلدەۋىنەن ساۋدا رايونىن جانە ساياحات رايونىن )ساياحات ءتۇيىنىن( قۇرۋدى اۆتونوميالى رايوندىق حالىق ۇكىمەتى قاتىستى بەلگىلەمەلەر بويىنشا مەملەكەتتىڭ قاتىستى تاراۋىنا بەكىتتىرەدى.
ساۋدا رايونىندا جانە ساياحات رايونىندا )ساياحات تۇيىنىندە( ساۋدا، ساياحات جانە باسقا دا قاتىستى قىزمەت وتەۋ قيمىلىمەن شۇعىلدانعاندا، مەملەكەت پەن اۆتونوميالى رايوننىڭ قاتىستى بەلگىلەمەسىنە بويسۇنۋى ءارى قوعام حاۋىپسىزدىگى شەكارا قورعانىس تاراۋىنىڭ باسقارۋىنا باعىنۋى كەرەك.
25 - تارماق شەكارا وزەننەن )كولدەن( اعىپ كەلگەن زاتتى، شەكارا رايوننان تاۋىپ الىنعان اۋادا قالىقتاپ جۇرگەن زاتتى نەمەسە باسقا دا كۇماندى زاتتى قوعام حاۋىپسىزدىگى شەكارا قورعانىس تاراۋىنا نەمەسە باسقا دا قاتىستى تاراۋعا دەر كەزىندە تاپسىرۋى كەرەك، ونى ءوزى ءبىر جاقتى ەتۋىنە بولمايدى.
26 - تارماق ءارقانداي ورىن مەن جەكە شەكارادان زاڭسىز كىرگەندەردى نەمەسە كۇماندى ادامداردى بايقاسا، قوعام حاۋىپسىزدىگى شەكارا قورعانىس تاراۋىنا نەمەسە شەكارا قورعانىس اسكەري بولىمىنە دەر كەزىندە مالىمدەۋى كەرەك.
ءتورتىنشى تاراۋ زاڭدىق جاۋاپكەرلىك
27 - تارماق وسى ەرەجەدەگى بەلگىلەمەلەرگە قايشىلىق جاساپ، شەكارا قورعانىس قوعام حاۋىپسىزدىگى تەكسەرۋ پۋنكتىنىڭ ۇكىمەت جۇمىسىن زاڭ بويىنشا اتقارۋىنان باس تارتسا، شەكارا قورعانىس قوعام حاۋىپسىزدىگى تەكسەرۋ پۋنكتى ەسكەرتۋ بەرەدى، تۇزەتۋگە بۇيىرادى؛ تۇزەتۋدەن باس تارتسا، 50 يۋاننان جوعارى،200 يۋاننان تومەن ايىپ سالىنادى. شەكارا قورعانىس قوعام حاۋىپسىزدىگى تەكسەرۋ پۋنكتىنىڭ ۇكىمەت جۇمىسىن اتقارۋىنا كەدەرگىلىك جاساسا، «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭىنا» ساي جازا قولدانىلادى.
28 - تارماق وسى ەرەجەدەگى بەلگىلەمەلەرگە قايشىلىق جاساپ، مىناداي جايتتەردىڭ ءبىرى بولسا، ەسكەرتۋ بەرىلەدى نەمەسە 200 يۋاننان تومەن ايىپ سالىنادى؛ كۇناسى اۋىر بولسا 500 يۋاننان جوعارى، 1000 يۋاننان تومەن ايىپ سالىنادى:
(1) شەكارا باسقارۋ رايونىنا كىرىپ - شىعاتىن كۇشىنە يە كۋالىكتەرىن الىپ جۇرمەسە؛
(2) كۇشىنە يە كۋالىكتەرى جوق ادامعا شەكارا باسقارۋ رايونىنا كىرىپ - شىعۋعا ءتيىمدى شارت - جاعداي جاراتسا؛
(3) كۇشىنە يە كۋالىكتەرى جوق ادامداردى تۇرعىزسا، ورنالاستىرسا؛
(4) بەلگىلەمە بويىنشا تىزىمدەتپەسە؛
(5) شەكارا بەلدەۋىندە باعىپ جۇرگەن مالى شەكارادان ءوتىپ كەتسە؛
(6) شەكارا وزەننەن اعىپ كەلگەن (كولدەن) زاتتى، شەكارا رايوننان تاۋىپ الىنعان اۋادا قالىقتاپ جۇرگەن زاتتى نەمەسە باسقا دا كۇماندى زاتتى ءوز بەتىمەن ءبىر جاقتى ەتسە.
(7)- تارماق وسى ەرەجەدەگى بەلگىلەمەلەرگە قايشىلىق جاساپ، مىناداي جايتتەردىڭ ءبىرى بولسا، 500 يۋاننان جوعارى،1000 يۋاننان تومەن ايىپ سالىنادى؛ زاڭسىز دۇنيە - مۇلكى نەمەسە زاڭعا قايشى تابىسى تاركىلەنەدى:
(8) شەكتەلگەن شەكارا رايونعا الباتى كىرسە؛
(9) بارلاۋ، كەن قازۋ، اعاش كەسۋ، تاس، توپىراق قازۋ، ءدارى ءشوپ جيناۋ، بالىق اۋلاۋ، قوپارۋ سياقتى ءوندىرىس جۇمىستارىمەن شۇعىلدانىپ، بەلگىلەمە بويىنشا شەكتى مەرزىمدە مالىمدەمەسە؛
(10) شەكارا بەلدەۋىندە الباتى وق شىعارسا؛
(11) شەكارا بەلدەۋىندە جەر ورتەۋ قيمىلىمەن شۇعىلدانعاندا بەلگىلەمە بويىنشا مالىمدەمەسە نەمەسە كورسەتىلگەن كولەم ىشىندە جۇمىس ىستەمەسە؛
(12) كورشى ەلدىڭ ەلىمىز شەكاراسىنان كىرگەن مالىن جاسىرسا، پايدالانسا، الىپ ساتسا نەمەسە سويسا.
قاتىستى اكىمشىلىك باسقارۋ تاراۋى الدىڭعى تارماقشانىڭ )2( تۇرىندەگى قيمىلدى تەكسەرىپ - بەكىتكەندە، قوعام حاۋىپسىزدىگى شەكارا قورعانىس تاراۋىنىڭ پىكىرىن الماي، شەتەلگە بايلانىستى وقيعا تۋدىرسا، تىكە جاۋاپكەرلىگى بار باسقارۋشى مەن باسقا دا تىكە جاۋاپكەرلىگى بارلارعا زاڭ بويىنشا اكىمشىلىك شارا كورىلەدى.
30 - تارماق وسى ەرەجەدەگى بەلگىلەمەلەرگە قايشىلىق جاساپ شەكارا بەلگىسىن، شەكارا قازىعىن جانە باسقا دا شەكارا بەلگىلەرىن، شەكارا قۇرىلعىلارىن ويرانداۋ، جىلجىتۋ، شاعۋ سياقتى ءبۇلدىرۋ ارەكەتى بارلار «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭىنا» ساي جازالانادى؛ قىلمىسقا تولعاندارىنىڭ قىلمىستىق ىستەر ارەكەتى زاڭ بويىنشا قۋزاستىرىلادى.
31 - تارماق وسى ەرەجەدەگى بەلگىلەمەلەرگە قايشىلىق جاساپ، شەكارا بەلدەۋىندە ولشەۋ - سىزۋ، فيلمگە ءتۇسىرۋ، عىلمي تەكسەرۋ جۇرگىزۋ سياقتى قيمىلدارمەن شۇعىلدانعاندا، قوعام حاۋىپسىزدىگى شەكارا قورعانىس تاراۋىنا مالىمدەمەسە نەمەسە ول كورسەتكەن كولەم ىشىندە جۇمىس ىستەمەسە، 1000 يۋاننان جوعارى،10 مىڭ يۋاننان تومەن ايىپ سالىنادى.
32 - تارماق وسى ەرەجەدەگى بەلگىلەمەگە قايشىلىق جاساپ، مەملەكەت شەكاراسى باعىتىن وزگەرتسە نەمەسە وزگەرتۋى مۇمكىن بولسا، شەكارا وزەن ارناسىنىڭ ورنىقتىلىعىنا ىقپال جاسايتىن نەمەسە ىقپال جاساۋ مۇمكىندىگى بار قيمىلداردى ىستەسە جانە قۇرىلىس سالسا نەمەسە بەكىتتىرمەي تۇرىپ، شەكارا بەلدەۋىنەن ءۇي، عيمارات سالسا، بۇرىنعى كۇيىن قالپىنا كەلتىرۋگە بۇيىرادى ءارى 5000 يۋاننان جوعارى، 30 مىڭ يۋاننان تومەن ايىپ سالىنادى.
33 - تارماق وسى ەرەجەدەگى بەلگىلەمەلەرگە قايشىلىق جاساپ، مىناداي جايتتەردىڭ ءبىرى بولسا، 3000 يۋاننان جوعارى، 10 مىڭ يۋاننان تومەن ايىپ سالىنادى؛ زاڭسىز دۇنيە - مۇلكى نەمەسە زاڭعا قايشى تابىسى بولسا تاركىلەنەدى؛ اماندىق باسقارۋعا قايشى ارەكەتى بولسا، «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭىنا» ساي جازالانادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى:
(1) قۇرلىقتىق شەكارادا، شەكارا وزەندەردە،كولدەردە زاڭسىز ساۋدا جاساسا نەمەسە باسقا دا زاڭسىز قيمىلدار ىستەسە؛
(2) كۇشىنە يە كۋالىگى جوق ادامداردى شەكارا باسقارۋ رايونىنان كىرىپ - شىعۋعا ۇيىمداستىرسا، وتكىزىپ قويسا؛
(3) شەكارادان زاڭسىز وتكەندەردى جاسىرسا، وعان قارجىلاي كومەكتەسسە؛
(4) مەملەكەت شەكاراسىنان جاسىرىن وتسە.
43 - تارماق شەكارا باسقارۋ تاراۋىندا جانە ونىڭ قىزمەتكەرلەرىندە مىناداي ارەكەتتەردىڭ ءبىرى بولسا، تۇرعان ورنى جانە جوعارى دارەجەلى باسقارۋشى تاراۋ اكىمشىلىك شارا قولدانادى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى:
(1) بەلگىلەمە بويىنشا جازا قولدانباسا نەمەسە ايىپ سالعاندا، اقشا تاركىلەگەندە بەلگىلەمە بويىنشا تالون بەرمەسە؛
(2) ايىپ اقشانى، تاركىلەگەن اقشانى جۇمساپ قويسا، باسقاعا جۇمساسا؛
(3) شەكارادان زاڭسىز وتكەندەردى بىلە تۇرا قويا بەرسە؛
(4) زاڭسىز ساۋدا قيمىلىنا قاتىناسسا؛
(5) قىزمەتىنە نەمقۇرايدى قاراعان، قىزمەت ۇقىعىنان الباتى پايدالانعان، بەتكە قاراپ، جولدان تايعان باسقا دا ارەكەتى بولسا.
35 - تارماق27 - تارماقتا بەلگىلەنگەن جايتتەردەن باسقا وسى ەرەجەدە بەلگىلەنگەن اكىمشىلىك جازانى اۋداننان (قالادان) جوعارى قوعام حاۋىپسىزدىگى شەكارا قورعانىس تاراۋى بەلگىلەيدى؛ مۇندا، ەسكەرتۋ بەرۋدى،1000يۋاننان تومەن ايىپتى قوعام حاۋىپسىزدىگى شەكارا قورعانىس ساقشى بولىمشەسى بەلگىلەيدى.
داۋلى ادامدار اكىمشىلىك جازا ۇيعارىمىنا مويىنسال بولماسا، زاڭ بويىنشا اكىمشىلىك قايتا قاراۋدى ءوتىنىش ەتسە نەمەسە اكىمشىلىك ارىز - شاعىم ايتسا بولادى.
36 - تارماق وسى ەرەجەگە قايشىلىق جاساپ جازالاۋعا ءتيىستى باسقا دا ارەكەتى بارلار قاتىستى زاڭدارداعى، زاڭ - ەرەجەلەردەگى بەلگىلەمەلەرگە ساي جازالانادى.
بەسىنشى تاراۋ قوسىمشا ەرەجە
37 - تارماق بۇل ەرەجە 2006 - جىلى 1 - قاڭتاردان باستاپ اتقارىلدى.
(بۇل ەرەجەنىڭ اۋدارماسىن اۆتونوميالى رايوندىق حالىق قۇرىلتاي-ى تۇراقتى كوميتەتى كەڭسەسىنىڭ زاڭ - ەرەجەلەر اۋدارماسىن ارناعا ءتۇسىرۋ گرۋپپاسى ارناعا ءتۇسىردى) «شينجياڭ گازەتى»
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
