جۇڭگو ساياسي – زاڭ ۋنيۆەرسيتەتىندە قازىر 47 قازاق ستۋدەنت بار. ەلىكتەمەلى سوت قيمىلى العاش ورىستەتىلگەن مەزگىلدە بۇل مەكتەپتە ون شاقتى عانا قازاق وقۋشى بولعان، ولار ءتۇرلى قيىنشىلىقتاردى جەڭە وتىرىپ، بۇل ءماندى قيمىلدى بارلىققا كەلتىردى.
تولىعى
بەيجيڭدە قازاق ستۋدەنتتەر ەلىكتەمەلى سوت وتكىزدى
بەيجيڭدەگى چاڭپيڭ رايونىنا ورنالاسقان جۇڭگو – ساياسي زاڭ ۋنيۆەرسيتەتى ەلىمىزدەگى «زاڭ سالاسىنداعى ەڭ جوعارى ءبىلىم ورداسى» دەگەن اتاعى بار ايگىلى ۋنيۆەرسيتەت. ەلىمىزدەگى ءتۇيىندى قۇرىلاتىن جوعارى مەكتەپتەردىڭ «211»، «985» ينجەنەريالارىنا ەنەتىن مەكتەپ، اتالعان مەكتەپ وقۋ – اعارتۋ مينيسترلىگىنە توتە قارايدى، 1952 – جىلى مەكتەپ قۇرىلعاننان بەرى جارتى عاسىردان استام ۋاقىت ىشىندە ەلىمىزگە 200 مىڭنان استام دارىندى تاربيەلەپ ۇلگىردى.
زاڭ عىلىمىن ءوزىنىڭ وزەكتى ءپان سالاسى ەتكەن بۇل ءبىلىم ورداسىندا حالقىمىزدىڭ قارا كوزدەرى دە ەل قاتارى ءبىلىم قۋىپ، ارماننىڭ اسقارىنا قۇلاش سەرمەپ ءجۇر. اتالعان مەكتەپتە وقيتىن قازاقتىڭ ەلۋگە تارتا ۇل – قىزىنىڭ جۇمىلا جۇك كوتەرىپ، ىنتىماقتاسا ءىس كورىپ، قازاق تىلىندەگى ەلىكتەمەلى سوت باسەكەسىن 4 – رەت ۇيىمداستىرىپ وتىرعانىن سول ارماننىڭ اسقارىنا قۇلاش سەرمەگەن اسقاق قادامعا بالادىق. تىلىمىزگە تيەك، اڭگىمەمىزگە ارقاۋ بولىپ وتىرعان بۇل قيمىل بەيجيڭ قالاسىنداعى ستۋدەنتتەردىڭ ەلىكتەمەلى سوت باسەكەسى اياسىندا ۇيىمداستىرىلعان قازاق تىلىندەگى ەلىكتەمەلى سوت قيمىلى بولىپ، اتالعان قيمىل 2014 – جىلى 19 – ساۋىردە وتكىزىلدى.
اتاپ ايتار بولساق، 2010 – جىلى جۇڭگو ساياسي – زاڭ ۋنيۆەرسيتەتىندەگى 19 قازاق وقۋشى ءديدار مالىك قىزىنىڭ باستاماشى بولۋىندا ءبىر جەڭنەن قول، ءبىر جاعادان باس شىعارا وتىرىپ قازاق تىلىندەگى ەلىكتەمەلى سوتتى تۇڭعىش رەت ۇيىمداستىردى. سودان بەرى جىل سايىن ۇيىمداستىرىلىپ كەلە جاتقان بۇل قيمىل مىنە بيىل 4 – رەتكى كەزەگىنە جەتىپ ۇلگىردى.
تولىعى
جۇڭگو ساياسي - زاڭ ۋنيۆەرسيتەتى
جۇڭگو ساياسي – زاڭ ۋنيۆەرسيتەتى زاڭ عىلىمىن نەگىز ەتىپ، ادەبيەت، تاريح، فيلوسوفيا، ەكونوميكا، باسقارۋ عىلىمى، اعارتۋ عىلىمى قاتارلى كاسىپ سالالارىن قاتار دامىتاتىن، «211 ينجەنەرياسى»، «985» ينجەنەرياسىنا ەنگەن، باسىمدىلىققا يە ءپان سالاسىندا جاڭالىق جاراتۋ مىنبەرى ەسەپتەلەتىن ءتۇيىندى ۋنيۆەرسيتەت، تۇڭعىش توپتاعى «2011 جوسپارى» مەن «111 جوسپارى» بويىنشا قۇرىلاتىن مەملەكەتتىك ءتۇيىندى ۋنيۆەرسيتەت، اتالعان ۋنيۆەرسيتەت وقۋ – اعارتۋ مينيسترلىگىنە توتە قارايدى.
تولىعى
|
|
|
|
|
