شينجياڭ ۇيعۇر اۆتونوميالى رايوندىق بۇرىنعى ەگىن شارۋاشىلىعى مەڭگەرمەسى پارتگرۋپپاسى شۋجيىنىڭ ورىنباسارى، مەڭگەرمە باستىعى
اكپار عوپۇر تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان ايدالدى
2020.04.09 16:51 كەلۋ قاينارى : حالىق تورابى
حالىق تورابى، 4 – ايدىڭ 9 – كۇنى، بەيجيڭ. شينجياڭ گازەتىنىڭ حابارىنا قاراعاندا، تاياۋدا شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇرىنعى شينجياڭ ۇيعۇر اۆتونوميالى رايوندىق ەگىن شارۋاشىلىعى مەڭگەرمەسى پارتگرۋپپاسى شۋجيىنىڭ ورىنباسارى، مەڭگەرمە باستىعى اكپار عوپۇردىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جانە تەكتەۋ جۇرگىزدى.
تەكسەرۋگە قاراعاندا، اكپار عوپۇر مۇرات - سەنىمنەن ايرىلىپ، ساياسي تانىمنان، پارتيالىلىق پرينسيپتەن جۇرداي بولىپ، ۇيىمنىڭ تەكسەرۋىنە قارسى تۇرعان، ءتىل بىرىكتىرىپ، دالەل - سىپاتتاردى جىمىقتىرعان، جاسىرعان؛ ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ءادىل اتقارۋعا ىقپال جاساۋ مۇمكىندىگى بار تارتۋ - تارالعى، اقشا العان؛ جەكە باسىنىڭ قاتىستى ىستەرىن شىنايى مالىمدەمەگەن، كادرلاردى تاڭداۋ، ىستەتۋ بارىسىندا باسقالارعا پايدا جەتكىزگەن ءارى مال - مۇلىك العان؛ تۋىستارىنىڭ ناقتى قىزمەت ىستەمەسە دە ەڭبەكاقى الۋىن ءۇنسىز قۇپتاعان، باسقارۋ جانە قىزمەت وتەۋ وبيەكتىسىنىڭ تۇرعىن ءۇيىن پايدالانىپ، بەلگىلەمەگە قايشى پايدا تابۋ قيمىلىمەن اينالىسىپ پايدا تاپقان، قىزمەت ۇقىعىنان نەمەسە قىزمەتتەگى ىقپالىنان پايدالانىپ، تۋىستارىنا پايدا جەتكىزگەن، تۇرعىن ءۇي ءبولۋ، ساتىپ الۋ بارىسىندا مەملەكەت مۇددەسىنە سۇعاناقتىق جاساعان، ءوزىنىڭ نەمەسە تۋىستارىنىڭ ءوزى تولەۋگە ءتيىستى اقىلاردى اقىلارىن وزگە ورىندارعا تولەتكەن؛ ارانى اشىلىپ، قىزمەت قولايلىلىعىنان پايدالانىپ، وزگەلەردەن قوماعايلىقپەن مال - مۇلىك العان.
اكپار عوپۇر پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە اۋىر دارەجەدە قايشىلىق جاساپ، قىزمەت مىندەتى كولەمىندە زاڭعا اۋىر قايشىلىق جاساۋدى قالىپتاستىرعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، قولىن تارتپاعان، سيپاتى ناشار، قىلمىسى اۋىر، قاتاڭ ءبىر جايلى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتى قاتىستى بەلگىلەمەلەر بويىنشا، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتتىڭ ماجىلىسىندە اقىلداسىپ ءارى شينجياڭ ۇيعۇر اۆتونوميالى رايوندىق پارتكومعا جولداپ بەكىتتىرىپ، اكپار عوپۇرعا پارتيادان ايداۋ جازاسىن بەرۋدى؛ بەلگىلەمە بويىنشا ونىڭ يگىلىكتەنەتىن مامىلەلەرىن كۇشىنەن قالدىرۋدى؛ ونىڭ تارتىپكە، زاڭعا قايشىلىق جاساپ تاپقان كىرىستەرىن ءمۇسادىرالاۋدى؛ ونىڭ قىلمىسقا شاتىلعان ماسەلەلەرىن پروكۋراتۋرا ورگانىنىڭ زاڭ بويىنشا تەكسەرىپ، ايىپتاۋىنا تاپسىرۋدى، بۇعان ساياتىن مال - مۇلىكتى دەلومەن بىرگە وتكىزىپ بەرۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
