وقۋ – اعارتۋ مينيسترلىگى «اسپيرانت جەتەكشىسىنىڭ جەتەكشىلىك ەتۋ ارەكەت ولشەمىن» جاريالادى
جەتەكشىنىڭ اسپيرانتتىق وقۋ ءبىتىرۋ ۋاقىتىن قالاعانىنشا كەشەۋىلدەتۋىنە بولمايدى
2020.11.12 14:58 كەلۋ قاينارى : حالىق تورابى
بەيجيڭ جاستار گازەتىنىڭ 11 – ايدىڭ 12 – كۇنگى حابارى. بەلگىلەمەگە قايشىلىق جاساپ، اسپيرانتتاردىڭ وقۋ تاۋىسۋ ۋاقىتىن قالاعانىنشا كەشەۋىلدەتۋگە، اسپيرانتتاردىڭ ار - نامىسىن قورلاۋعا، اسپيرانتتارمەن قالىپسىز قاتىناس ورناتۋعا بولمايدى. اسپيرانت جەتەكشىلەرى قوسىنى قۇرىلىسىن كۇشەيتىپ، اسپيرانت جەتەكشىلەرىنىڭ جەتەكشىلىك ارەكەتىن ارناعا ءتۇسىرۋ ءۇشىن، وقۋ – اعارتۋ مينيسترلىگى كەشە «اسپيرانت جەتەكشىسىنىڭ جەتەكشىلىك ەتۋ ارەكەت ولشەمىن» جاريالادى، مۇندا 10 «بولمايدى» دەگەن مازمۇن قامتىلدى.
وقۋ – اعارتۋ مينيسترلىگىنىڭ ساندى مالىمەتىندە كورسەتىلۋىنشە، كەزەكتە بۇكىل ەل بويىنشا اسپيرانت جەتەكشىسى 460 مىڭ ادام، مۇنىڭ ىشىندە دوكتورانت جەتەكشىسى 115 مىڭ ادام. وقۋ – اعارتۋ مينيسترلىگى عىلىمي اتاق باسقارۋ جانە اسپيرانتتار وقۋ – اعارتۋ مەڭگەرمەسىنىڭ جاۋاپتىسى بىلاي دەدى: جۋىقتاعى جىلداردان بەرى كەيبىر ۇستازداردا زەيىن - زەردەسى جەتپەۋ، جەتەكشىلىك ەتۋ ءتاسىلى عىلىمي بولماۋ، ساپا وتكەلىن قاتاڭ يگەرمەۋ، ءتىپتى ۇستازدىق ءمورال، ۇستازدىق ستيل جاعىندا قاتەلەسۋ ماسەلەلەرى جارىققا شىقتى، وتە ناشار ىقپال تۋدىردى، سوندىقتان «اسپيرانت جەتەكشىسىنىڭ جەتەكشىلىك ەتۋ ارەكەت ولشەمىن» زەرتتەپ جاسادىق.
«ولشەمدە» جيىنى 8 تارماق بار. باستى مازمۇندارى: دۇرىس يدەيانى جەتەكشى ەتۋگە تاباندى بولىپ، پارتيانىڭ نازارياسى مەن ساياساتىنا، مەملەكەتتىڭ زاڭ - ەرەجەلەرىنە قايشى، پارتيا مەن مەملەكەتتىڭ وبرازىنا زيان جەتكىزەتىن، سوتسياليستىك وزەكتى قۇن كوزقاراسىنا قايشى كەلەتىن ءسوز – ارەكەتتەردەن اۋلاق بولۋ؛ وقۋشى قابىلداۋعا عىلىمي، ءادىل قاتىناسۋ كەرەك، ەمتيحان الۋ، وقۋشى قابىلداۋدىڭ ءادىل، ادىلەتتى بولۋىنا زيان جەتكىزۋى مۇمكىن بولعان ءارقانداي قيمىلدى ۇيىمداستىرۋىنا نەمەسە وعان قاتىناسۋىنا بولمايدى؛ بار زەيىن - زەردەسىن جەتەكشىلىك ەتۋگە شوعىرلاندىرۋ كەرەك، اسپيرانتتاردىڭ وقۋ اياق الىسىنا جانە ءدوپ كەلگەن وقۋ ماسەلەسىنە باقىلاۋ مەن جەتەكشىلىك ەتۋگە نەمقۇرايدى قاراۋعا بولمايدى؛ جەتەكشىلىك ەتۋ جاۋاپكەرشىلىگىن دۇرىس اتقارۋ كەرەك، اسپيرانتتاردان ءبىلىم الۋعا، عىلىمي زەرتتەۋگە، قوعامدىق قىزمەت وتەۋگە قاتىسسىز ىستەرمەن شۇعىلدانۋدى تالاپ ەتۋىنە، بەلگىلەمەگە قايشىلىق جاساپ اسپيرانتتىق وقۋ ءبىتىرۋ ۋاقىتىن قالاعانىنشا كەشەۋىلدەتۋىنە بولمايدى؛ عىلىمي ولشەمگە قاتاڭ بويسۇنۋ كەرەك، عىلىمي ولشەمگە قايشىلىق جاساۋ، اسپيرانتتاردىڭ عىلىمي زەرتتەۋ ۇقىق - مۇددەسىنە زيان جەتكىزۋ سياقتى ارەكەتتەردى ىستەۋگە بولمايدى؛ عىلىمي اتاق ديسسەرتاتسياسىنىڭ ساپاسىن مەڭگەرۋ كەرەك، عىلىمي ولشەم مەن ساپا تالابىنا ۇيلەسپەيتىن عىلىمي اتاق ديسسەرتاتسياسىن باعالاۋعا جانە قورعاۋعا جولداۋعا بولمايدى؛ قاراجاتتان پايدالانۋدى قاتاڭ باسقارىپ، اسپيرانتتاردىڭ ورىندى ۇقىق - مۇددەسىنە شىنايى كەپىلدىك ەتۋ كەرەك، اسپيرانت اتىمەن عىلىمي زەرتتەۋ قاراجاتىن نەمەسە باسقا دا قاراجاتتى جالعان مالىمدەۋگە، الداپ الۋعا، باسقاعا جۇمساۋعا، يەمدەنىپ الۋعا بولمايدى؛ وقىتۋشىلار مەن وقۋشىلاردىڭ جاراسىمدى قاتىناسىن ورناتۋ، اسپيرانتتاردىڭ ار - نامىسىن قورلاۋعا، اسپيرانتتارمەن قالىپسىز قاتىناس ورناتۋعا بولمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
