مەملەكەتتىك ساپا تەكسەرۋ باس مەكەمەسىنىڭ تەكسەرۋ – زەرتتەۋ گرۋپپاسى ىلەدە تەكسەرۋ – زەرتتەۋ جۇرگىزدى
2017.11.14 14:16
ءتىلشىمىز ليۋ ليجۇن حابارلايدى. اۆتونوميالى رايوننىڭ ورىنباسار ءتوراعاسى ءمۇتالىپ قاسىم مەن اۆتونوميالى وبلىستىڭ باستىعى قۇرماش سىرجان ۇلىنىڭ سەرىك بولۋىندا مەملەكەتتىك ساپانى باقىلاۋ – تەكسەرۋ، كارانتيندەۋ باس مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى چين ي – جى قاتارلى 10 ادام قاراشانىڭ 9 – كۇنى قورعاستا تەكسەرۋ – زەرتتەۋ جۇرگىزدى.
تەكسەرۋ – زەرتتەۋ گرۋپپاسى قورعاس قالاسىنىڭ جوبا سارايى، قورعاس تاس جول وتكەلى، جۇڭگو – قازاقستان قورعاس حالىقارالىق شەكارالىق سەلبەستىك ورتالىعى جانە جۇڭگو – قازاقستان تابيعي گاز قۇبىرى قورعاس ولشەۋ پۋنكتىنە بارىپ، وتكەلدىڭ تەكسەرۋ – كارانتيندەۋ، تابيعي گاز ولشەۋ سياقتى قىزمەتتەرىن ۇعىستى.
قورعاس قالاسىنىڭ قالا جوباسى سارايىندا تەكسەرۋ – زەرتتەۋ گرۋپپاسىنداعىلار قورعاس ەكونوميكالىق اشۋ رايونىنىڭ «ءبىر رايون، ءتورت باقشاسى» جانە ءتيىمدى ساياسات، تاۋار بازارى، مەملەكەت قاقپاسىن وزگەرتىپ سالۋ، ءتۇيىندى نىساندار سياقتى جاعدايلاردى ۇعىستى.
قورعاس تاس جول وتكەلىنىڭ شەكارادان كىرگەن اۆتوكولىكتەردى تەكسەرۋ – كارانتيندەۋ رايونىندا چين ي – جى قاتارلىلار كەدەندىك تەكسەرۋدەگى سەلبەسۋ جاعدايىن ۇعىسىپ، قورعاس تەكسەرۋ – كارانتيندەۋ مەكەمەسى جاۋاپتىسىنىڭ رادياتسيالىق باقىلاۋ جۇيەسى، نۇكلەيندى ساراپتاۋ اسپابى، حيميالىق ۋدى بارلاۋ اسپابى سياقتىلاردىڭ پايدالانىلۋ جاعدايىن تانىستىرۋدى تىڭدادى ءارى تەكسەرۋ – كارانتيندەۋ قاتىناس قۇرالدارىنىڭ دەزينفەكسيالاۋ جولىن كوزدەن كەشىرىپ، ناقتى قىزمەت بارىسىن ۇعىستى. شەكارادان كىرگەن ساياحاتشىلاردى تەكسەرۋ زالىنداعى ساياحاتشىلاردىڭ تازالىعىن كارانتيندەۋ، تەكسەرۋ رايونىندا تەكسەرۋ – زەرتتەۋ گرۋپپاسىنداعىلار ينفرا قىزىل ساۋلەمەن دەنە تەمپەراتۋراسىن تەكسەرۋ اسپابى ارقىلى دەنە تەمپەراتۋراسىن تەكسەرتىپ، جولاۋشىلار جولىنداعى رادياتسيالىق باقىلاۋ جۇيەسىنىڭ جولاۋشىلاردىڭ رادياتسيالىق ماتەريالدار مەن رادياتسيالىق ولشەمنەن ارتىق بۇيىمداردى العان – الماعاندىعىن باقىلاۋ جاعدايىن ۇعىستى.
ۇعىسۋعا قاراعاندا، 2015 – جىلى قازان ايىندا كەدەن باس مەكەمەسى جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن قولداۋ جونىندە 19 تارماقتى شارا بەلگىلەپ، «وتكەلدەگى باقىلاۋ – باسقارۋ تاراۋلارىنىڭ ءوزارا ينفورماتسيا الماستىرۋ، باقىلاۋ – باسقارۋدا ءوزارا مويىنداۋ، زاڭ اتقارۋدا ءوزارا كومەكتەسۋ» سىندى كەدەندىك قولايلىلىق قۇرىلىسىن بار كۇشپەن ورىستەتىپ، قورعاس وتكەلىن «ءبىرىڭعاي تەرەزەلىك» قۇرىلىستاعى سىناق ءتۇيىن وتكەلى ەتىپ بەلگىلەدى. بيىل قورعاس وتكەلىنىڭ «ءۇش ءوزارا» كەدەندىك قولايلىلىق جاساۋدىڭ نەگىزدىك قۇرىلعىلار قۇرىلىسى جاپپاي ورىندالدى. «ءۇش ءوزارا» كەدەندىك قولايلىلىق جاساۋ رەفورماسىنان بەرى قورعاس تەكسەرۋ – كارانتيندەۋ مەكەمەسى كەدەن، شەكارالىق تەكسەرۋ تاراۋلارىمەن بەلسەنە سايكەسىپ، «ءبىر تەكشەدە» جۇمىس جۇرگىزۋ ۇلگىسىن قالىپتاستىرىپ، ءوزارا ينفورماتسيا الماستىرۋ، باقىلاۋ – باسقارۋدا ءوزارا مويىنداۋ جانە زاڭ اتقارۋدا ءوزارا كومەكتەسۋدى جۇزەگە اسىردى.
قورعاس تاس جول وتكەلىنىڭ شەكارادان كىرگەن اۆتوكولىكتەردى تەكسەرۋ – كارانتيندەۋ جاعدايىن ۇعىسقاننان كەيىن چين ي – جى بىلاي دەپ اتاپ كورسەتتى: قورعاس وتكەلىندە جۇڭگو مەن قازاقستاننىڭ ساياسات اتقارۋدى، تەكسەرۋ – كارانتيندەۋ ولشەمىن بىركەلكىلەندىرىپ، وتكەل ابزالدىعىن ساۋلەلەندىرىپ، ءبىزدىڭ ادىستەرىمىزدى قازاقستان جاقتىڭ كوپتەپ تۇسىنۋىنە جانە قابىلداۋىنا مۇمكىندىك جاراتۋ كەرەك. چين ي – جى قورعاس تەكسەرۋ – كارانتيندەۋ مەكەمەسىنەن جۇڭگو – قازاقستان ەكى ەلدىڭ تەكسەرۋ – كارانتيندەۋ تاراۋلارىنىڭ اۋىس – كۇيىسىن، سەلبەستىگىن كۇشەيتىپ، ءونىمنىڭ ساپا وتكەلىن مىقتى يگەرىپ، ەكى جاقتىڭ جۇقپالى اۋرۋدان، ىندەتتەن ساقتانۋ تەبىنىن ۇزىكسىز كۇشەيتىپ، ەكى ەل ساۋداسىنىڭ اقاۋسىز، جەدەل دامۋىن كۇشەيتىپ، مەملەكەت قاقپاسىنىڭ حاۋىپسىزدىگىن بىرگە قورعاۋدى ءۇمىت ەتتى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
