شي جينپيڭ ازيا - تىنىق مۇحيت سەلبەستىك ۇيىمى مۇشەلەرى باسشىلارىنىڭ 25 - رەتكى بەيرەسمي ماجىلىسىنە قاتىناستى ءارى ماڭىزدى ءسوز سويلەدى
جاعدايعا سايكەس پايدالى باعىت ۇستانىپ، ارەكەتتى تياناق ەتىپ، دۇنيە ءجۇزىنىڭ جاڭا كەزەكتەگى دامىپ، گۇلدەنۋىنە جەتەكشىلىك ەتۋدى دارىپتەدى
2017.11.13 16:03 كەلۋ قاينارى : حالىق تورابى
«حالىق گازەتى»، 11 – قاراشا، ۆەتنامنىڭ داناڭ قالاسى (تىلشىلەر دۋ شاڭزى، جاۋ چىڭ). ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 25 - رەتكى بەيرەسمي ءماجىلىسى 11 - قاراشادا ۆەتنامنىڭ داناڭ قالاسىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «قول ۇستاسىپ، ازيا - تىنىق مۇحيت ءوڭىرىنىڭ ءوزارا ءتيىمدى ىنتىماقتاستىعىنىڭ جاڭا داستانىن جازايىق» دەگەن تاقىرىپتا ماڭىزدى ءسوز سويلەپ، ازيا - تىنىق مۇحيت وڭىرىندەگى ءار جاقتىڭ جاڭالىق اشۋدى قاجىماي ىلگەرىلەتىپ، قاقپا اشۋدى تاباندىلىقپەن كەڭەيتىپ، قامتىمدى دامۋدى بەلسەنە ىسكە اسىرىپ، سەرىكتەستىك قاتىناستىڭ ىشكى ءمانىن ۇزدىكسىز بايىتىپ، دۇنيە ءجۇزىنىڭ جاڭا كەزەكتەگى دامىپ، گۇلدەنۋىنە جەتەكشىلىك ەتۋدى دارىپتەدى.
ءماجىلىس باستالاردان بۇرىن شي جينپيڭ جانە باسقا دا باسشىلار ىلگەرىندى - كەيىندى جەتىپ، ۆەتنامنىڭ مەملەكەت ءتوراعاسى چىن داگۋاڭنىڭ قىزۋ قارسى الۋىنا يە بولدى.
سول جەر ۋاقىتى بويىنشا تۇستەن بۇرىن ساعات 9 دان 45 مينۋت وتە بەرە ءماجىلىس باستالدى. ءماجىلىستى چىن داگۋاڭ باسقاردى. ازيا - تىنىق مۇحيت ەكونوميكالىق سەلبەستىك ۇيىمى مۇشەلەرى باسشىلارىنىڭ وسى رەتكى بەيرەسمي ءماجىلىسىنىڭ نەگىزگى تاقىرىبى «جاڭا قوزعاۋشى كۇش قالىپتاستىرىپ، بىرگە بولىسەتىن بولاشاق قۇرۋ». ماجىلىسكە قاتىناسقان ەكونوميكالىق تۇلعالاردىڭ باسشىلارى «سيفرلى داۋىردەگى جاسامپازدىقپەن ارتۋ، قامتىمدى جانە باياندى كاسىپتەندىرۋ»، «بىرگە بولىسەتىن بولاشاق قۇرۋ» سياقتى كەڭەستىك تاقىرىپتار توڭىرەگىندە ىشكەرىلەي پىكىر الماستىردى.
شي جينپيڭ سوزىندە بىلاي دەپ اتاپ كورسەتتى: 3 جىلدىڭ الدىنداعى وسى كۇنى ءبىز بەيجيڭدە ازيا - تىنىق مۇحيت ءوڭىرىنىڭ ۇلى جوسپارىن اقىلداسقان ەدىك. 3 جىلدان بەرى دۇنيە ءجۇزى ەكونوميكاسى بىرتىندەپ جاقسارىپ، ءارقايسى جاقتىڭ سەنىمى نىعايىپ كەلەدى. ءبىز دۇنيە ءجۇزى ەكونوميكاسىندا ورىن تەۋىپ وتىرعان قات - قابات كەلەلى وزگەرىستەردى تاني بىلۋگە ءتيىسپىز. ازيا - تىنىق مۇحيت وڭىرىندەگى ءار جاق جاعدايعا سايكەس پايدالى باعىت ۇستانىپ، ارەكەتتى تياناق ەتىپ، دۇنيە ءجۇزىنىڭ جاڭا كەزەكتەگى دامىپ، گۇلدەنۋىنە جەتەكشىلىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
