سۋ ىشكەندە قۇدىق قازۋشىنى ۇمىتپاي، پارتياعا مىزعىماي ىلەسەمىن
يوپۇرعا اۋدانى سيەك اۋىلى بولىمە قىستاعىنىڭ تۇرعىنى ياسىن وبۇل
2017.11.15 14:05 كەلۋ قاينارى : شينجياڭ گازەتى
مەنىڭ اتىم ياسىن وبۇل، يوپۇرعا اۋدانى سيەك اۋىلى بولىمە قىستاعىنىڭ تۇرعىنىمىن. 2012 - جىلى جۇندۇڭ ەكونوميكالىق، تەحنيكالىق اشۋ رايونىنداعى ءبىر كاسىپورىنعا قىزمەتكە ورنالاستىم. قازىر وسى كاسىپورىننىڭ كۇيدىرگىش ءسىلتى ءبولىمى ەلەكتروليز جۇمىس بۋىنى تۇزدى سۋ جۇمىس ورنى ءوندىرىس گرۋپپاسىنىڭ باستىعىمىن. پارتيا 19 - قۇرىلتايىندا «ءبىز جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭىنە وتتىك» دەلىندى. بۇل شينجياڭداعى ءار ۇلت بۇقاراسى ەرەكشە اڭساعان قۋانىشتى حابار ەدى.
اۋىلىم يوپۇرعا اۋدانىندا، اكە - شەشەمنىڭ جاسى 80نەن استى. پارتيا مەن ۇكىمەتتىڭ كەدەيلىكتەن دالمە - ءدال قۇتىلدىرۋ ابزال ساياساتىنىڭ ارقاسىندا قازىر جۇمىسقا ورنالاسىپ، ايىنا 5000 يۋاننان استام ەڭبەكاقى الىپ جاتىرمىن. وسى بىرنەشە جىلدا تاپقان كىرىسىممەن ۇيىمدەگىلەرگە جاڭا ءۇي سالىپ بەرىپ، ولارعا جانعا جايلى تۇرمىس ورتاسىن ازىرلەۋمەن بىرگە، ۋنيۆەرسيتەتتە وقىپ جاتقان قارىنداسىمنىڭ وقۋ قاراجاتى مەن تۇرمىس قاراجاتىن دا تولەپ، ۇيدەگىلەردىڭ قىسىمىن جەڭىلدەتتىم، اكە - شەشەم بۇعان توتەنشە ريزا. قىزمەتىمە توتەنشە سۇيىنگەن تۋىستارىم دا مەن قىزمەت ىستەگەن ورىندا جۇمىس ىستەگىلەرى كەلەتىنىن ايتادى.
ورتا مەكتەپكە شىققان كەزدە، ۇيىمدەگىلەردىڭ مەنىڭ وقۋ قاراجاتىم مەن تۇرمىس قاراجاتىمدى تولەۋگە دارمەنى جەتپەي، شاراسىزدان وقۋدان قول ۇزبەكشى بولعانىمدا ۇكىمەت وقۋ قاراجاتىمدى كەشىرىم ەتۋمەن بىرگە، ماعان تۇرمىس قاراجاتىن بەردى. مۇنداي ابزال ساياساتتى ماڭگى ۇمىتپايمىن، پارتيا مەن مەملەكەتتىڭ ءبىز ءار ۇلت بۇقاراسىنا دەگەن قامقورلىعىنا شىن جۇرەكتەن العىس ايتامىن ءارى «مەملەكەتكە جارامدى ادام بولامىن» دەپ سەرت بەرىپ كەلەمىن.
ورتا مەكتەپتى تاۋىسقاننان كەيىن مەملەكەتتىڭ ابزال ساياساتىنان تاعى دا يگىلىكتەنىپ، ءۇرىمجى حيميا ونەركاسىپ ينستيتۋتىنا تەگىن وقۋعا ءتۇسىپ، حيميا ونەركاسىبىنە قاتىستى كاسىپتىك بىلىمدەردى ۇيرەندىم. مەكتەپ بىتىرۋگە تاياعان كەزدە جۇندۇڭ اشۋ رايونىنداعى كاسىپورىندار مەكتەبىمىزگە قىزمەتكەر قابىلداۋعا كەلدى. مەن تيتتەي دە ءارى - ءسارى بولماستان تىزىمدەلىپ، جۇندۇڭ ونەركاسىپ باقشاسىنا كەلدىم. بۇل ارا ۇيىمنەن شالعايدا، ۇيگە قايتۋ ورايى از بولعاندىعى سەبەپتى اكە - شەشەم مەنىڭ بۇل اراداعى قىزمەتىم مەن تۇرمىسىمنان الاڭداعان ەدى. مەن ول كىسىلەرگە «مەكەمە ورنىندا جاعدايىمنىڭ جاقسى ەكەندىگىن، سەرىكتەستىك باسشىلارىنىڭ قىزمەتىمدى تۇراقتاندىرىپ، ماعان سەنىم ارتقاندىعىن، قىزمەتتەستەرىمەن دە تاتۋ - ءتاتتى وتىپ كەلە جاتقانىمدى» ايتتىم. مەن جىل سايىن تاعى سەرىكتەستىك تاراتقان كەدەيلەرگە مەيىر باعىشتاۋ كومەك قاراجاتىن دا الىپ كەلەمىن. سەرىكتەستىكتىڭ باسشىلارى اپتا سايىن جاتاقتارعا كەلىپ، از ۇلت جۇمىسشى - قىزمەتشىلەرىنەن حال سۇراپ، تۇرمىس جانە قىزمەت جاعدايىمىزدى ۇعىسىپ، ءبىزدى بەلسەنە ۇيرەنۋگە ىنتالاندىرادى. مەن دە سەرىكتەستىك باسشىلارىنىڭ ءۇمىتىن جەردە قالدىرماي، وزدىگىمنەن ۇيرەنۋ ارقىلى شينجياڭ ۋنيۆەرسيتەتى زاڭ فاكۋلتەتىنىڭ جوعارى تەحنيكۋم ءبىتىرۋ كۋالىگىن الدىم.
بىرنەشە كۇننىڭ الدىندا اعام قۋانا ماعان تەلەفون شالىپ، باس شۋجي شي جينپيڭنىڭ پارتيا 19 - قۇرىلتايىنا جاساعان بايانداماسىن تىڭداعاننان كەيىن توتەنشە تەبىرەنگەنىن، اسىرەسە، ءوزىنىڭ جۇڭگولىق بولعانىن ماقتانىش ەتەتىنىن ايتتى. ونىڭ سالعان ۇيىنە مەملەكەت كومەك قاراجات بەردى، بيىل ۇيدەگىلەر تراكتور ساتىپ العاندا مەملەكەت 15 مىڭ يۋان جاردەماقى بەردى. قازىر قىستاعىمىزدا اۋىل - قىستاقتارداعى سەلبەسىپ ەمدەۋ ءتۇزىمى جاپپاي ورناپ، جۇرتتىڭ اۋرۋ كورسەتۋى، ەمدەلۋى قامتاماسىز ەتىلدى. جانىمداعى جۇرتقا قاناعات قىلۋدى، العىس ايتا ءبىلۋدى، باقىتتى تۇرمىسىمىزدى قاستەرلەپ، ورنىقتى جاعدايدى قورعاۋدى ايتىپ كەلەمىن. شينجياڭدا ورنىقتىلىق بولماسا دامۋدىڭ تاماشا ورتاسى بولمايدى، ءار ۇلت بۇقاراسى دا الاڭسىز تىرشىلىك ەتە المايدى. شي جينپيڭ جولداستى ۇيتقى ەتكەن پارتيا ورتالىق كوميتەتىمەن ءبىر اۋىزدىلىقتى ساقتاپ، شينجياڭنىڭ قوعام ورنىقتىلىعى مەن باياندى تىنىشتىعىن باتىل قورعاپ، تانىمدا كۇڭگىرت بولماي، پوزيتسيام ايقىن، ۇستانىمىم بەرىك، ارەكەتىم باتىل بولىپ، «ءۇش ءتۇرلى كۇشپەن» جانە «ەكىبەتكەيلەرمەن» شەكارامدى ايىرىپ، ۇلتتار ىنتىماعىن، قوعام ورنىقتىلىعىن بۇلدىرەتىن ارەكەتتەرمەن باتىل كۇرەس جۇرگىزىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تيەسىلى ۇلەس قوسامىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
