نازاردى باس نىساناعا شوعىرلاندىرىپ، جوعارى ساپالى كادرلار قوسىنىن قۇرامىز
− باس شۋجي شي جينپيڭنىڭ ۇيىمداستىرۋ قىزمەتى جونىندەگى مەملەكەتتىك ماجىلىستە سويلەگەن ماڭىزدى ءسوزى رايونىمىزدا كۇشتى اڭىس قوزعادى
2018.07.09 15:53 كەلۋ قاينارى : شينجياڭ گازەتى
باس شۋجي شي جينپيڭ ۇيىمداستىرۋ قىزمەتى جونىندەگى مەملەكەتتىك ماجىلىستە سويلەگەن ماڭىزدى سوزىندە «پارتيا مەن مەملەكەت ىستەرى دامۋىنىڭ ۇزاق بولاشاعىن ويلاستىرىپ، جاڭا ءداۋىر جۇڭگوشا سوتسياليزم يدەياسىن ادالدىقپەن دايەكتىلەندىرەتىن، جاڭا داۋىردەگى جاقسى كادر ولشەمىنە ساي كەلەتىن، ادال، كىرشىكسىز، جاۋاپكەرشىلىك ارقالايتىن، سانى جەتكىلىكتى، ومىرشەڭدىگى قاۋلاعان، جوعارى ساپالى ماماندانعان جاس كادرلار قوسىنىن قۇرۋ كەرەك» دەپ العا قويدى ءارى ۇزدىك جاس كادرلاردىڭ ولشەمى جانە ولاردى تاڭداپ ءوسىرۋ جاعىندا ايقىن تالاپتار قويدى، بۇل رايونىمىزداعى قالىڭ پارتيا مۇشەلەرى، كادرلار اراسىندا كۇشتى اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ولشەم ەتىپ، نازاردى باس نىساناعا شوعىرلاندىرىپ، باس نىساناعا قىزمەت ەتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇرىپ، شينجياڭنىڭ قوعام ورنىقتىلىعى مەن باياندى تىنىشتىعىن دارىندىلارمەن مىقتاپ قامتاماسىز ەتەمىز.
دارىندىلاردى دامىتۋ ءتۇزىلىس - مەحانيزمى رەفورماسىن جەدەل ىلگەرىلەتەمىز
باس شۋجي شي جينپيڭ «دارىندىلاردى باۋلۋ مەحانيزمىن كەمەلدەندىرىپ، دارىندىلاردى باعالاۋ مەحانيزمىن جاقسارتىپ، دارىندىلاردىڭ اۋىسۋ مەحانيزمىندە جاڭالىق اشىپ، دارىندىلاردى ىنتالاندىرۋ مەحانيزمىن اقاۋسىزداندىرۋ، كەمەلدەندىرۋ كەرەك» دەپ باسا دارىپتەدى.
«باس شۋجيدىڭ ماڭىزدى ءسوزى كادرلار قىزمەتى، دارىندىلار ءتۇزىمى رەفورماسىن تەرەڭدەتۋگە، دارىندىلار قوسىنى قۇرىلىسىن كۇشەيتۋگە ءتۇبىرلى ولشەم ازىرلەدى»، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك - تەحنيكالىق قىزمەتكەرلەردى باسقارۋ باسقارماسىنىڭ باستىعى جاڭ جينچي. ول باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، جەتە يگەرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، دارىندىلار جاعىنداعى قۋاتتى رايون ستراتەگياسىن اتقارۋ كەرەك، ءبىر جاعىنان، دارىندىلاردى باعالاۋ، ىنتالاندىرۋ ءتۇزىلىسى رەفورماسىن تەرەڭدەتىپ، اۆتونوميالى رايوننىڭ كاسىپتىك - تەحنيكالىق اتاق باعالاۋ ءتۇزىمى رەفورماسىن ىشكەرىلەي تەرەڭدەتۋ جونىندەگى تالاپتارى بويىنشا كاسىپتىك - تەحنيكالىق اتاق باعالاۋ ءتۇزىمى رەفورماسىنىڭ اياق الىسىن جەدەلدەتىپ، دارىندىلاردى باعالاۋ ءتۇزىلىسى رەفورماسىن تۇرگە ءبولىپ ىلگەرىلەتۋ كەرەك؛ ەندى ءبىر جاعىنان، كەلەلى دارىندىلار ينجەنەريا نىسانى جوسپارىن ىشكەرىلەي اتقارىپ، تيانشان دارىندىلارى جوسپارى، از ۇلت عىلىم - تەحنيكا تىرەكتىلەرىن ەرەكشە باۋلۋ قىزمەتى، جوعارى دەڭگەيلى دارىندىلاردى ەنگىزۋ سياقتى ءتۇيىندى دارىندى ينجەنەريالارىن ۇزدىكسىز اتقارىپ، جوعارى دەڭگەيلى دارىندىلار مەن جوعارى تەحنيكالىق شەبەرلىككە يە دارىندىلاردى ءتۇيىن ەتكەن دارىندى قوسىنى قۇرىلىسىن ىلگەرىلەتۋ كەرەك، - دەدى.
ىلە قازاق اۆتونوميالى وبلىستىق پارتكوم ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى جياۋ شياۋفان بىلاي دەدى: ءسوزسىز، ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن مۇقيات دايەكتىلەندىرىپ، باس شۋجيدىڭ تالابى بويىنشا دارىندىلاردى دامىتۋ ءتۇزىلىس - مەحانيزمى رەفورماسىن جەدەل ىلگەرىلەتىپ، نىسانانى نىشان ەتۋدەن، ماسەلەنى نىشان ەتۋدەن جازباي، عىلمي شارا قولدانىپ، دارىندىلار ءتۇزىمى رەفورماسىنىڭ كەشەندى شارالارىن ويداعىداي جۇرگىزىپ، جاڭا داۋىردەگى جوعارى ساپالى ماماندانعان جاس كادرلار قوسىنىن بار كۇشپەن تۇلعالايمىز. مۇنان سىرت، ىلە وبلىسى «ىلە دارىندىلارى» دارىندى ەنگىزۋ جوسپارىن ءۇرتىس اتقارىپ، جوعارى دەڭگەيلى دارىندىلار، ماماندانعان دارىندىلار جەتىسپەۋدەي قامداۋ - قاجەتسىنۋ قايشىلىعىن باسەڭدەتەدى؛ ىشكە ەنگىزۋ، سىرتقا شىعارۋ سياقتى كوپ ءتۇرلى فورمالار ارقىلى قازىر قولدا بار دارىندىلاردىڭ تانىمىن جاڭالاۋدى، قابىلەتىن جوعارىلاتۋدى مىقتاپ يگەرىپ، ساتىسى ۇيلەسىمدى، ساپاسى تاماشا كادرلار قوسىنىن كۇش سالا جەتىلدىرەدى.
جاڭا داۋىردەگى جاس كادرلاردىڭ جاۋاپكەرشىلىگى مەن بورىشىن ايگىلەيمىز
باس شۋجي شي جينپيڭ «ۇزدىك جاس كادرلار، ءسوز جوق، پارتياعا ادال بولۋى، جۇڭگوشا سوتسياليزم جولىمەن جۇرۋگە تاباندى بولۋى، مىزعىماستان پارتيانىڭ سوزىنە قۇلاق اسۋى، پارتياعا ىلەسۋى كەرەك. ۇزدىك جاس كادرلاردا ءىزباسار بولۋعا جەتەرلىك قابىلەت بولۋى، ۇيرەنۋدى كۇشەيتىپ، تاجىريبە جيناقتاۋى، قابىلەت - قارىمىن ارتتىرۋى، سانالى تۇردە امالياتتان ۇيرەنىپ، حالىقتى ۇستاز تۇتۋى كەرەك» دەپ باسا دارىپتەدى.
باس شۋجيدىڭ جاڭا داۋىردەگى جاس كادرلارعا دەگەن ىقىلاستى تاپسىرماسى قالىڭ جاس كادرلاردى بارىنشا ىنتالاندىردى، سونىمەن بىرگە، ولار ارقالاعان مىندەتتەرىنىڭ اۋىر ەكەنىن دە تەرەڭ سەزىندى.
ءۇرىمجى قالاسى شۇيموگوۋ رايونى لۇڭشىڭ كوشەسى ءمالى باسقارماسى كاڭنيڭ الەۋمەتتىك اۋماعى پارتيا باس ياچەيكاسىنىڭ شۋجيى ياڭ كىتاۋ بىلاي دەدى: جاس كادر رەتىندە، مەن پارتيا ۇيىمىنىڭ قامقورلىعى مەن باۋلۋىندا ەسەيگەنمىن. ول مىنالاردى ءبىلدىردى: جاس كادرلار نەگىزگى ساتىعا تامىر تارتىپ، قىزمەتتى ورنىقتىلىقپەن ىستەپ، جۇمىسقا الاڭسىز بەرىلە كىرىسۋ كەرەك. جاۋاپكەرشىلىك ارقالاۋعا باتىل بولىپ، شىنشىل ادام بولۋدى، شىن سويلەۋدى، شىنايى ىستەۋدى ءومىر سەنىمى ەتىپ، تۇرلىشە قىزمەت ورنىندا، تۇرلىشە ورتادا ءوزىن شىڭداپ، قابىلەتىن جوعارىلاتىپ، جاڭا داۋىردەگى ساپاسى جوعارى، قابىلەتى كۇشتى ۇزدىك كادر بولۋعا قۇلشىنۋ كەرەك.
«پارتياعا ادال بولۋ، اۋەلگى ماقساتتى ۇمىتپاۋ − جاڭا ءداۋىردىڭ قالىڭ جاس كادرلارعا جۇكتەگەن اۋىر مىندەتى»، - دەدى ءۇرىمجى قالالىق ونەركاسىپ - ساۋدا اكىمشىلىك باسقارۋ مەكەمەسى كاسىپورىنداردى تىركەۋگە الدىرۋ باسقارماسىنىڭ (اكىمشىلىك تەكسەرىپ بەكىتۋ باسقارماسى) باستىعى جياڭ جينكۇن، ول: جاڭا داۋىردەگى جاس كادر رەتىندە، ءبىزدىڭ جۇگىمىز اناعۇرلىم اۋىر، جاۋاپكەرشىلىگىمىز اناعۇرلىم ناقتى. قازىر كوپتەگەن جاڭا ىستەر جاس كادرلاردىڭ ۇيرەنۋىن، ىزدەنىس جاساۋىن، امالياتتا ايگىلەۋىن قاجەت ەتىپ وتىر، كوپتەگەن جاڭا ماسەلەلەر ءبىزدىڭ ىشكەرىلەي ىزدەنىس جاساۋىمىزدى، شەشۋىمىزدى قاجەت ەتەدى. مەن ۇيرەنۋ مەن قىزمەت امالياتىن تىعىز ۇشتاستىرۋعا قۇلشىنىپ، جوعارى ساپالى پارتيالى كادر بولىپ، ونەركاسىپ - ساۋدا اكىمشىلىك باسقارۋ سالاسىنداعى جاس كادرلاردىڭ ارىنى مەن جاۋاپكەرشىلىك ارقالاۋىن ايگىلەيمىن، - دەدى.
جاس كادرلارعا جەتىلۋ تەكشەسىن ازىرلەيىك
باس شۋجي شي جينپيڭ مىنانى باسا دارىپتەدى: باۋلۋ بولاشاعى بار تاڭداۋلى جاس كادرلاردى ءبىر سارىندىلىقتان اۋلاق بولىپ، جۇرەكتىلىكپەن ىستەتۋ كەرەك. ءار دارەجەلى پارتكومدار جاس كادرلاردىڭ اقاۋسىز جەتىلۋىنە كوڭىل ءبولۋدى بۇلتارتپاس ساياسي جاۋاپكەرشىلىك رەتىندە قاراپ، ۇزاق بولاشاقتىق جوسپار جاساۋدى كۇشەيتىپ، قىزمەت جاۋاپكەرشىلىگى ءتۇزىمىن كەمەلدەندىرىپ، تاڭداۋلى جاس كادرلاردى دەر كەزىندە بايقاۋى، باۋلۋى، ىستەتۋى كەرەك.
ىلە پەداگوگيكا شۋەيۋانى پارتكومىنىڭ شۋجيى نۇرجۇما جاقاي ۇلى بىلاي دەدى: «باس شۋجي شي جينپيڭنىڭ ءسوزى ءبىزدىڭ كادرلاردى باۋلۋ، تاڭداپ ءوسىرۋ، باسقارۋ، ىستەتۋ قىزمەتىن ويداعىداي ىستەۋىمىزگە ايقىن باعدار كورسەتتى». ول: شۋەيۋانىمىز ءمورال ارقىلى ادام تاربيەلەۋدەي ءتۇبىرلى مىندەتتى مىقتاپ تياناقتاندىرىپ، كادرلاردى باۋلۋ، تاڭداپ ءوسىرۋ، باسقارۋ، ىستەتۋ قىزمەتىن جاپپاي ويداعىداي جۇرگىزىپ، جاس كادرلارعا جەتىلۋ تەكشەسىن ورناتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇرىپ، باتىلدىقپەن وي جۇگىرتۋدى، باتىلدىقپەن ىستەۋدى، باتىلدىقپەن جاۋاپكەرشىلىك ارقالاۋدى ءداۋىردىڭ اسقاق ءۇنى ەتىپ، بولات توپشىلى، قايسار دا ىسكەر كادرلاردىڭ تولاسسىز جارىققا شىعۋىنا مۇمكىندىك جاراتىپ، شينجياڭنىڭ قوعام ورنىقتىلىعى مەن باياندى تىنىشتىعىنا تاڭداۋلى دارىندى، اقىل - پاراسات جانە شەپ جاقتان تىرەك ازىرلەيمىز، - دەدى.
اقسۋ ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى حۋاڭ شينمين بىلاي دەدى: اقسۋ ايماعىنداعى ۇيىمداستىرۋ تاراۋلارى ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن مۇقيات ۇيرەنىپ، جاڭا داۋىردەگى پارتيا ۇيىمىنىڭ لۋشيانىن باتىل دايەكتىلەندىرەدى ءارى ۇيىمداستىرۋ قىزمەتىنىڭ بارلىق بۋىندارىمەن ساباقتاستىرادى. باستان - اياق ماسەلەنى نىشان ەتۋدەن جازباي، قىزمەت وي جەلىسىن كەمەلدەندىرۋگە تىنباي ىزدەنىس جاساپ، كادرلاردى تاڭداپ ءوسىرۋ - جەتىلدىرۋ، كادرلارعا كوڭىل ءبولۋ - ايالاۋداي ءبىرسىپىرا ءتۇزىم، شارالاردى ونان ارى ناقتىلاندىرىپ، ءار دارەجەلى كادر دارىندىلاردى «قاتاڭ باسقارۋدىڭ» ءوزى «ايالاۋ» دەگەنگە تاباندى بولىپ، نەگىزگى ساتىنىڭ ءبىرىنشى شەبىنەن ادام تاڭداۋ، ادام ىستەتۋ بەتالىسىن بەرىك ورناتىپ، كادر دارىندىلاردىڭ تاۋەلدىلىك سەزىمى مەن ۇيىسۋ قۋاتىن كۇشەيتىپ، كادر دارىندىلاردىڭ شارۋاشىلىق قۇرۋ ىنتاسىن كۇشەيتىپ، ادال، سەنىمدى، باتىلدىقپەن جاۋاپكەرشىلىك ارقالايتىن جوعارى ساپالى كادرلاردى تاربيەلەۋ كەرەك.
(تىلشىلەرىمىز جاۋ شييا، لي چۇنشيا، گاۋۋا، ليۋ جيڭ، ۋاڭ دۇڭ، ىلە تىلشىلەر پۋنكتىنەن شى شۋەحۇڭ، اقسۋ تىلشىلەر پۋنكتىنەن ليۋ حۇڭۋىن)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
