قىل قالاممەن «بالداي ءتاتتى كاسىپتى» كەسكىندەگەن شۋە جيانحۋا
ماقالاسىن جازعان ەرىكتى ءتىلشى ما ي - ران
2018.07.17 16:30 كەلۋ قاينارى : شينجياڭ گازەتى
قۇمىلدا قۇمىل قاۋىنى تىلگە الىنسا بولعانى، كوپ ادامنىڭ ويىنا شۋە جيانحۋا ورالادى. ول سان جىلدى ءبىر كۇندەي وتكىزىپ، قىل قالاممەن كوركى كوز جاۋىن الاتىن ءتۇرلى - تۇستەگى قۇمىل قاۋىنىنىڭ سۋرەتىن سالىپ، كورگەننىڭ تاڭدايىن قاقتىردى.
7 - ايدىڭ 8 - كۇنى ءتىلشى شۋە جيانحۋامەن العاش رەت ءديدارلاستى. ونىڭ بار زەيىنىن شوعىرلاندىرىپ سۋرەت سالعان، بار ىنتا - پەيىلىمەن قۇمىل قاۋىنى الەمىنە ەلىتكەن بەينەسى ماڭايىنداعىنىڭ ءبارىن ۇمىتىپ كەتكەن سياقتانادى ەكەن.
قۇمىلدا تۋىپ - وسكەن شۋە جيانحۋا كىشكەنتايىنان سۋرەت سىزۋعا قۇمار. قىزمەتكە قاتىناسقاننان كەيىن، ونىڭ سۋرەت سىزۋعا دەگەن قۇشتارلىعى باستان - اياق وزگەرمەپتى. 2011 - جىلدىڭ ءبىر كۇنى ءبىر دوسى وعان «دەن قويا ىشكەرىلەي ىزدەنىپ قۇمىل قاۋىنىن سىزىپ، قىل قالامىڭ ارقىلى قۇمىل قاۋىنىن سىرتقا ۇگىتتەمەيسىڭ بە» دەپ كەڭەس بەرەدى. ءبىر اۋىز ءسوز ۇيقىدان وياتقانداي بولعان شۋە جيانحۋا قۇمىل قاۋىنىن سىزۋعا كىرىسىپ كەتەدى.
قۇمىل قاۋىنىن ويىنداعىداي سىزۋ ءۇشىن، باستابىندا شۋە جيانحۋا ءوزى ساتىپ اكەلگەن قۇمىل قاۋىنىن تاپتىشتەي سىزادى، سىزا، سىزا توقتاعان شۋە جيانحۋا سىرتتاي بولجاپ سىزۋعا بولمايتىنىن، ءسوزسىز، قاۋىندىققا بارىپ، قۇمىل قاۋىنىنىڭ جولاقتارى قانداي بولاتىندىعىن، قاۋىن ساباعى قالاي وسەتىندىگىن ءوز كوزىمەن كورۋى كەرەك ەكەندىگىن سەزىنەدى.
قۇمىل جازدا شىلىڭگىر ىستىق بولادى، قاۋىندىقتىڭ ىستىعى «باتىسقا ساپار ەستەلىگىندەگى» «ماڭگى ولمەستىڭ ءدارىسىن جاسايتىن پەشتىڭ» قىزۋىنان قالىسپايدى. قۇمىل قاۋىنىن ىجداعاتتاپ باقىلاۋ ءۇشىن، شۋە جيانحۋا ءار كۇنى تاڭ اتپاستان قاۋىندىققا بارىپ، قاۋىننىڭ كوگەنىنە ءۇڭىلىپ، ءبىر تال جاپىراق، بيتتەي بۇرشىك، ءبىر بۇتاق، ءبىر ساباعىنا دەيىن مۇقيات زەر سالا باقىلايدى؛ مي قايناعان تۇسكى ىستىقتا ءشي قالپاعىن كيىپ العان شۋە جيانحۋا قارا تەرگە مالشىنادى. قاۋىندىقتا قۇنتتاي باقىلاپ، ۇيگە قايتقان سوڭ سىزۋعا وتىرادى، ول ءتىپتى تۇسىندە دە قۇمىل قاۋىنىن سىزىپ جاتقانىن كورەدى ەكەن.
«كوپتەگەن شابىت تۇسىمنەن كەلدى دە، ويانعاننان كەيىن دەرەۋ سىزۋعا كىرىسەتىنمىن»، - دەيدى شۋە جيانحۋا وتكەندى ەسكە الا.
شۋە جيانحۋا قاۋىن ەگەتىن ءبىرسىپىرا ديقانمەن دە تانىسىپ، ولاردان تۇرلىشە سورتتاعى قۇمىل قاۋىنىنىڭ ەرەكشەلىگىن سۇراپ ۇعىستى. قۇمىل قاۋىنى شۋە جيانحۋانىڭ جۇرەگىنىڭ تۇكپىرىنە الدەقاشان ورناعان.
ەڭبەگىڭ قاتتى بولسا، تاتقانىڭ ءتاتتى بولار. ۇزبەي زەرتتەۋ جۇرگىزۋ جانە سىناق ەتۋ ارقىلى شۋە جيانحۋا «شۋە جيانحۋا جۇڭگوشا سۋرەت قۇمىل قاۋىنى سۋرەتىن بەدەرلەۋ ءادىسىن» جاراتتى. بۇل سىزۋ ءادىسىنىڭ رەڭى اشىق، جارىعى مەن كولەڭكەسى جاندى، ادامعا بارىنشا شىنايى اسەر بەرەدى. 2016 - جىلى 9 - ايدىڭ 16 - كۇنى وسى سىزۋ ءادىسى مەملەكەتتىك ءبىلىم مەنشىگى ۇقىعى مەكەمەسىنىڭ ومىرلىك باسپا ۇقىعى پاتەنتىنە يە بولدى. سول جىلى 10 - ايدا ونىڭ قۇمىل قاۋىنى تۋىندىسى مەملەكەتتىك ءبىلىم مەنشىگى مەكەمەسىنىڭ جۇڭگو مادەنيەت، كوركەمونەر «حيكىمەتتى قاۋىن» ايگىلى ماركاسىنا يە بولدى.
شۋە جيانحۋا: بيىل 5 - ايدا 14 - كەزەكتى جۇڭگو (شىنجىن) حالىقارالىق مادەنيەت كاسىبى كورمە جارمەڭكەسىنە قاتىناستىم. كوپتەگەن حاتكەرلىك - سۋرەت اۋەسكەرلەرى قۇمىل قاۋىنى تۋىندىلارىمدى توتەنشە ۇناتتى. ءتىپتى دە قۋانارلىعى، كوپتەگەن ادام سۋرەت ارقىلى قۇمىلدى، قۇمىل قاۋىنىن ۇناتىپ، قۇمىل قاۋىنى ساۋداسى دا كۇسەت بولدى، - دەيدى. «ءار كۇنى 10 نەشە ساعات سۋرەت سىزامىن. ارەدىكتە الەۋمەتتىك اۋماقتاعى حاتكەرلىك - سۋرەت اۋەسكەرلەرىنە قۇمىل قاۋىنىن سىزۋدى ۇيرەتەمىن. اناعۇرلىم كوپ ادامنىڭ قۇمىل قاۋىنىنىڭ اڭقىعان ءيىسى مەن بالداي ءتاتتى دامىنەن ءلاززات الۋىنا مۇمكىندىك جاسايمىن»، - دەيدى شۋە جيانحۋا تولىق سەنىممەن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
