نەمەرە باققان قارتتارىمىزدى ايالايىق (حالىق تۇرمىسىنا نازار)
شاڭ ياڭ
2018.07.17 13:56 كەلۋ قاينارى : حالىق تورابى
بالا – شاعامەن بىرگە قالاعا قونىستانعان قارتتاردىڭ جۇگىن جەڭىلدەتىپ، ولاردى ۋايىمنان ارىلتۋدىڭ امالىن ويلاستىرۋىمىز كەرەك
ءبىر بالالى ەرلى – زايىپتىلار قىزمەتكە كەتسە، بالالارىنا كىم قارايدى؟ بارلىق وتباسىدا كۇتۋشى جالدايتىنداي شارت – جاعداي جوق. كەيبىر وتباسىلاردا ەكى بالا بار، ولار قايتۋ كەرەك؟ ادەتتە ەڭ كوپ كەزدەسەتىن شەشۋ امالى اتاسى مەن اپاسىنا، ناعاشى اتاسى مەن ناعاشى اپاسىنا تاپسىرۋ بولىپ قالدى، ۇلكەندەر قۋانا – قۋانا اۋىلدان قالاعا كەلەدى.
قارتتار بۇعان ريزا ما؟ كىم ريزا بولماسىن؟! نەمەرە ىستىق دەگەن ەمەس پە، قارتتاردىڭ ءبارى ءوز اۋلەتتەرىنىڭ جالعاسى بولعان توپ – تومپاق ءسابيدى جانىنداي جاقسى كورەدى. ۇلى مەن قىزىن پەرزەنت كورۋگە قۋزاپ، نەمەرەسىن جانىنان تاستاماي، قاتتى قۋانادى.
تاعى ءبىر سۇراق: بالا باعۋ شارشاتا ما؟ تالاي قارتتار بۇعان باس يزەيدى: شىنىندا دا، وڭاي ەمەس.
ەڭ الدىمەن، ادامنىڭ جاسى ۇلعايعان سايىن، قايراتى قايتا باستايدى، وعان توقتاۋ جوق. دەنەنىڭ شارشاعانى دەگەن نە ءتايىرى، شارشاعانمەن دە كوڭىلدى بولسا بولدى - عوي، باستى ماسەلە، كەيدە ادام كوڭىل – كۇي جاقتا شارشايدى. مىسالعا ايتساق، بالا باعۋ كوزقاراسى جاستارمەن ۇقسامايدى. بالانى قالىڭ كيىندىرۋ كەرەك پە، جۇقا كيىندىرۋ كەرەك پە، بالانى تويدىرا تاماقتاندىرۋ كەرەك پە، تۇلكى قۇرساق ۇستاۋ كەرەك پە، بالا قىزسا ىستىق سۋ بەرۋ كەرەك پە، سۋىق سۋ بەرۋ كەرەك پە ... قارتتار ءوز تاجىريبەسى بويىنشا ابىگەر بولسا، جۇمىستان تۇسكەن جاستار رەنىش بىلدىرەدى، شارشاپ شالدىققانى بەكەرگە كەتەدى. مۇنداي جاعدايدا ولار ازداپ كوڭىلسىزدەنىپ قالادى. «مەنىڭ امالىم عىلمي بولماسا، سەندەردى قايتىپ ەرجەتكىزدىم» دەگەن ويدا بولادى.
مۇنان سىرت، قارتايعاندا وزگە ورتاعا كەلگەن سوڭ، عۇمىرىنىڭ كوبىن بىرگە وتكىزگەن كونە كوز دوستارى، ارالاساتىن ادامدارى اۋىلدا قالادى. جەر جاڭا، تانىس – ءبىلىس جوق، اڭگىمە ايتىپ، سىرلاسۋدىڭ ءوزى مۇڭ بولادى. ادام بولعان سوڭ، كۇندە نەمەرەسىن باعىپ، ءتورت قابىرعاعا قاراپ وتىرمايدى – عوي. مۇنىڭ ءوزى ءبىر ۋايىم. سىرت جەردە ەمدەلۋ اقىسىن ەسەپتەن كوتەرۋ، زەينەتكەرلىك قاراجاتىن الۋ سىندى تۇرمىستىق قامتاماسىزداندىرۋعا ساياتىن ىستەر دە، كەيدە ادامنىڭ مازاسىن كەتىرەدى.
بالالارى قارتتاردى ءتۇسىنۋى كەرەك. قىزمەتتەن كەلگەن سوڭ، قولدى ءبىر سىلتەپ، قوجايىن سياقتى جاتىپ الماي، قارتتارعا تىنىستايتىن وراي بەرۋ كەرەك. بالا تاربيەسىندە كوزقاراسى ۇقساماعان كەزدە سىڭار ەزۋلىككە باسپاۋ كەرەك. كوزقاراس جاعىنداعى كوپتەگەن قايشىلىقتار، شىنتۋايتىندا، ۇناتۋ جاعىنداعى قايشىلىق قانا بولىپ، بەينە سەن قىزىلدى، ول جاسىلدى ۇناتۋى سياقتى ىستەر، ەشكىمدىكى قاتە ەمەس، مۇنىڭ العاباسار نەمەسە كەرى كەتكەن دەپ بولەتىن ەشتەڭەسى جوق. شىنىندا دا عىلمي بولماسا، جاقسىلاپ اڭگىمەلەسۋ كەرەك، الايا قاراۋدىڭ قاجەتى جوق.
الەۋمەتتىك رايون باسقارۋشىلارى كوبىرەك ويلانىپ، قيمىل ۇيىمداستىرىپ، قارتتاردىڭ جاڭا ورتادا ءوز زامانداستارىن تابۋىنا كومەكتەسۋى، قارتتاردىڭ كەلگەن جەرىنە ۇيلەسۋىنە جاعداي جاراتۋى كەرەك. كەيبىر تۇرعىندار كوميتەتى « قارت اپەكەلى – سىڭىلىلەر ەرىكتى اترەتىن» ۇيىمداستىرىپ، ادەتتە بىرگە اڭگىمەلەسىپ، ۇنەمى سىرتقا شىعىپ سۋلياۋ قوقسىقتاردى تەرۋ سىندى الەۋمەتتىك يگىلىك قيمىلدارىن وتكىزسە، بۇعان قاتىناسقان قارتتار دا كوڭىلدى بولادى.
قۋانارلىق ءبىر ءىس، الەۋمەتتىك قامتاماسىزداندىرۋ جاعىندا، قاتىستى تاراۋلار قىزمەتتەردى باستان – اقىر ىلگەرى باستىرىپ كەلەدى. ەمدەلۋ اقىسىن سىرت جەردە ەسەپتەن كوتەرۋدى الىپ ايتساق، اۋىلعا بارىپ تىزىمدەتىپ قويعان سوڭ، جاڭا تۇراعى تۇرعان جەردە ەمحاناعا جاتىپ، سول جەردە ەسەپتەن كوتەرتۋىنە بولادى. قازىر سىرت جەردە تىزىمدەلگەن ادام سانى مەن تىكەلەي ەسەپتەن كوتەرتكەن ادام سانى ۇزدىكسىز جەدەل ارتۋدا، تەك بەلگىلەنگەن ەمدەۋ قۇرىلىمدارىنىڭ سانىنىڭ ءوزى 9000نان استى، قانداي جاقسى!
ءبىز ۇنەمى وتباسى عۇمىر كەمەسىنىڭ تۇراعى دەپ جاتامىز، قارتتار ءومىر بويى كەمەنىڭ كاپيتانى بولدى، ەندى نەمەرەلەرىنە جول نۇسقاۋشى بولۋدا، بۇل شىنىندا وڭاي جۇمىس ەمەس. پەرزەنتتەرى دۇرىس ءتۇسىنىپ، الەۋمەت كوپ قامقورلىق جاساسا، قارتتاردىڭ قالعان عۇمىرى اناعۇرلىم باقىتتى وتكەن بولار ەدى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
