سايرام كولىن اينالۋ ۆەلوسيپەد جارىسى شينجياڭ بۇراتالا موڭعۇل اۆتونوميالى وبلىسىنىڭ ساياحاتىنىڭ دامۋىنا قانات ءبىتىردى
2018.07.19 14:51 كەلۋ قاينارى : شينجياڭ گازەتى
سايرام كولىن اينالۋ ۆەلوسيپەد جارىسى 2007-جىلى باستالعاننان بەرى بۇراتالا موڭعۇل اۆتونوميالى وبلىسىندا 12 كەزەك وتكىزىلدى، 12 جىلدان بەرى، بۇل جارىس كوپتەگەن ۆەلوسيپەد اۋەسكەرلەرى مەن ساياحاتشىلاردى باۋرادى، بۇراتالا موڭعۇل اۆتونوميالى وبلىسىنىڭ تانىسقىسىنا اينالدى.
7-ايدىڭ 16-كۇنى، سايرام كولى بويىندا 3-كەزەڭ جارىستى تاماشالاۋعا كەلگەن ساياحاتشى لين حۇڭبيڭ ەرەكشە تەبىرەنىپ، بۇراتالانىڭ كوركىن اۋىز جاپپاي ماقتادى. بيىل 4-ايدا، لين حۇڭبيڭ ۆەلوسيپەدپەن حۋبەيدەن جولعا شىققان، 3 ايدان ارتىق ءجۇرىپ، 7-ايدىڭ 14-كۇنى بۇراتالا قالاسىنا جەتتى، ىلە-شالا، شاباندوزداردا اراساننان سايرام كولىنە جول الدى، جولدا كوپ جاپا شەكسە دە لين حۇڭبيڭ ىشتەي ماسايرادى. ول بىلاي دەدى: «شينجياڭنىڭ جەر-سۋى كوركەم، جاندى راقاتتاندىرادى».
بۇراتالا موڭعۇل اۆتونوميالى وبلىستىق ساياحات مەكەمەسىنىڭ پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى دان ليپيڭ بىلاي دەدى: «سايرام كولىن اينالۋ ۆەلوسيپەد جارىسى جارىس جول لەنياسىن بىرنەشە رەت وزگەرتىپ، بۇراتالا موڭعۇل اۆتونوميالى وبلىسىنىڭ تانىمالدىلىعى مەن ابىرويىن ايتاقالسىن جوعارىلاتتى، الدىڭعى مەزگىلدە، جىڭنان الاتاۋعا دەيىن، ونان سوڭ بۇراتالا، اراسان، سايرام كولىنە دەيىن بۇراتالا موڭعۇل اۆتونوميالى وبلىسىنىڭ ساياحات لەنياسىن تۇتاس قامتىدى، كوزالدا، سايرام كولىن اينالۋ ۆەلوسيپەد جارىسى جارىس لەنياسىن ىشكەرىلەي ساپالىلاندىرىپ، ءتىپتى دە كوپتەگەن ادامدار بۇراتالا موڭعۇل اۆتونوميالى وبلىسىن ءتۇسىندى. ساياحات دارەتحاناسى، جاياۋلار جولى، كولىك توقتاتۋ الاڭى سىندى نەگىزدىڭ قۇرىلعىلار ۇزدىكسىز كەمەلدەنىپ، ەلىمىزدىڭ ءىشى-سىرتىنداعى ساياحاتشىلاردىڭ قاجەتىن قاناعاتتاندىردى، جارىستى العاش وتكىزگەن مەزگىلدەگىمەن سالىستىرعاندا، بۇراتالا موڭعۇل اۆتونوميالى وبلىسىندا زور وزگەرىس بولدى، ساياحاتشىلاردىڭ ساياحات فاكتورى كۇن سايىن كەمەلدەندى».
بۇراتالا موڭعۇل اۆتونوميالى وبلىسىنىڭ ساياحات قاينارى مول، مەملەكەت دارەجەلى 4 كورىنىس رايونى، تابيعي قورىق رايونى، ورمان باقشاسى، سازدىق باقشاسى، 2 اۆتونوميالى رايون دارەجەلى تابيعي قورىق رايونى بار، تۇتاس وبلىستىڭ جالپى جەر كولەمىنىڭ %18 ىن يەلەيدى.
بۇراتالا موڭعۇل اۆتونوميالى وبلىسىنىڭ ساياحات كاسىبىنىڭ دامۋىن تىلگە تيەك ەتكەندە، بۇراتالا موڭعۇل اۆتونوميالى وبلىستىق پارتكومنىڭ ورىنباسار شۋجيى، سايرام كولىن اينالۋ ۆەلوسيپەد جارىسىن ۇيىمداستىرۋ القاسىنىڭ مەڭگەرۋشىسى ان تاۋ ماقتانىشپەن بىلاي دەدى: «بۇراتالا موڭعۇل اۆتونوميالى وبلىسى ساياحات كاسىبىن ءۇش ۇلكەن ەكونوميكانى دامىتۋ ءارى تۇتاس وبلىس بويىنشا ءۇشىنشى ماڭىزدى قىزمەتتىڭ ءبىرى رەتىندە ىلگەرىلەتتى، بىزدە وزگەشە ساياحات بايلىق قاينارى بار، سايرام كولىن اينالۋ ۆەلوسيپەد جارىسىن بۇراتالا موڭعۇل اۆتونوميالى وبلىسىنىڭ ماركاسى ەتەمىز. بۇدان سىرت، كولدى اينالۋ جارتىلاي مارافون جارىسى، قولفون فوتو سۋرەت جارىسى قاتارلى باسقا جەلىلەس جارىستاردى دا ورىستەتەمىز، ەلىمىز ىشىندەگى ساياحاتشىلارعا تاماشا دەمالۋ ورتاسىن جاراتامىز. كەلەسى قادامدا، كورىنىس رايونىنداعى قوناق ۇيلەردى، تاماق، ساياحاتتاپ زات ساتىپ الۋ ورتاسىن دا كورىكتەندىرەمىز، ساياحات قايىعى، ارالىق اۆتوكولىك قاتارلىلاردىڭ سانىن ارتتىرامىز جانە اۆتوكولىك كازارماسىن قۇرىپ، ساياحاتشىلاردى بۇراتالا موڭعۇل اۆتونوميالى وبلىسىنا ىشكەرىلەي ساياحاتتاۋعا باۋرايمىز».
«بۇدان سىرت، سايرام كولى مەملەكەتتىك 5A دارەجەلى كورىنىس رايونىن قۇرۋدى ساياحات باستاماشىسى ەتىپ، اراسان اۋدانى مەن سايرام كولىنىڭ ساياحات قاينارىن بىرلەستىرىپ، نادام قاتارلى ساحارا مادەنيەتىن بايىتىپ، سايرام كولىنىڭ، بۇراتالا موڭعۇل اۆتونوميالى وبلىسىنىڭ حيكاياسىن ايتىپ، ‹ادامداردى بۇراتالا موڭعۇل اۆتونوميالى وبلىسىن ساياحاتتاتىپ، شينجياڭدى تانىتۋ› كەرەك»،-دەدى ان تاۋ.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
