اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشتى
2018.07.19 14:54 كەلۋ قاينارى : شينجياڭ گازەتى
ەكونوميكانىڭ جوعارى ساپالى دامۋى ءۇشىن مىعىم قوزعاۋشى كۇش ازىرلەيىك
ءتىلشىمىز يۋان لەي 7 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 7 - ايدىڭ 17 - كۇنى اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشىپ، 7 - ايدىڭ 17 - كۇنى تۇستەن بۇرىن اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن جەتكىزدى، ۇيرەندى، ۇكىمەت جۇيەسىنىڭ دايەكتىلەندىرۋ، تياناقتاندىرۋ شارالارىن اقىلداستى.
ماجىلىستە بىلاي دەپ باسا دارىپتەلدى: ۇكىمەت پارتيا باسشىلىق گرۋپپاسى جانە ۇكىمەت كەڭسەسىنىڭ پارتيا باسشىلىق گرۋپپاسى، سونداي - اق ۇكىمەت جۇيەسىندەگى تاراۋلار، مەكەمەلەر باس شۋجي شي جينپيڭنىڭ ورتالىق قازىنا - ەكونوميكا كوميتەتىنىڭ 2 - رەتكى ماجىلىسىندەگى ماڭىزدى ءسوزىنىڭ رۋحىن دەن قويا ۇيرەنىپ، شەشۋشى، وزەكتى تەحنيكالاردان جاڭالىق اشۋ قابىلەتىن ءوسىرۋدىڭ، عىلىم - تەحنيكانى دامىتۋدىڭ ىرىقتى ۇقىعىن يگەرۋدىڭ كەلەلى ماڭىزىن جەتە ءتۇسىنىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ عىلىم - تەحنيكا ىستەرىنە دەگەن كەلەلى ورنالاستىرۋلارىمەن شىن مانىندە بىرلىككە كەلتىرىپ، قاشاندا دۇرىس باعداردان جازباي، عىلىم - تەحنيكا ىستەرىنىڭ ۇزدىكسىز العا ىلگەرىلەۋىنە كەپىلدىك ەتۋ كەرەك.
ماجىلىستە مىنالار تالاپ ەتىلدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ءبىر تۇتاس باسشىلىعىندا، جاڭالىق اشۋ ارقىلى دامۋدى دەمەۋ ستراتەگياسىن زور كۇشپەن اتقارىپ، جوعارى ساپالى عىلىم - تەحنيكالىق قامداۋدى ۇزدىكسىز ازىرلەپ، دەربەس جاڭالىق اشۋ قابىلەتىن كۇش سالا كۇشەيتىپ، دارىندىلاردى ساپالىلاندىرىپ دامىتۋ ۇستانىمىن كۇشەيتىپ، جاڭالىق اشۋ ارقىلى ەكونوميكانىڭ دامۋىن ىلگەرىلەتۋدىڭ ساپالىق وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، ەكونوميكانىڭ جوعارى ساپالى دامۋى ءۇشىن مىعىم قوزعاۋشى كۇش ازىرلەۋ كەرەك. عىلىم - تەحنيكالىق ءتۇزىلىس رەفورماسىنىڭ تەرەڭدەي دامۋىن ىلگەرىلەتىپ، عىلىم - تەحنيكادا جاڭالىق اشۋ مەن تۇزىمدە جاڭالىق اشۋ سىندى «قوس تەگەرشىك ارقىلى دەمەۋ» ورنالاستىرۋىن تياناقتاندىرىپ، ماسەلەنى نىشان ەتۋدەن جازباي، عىلىم - تەحنيكانى باسقارۋ، دارىندىلاردى ەنگىزۋ، عىلىم - تەحنيكالىق باعالاۋ، ءبىلىم مەنشىك ۇقىعى، جەتىستىكتەردى كادەگە جاراتۋ سياقتى جاقتارداعى ءتۇزىلىس مەحانيزمى رەفورماسىن سەرپىندى كۇشەيتىپ، بەلسەنە ىلگەرىلەتۋ، جاڭالىق اشۋ ءۇشىن تاماشا ءتۇزىلىس مەحانيزمى دامۋ ورتاسىن ازىرلەۋ كەرەك. جىبەك جولى ەكونوميكالىق بەلدەۋىندەگى جاڭالىق اشۋ ارقىلى دامۋدى دەمەۋ سىناق رايونى، «ءۇرىمجى - سانجى - شىحىزى» مەملەكەتتىك دەربەس جاڭالىق اشۋ ۇلگى رايونى قۇرىلىسىن جەدەلدەتىپ، جاڭالىق اشۋ جەتىستىكتەرىنىڭ، جاڭالىق اشۋ نىساندارىنىڭ كاسىپ سالاسىمەن جانە رەال وندىرگىش كۇشپەن ۇشتاسۋىن ىلگەرىلەتىپ، عىلىم - تەحنيكادا جاڭالىق اشۋدىڭ جانە جەتىستىكتەردى كادەگە جاراتۋدىڭ شابىتتاندىرۋ مەحانيزمىن كەمەلدەندىرىپ، عىلىم - تەحنيكا ارقىلى ورنىقتىلىقتى قورعاۋ، عىلىم - تەحنيكا ارقىلى حالىققا تيىمدىلىك جاساۋ، عىلىم - تەحنيكا ارقىلى اۋىل شارۋاشىلىعىن گۇلدەندىرۋ، عىلىم - تەحنيكا ارقىلى كەدەيلەردى سۇيەمەلدەۋ سياقتى سالالارداعى عىلىم - تەحنيكا جەتىستىكتەرىن كادەگە جاراتۋدى اناعۇرلىم ىلگەرىلەتىپ، اۆتونوميالى رايونىمىزدىڭ عىلىم - تەحنيكادا جاڭالىق اشۋ قىزمەتىنىڭ جاڭا جاعدايىن ۇزدىكسىز اشۋ كەرەك.
ماجىلىستە بىلاي دەپ باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارى بويىنشا، «ءبىر باسشىلىق القا ورنىقتىلىقتى كۇش سالا ساقتاۋ، ءبىر باسشىلىق القا زەيىن - زەردەنى شوعىرلاندىرىپ، دامۋدى مىقتاپ يگەرۋ» قىزمەت مەحانيزمىن باتىل تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، ورنىقتىلىق پەن دامۋدىڭ ديالەكتيكالىق قاتىناسىن ءبىر تۇتاس ويلاستىرىپ، ۇكىمەت جۇيەسىنىڭ ەكونوميكانى دامىتۋداعى سۋبيەكتتىك جاۋاپكەرشىلىگىن شىنايى ارقالاپ، سوڭعى جارىم جىلداعى رەفورما، دامۋ، ورنىقتىلىق قىزمەتىن تىڭعىلىقتى ىلگەرىلەتۋ كەرەك. ماجىلىستە مىنالار تالاپ ەتىلدى: ۇكىمەت پارتيا باسشىلىق گرۋپپاسىنىڭ مۇشەلەرى اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، سەرگەك وي - سانانى جانە ستراتەگيالىق تۇراقتىلىقتى قاشاندا ساقتاپ، ۇكىمەت جۇيەسىندەگى تاراۋلاردىڭ، مەكەمەلەردىڭ قاتىستى قىزمەتتەرىن زور كۇشپەن ىلگەرىلەتىپ، جاڭا جاعدايداعى ەكونوميكالىق قىزمەتتى ويداعىداي ىستەۋ قابىلەتى مەن ورەسىن ءوسىرۋ كەرەك. ۇكىمەت جۇيەسىندەگى تاراۋلار، مەكەمەلەر جاۋاپكەرشىلىكتى، مىندەتتى ەستە بەرىك ساقتاپ، ستيلگە شىنايى بۇرىلىس جاساپ، بەلسەنە، ىرىقتىلىقپەن ناتيجە جاراتىپ، جاۋاپكەرشىلىك سەزىمدى، كوكەي تەستىلىك سەزىمدى ۇزدىكسىز كۇشەيتىپ، قيىندىقتاردان تايسالماي، ءتۇرلى ءتۇيىندى قىزمەتتەردى ءۇرتىس ىلگەرىلەتىپ، اۆتونوميالى رايوندىق پارتكومنىڭ ءتۇرلى شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرىپ، اۆتونوميالى رايونىمىز ەكونوميكاسىنىڭ جوعارى ساپالى دامۋىن تاباندىلىقپەن ىلگەرىلەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
