تۇرپاندا ”ىستىققا قاقتاۋ سىناعى“نان وتەتىن اۆتوكولىك بارعان سايىن كوبەيدى
2019.07.30 15:37 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 28 - كۇنى ۇرىمجىدەن بەرگەن حابارىنان (ءتىلشى سۇن شاۋشيۇڭ، امان). ەلەسىڭىزدە تۇرپان تۋرالى نەلەر بار؟ باستاۋىش مەكتەپ وقۋلىعىندا باياندالعان جۇپار ءيىسى اڭقىعان ءجۇزىم سايى ما؟ «باتىسقا ساپار»داعى تاڭسىڭنىڭ شاكىرتتەرىن ەرتىپ مىڭ ءبىر ماشاقاتپەن بارىپ قايتقان جالىن تاۋى ما؟ الدە قالانىڭ باتىسىنان 360 شاقىرىم جەردە تۇراتىن سۇلۋ بويجەتكەن الىمحان با؟
ادەتتە ”وتتى القاپ“ دەپ اتالاتىن تۇرپانعا بۇل كۇندەرى تاعى ءبىر ”ەلەس“ قوسىلدى: وسى وڭىردە ەل ىشىندەگى ەڭ ۇلكەن قۇرعاق ىستىق جاراتىلىستىق ورتا سىناق بازاسى − شينجياڭ تۇرپان جاراتىلىستىق ورتا سىناق جاساۋ - زەرتتەۋ ورتالىعى بار. قازىر كوپتەگەن اۆتوكولىك كاسىپورىندارى شىلىڭگىر ىستىقتى وراي دەپ ءبىلىپ، جەر - جەردەن وسى اراعا كەلىپ، تۇرپاندى اۆتوكولىكتى ىستىق وڭىردە سىناۋدىڭ تۇڭعىش ءوڭىرى ەتىپ تاڭداپ، ”ىستىق ەكونوميكانى“ جانداندىردى.
تال ءتۇس، تەرمومەتردىڭ كورسەتكىش ءتىلى 40 سەلتسي گرادۋستى كورسەتپ تۇر، تۇرپان قالاسىنان 20 كيلومەتر ارالىقتاعى كولەڭكەلەۋگە ەشقانداي مۇمكىندىك جوق يەننىڭ اپتاپ ىستىعى ءتىپتى ادام توزگىسىز، الايدا يەن ءشول ادام تاڭ قالارلىق دۋماندى، 4 قارا ءتۇستى دالالىق اۆتوكولىك تىزبەكتەلىپ، مي قايناعان ىستىقتا بىردە ءتۇزۋ سىزىقتا تەڭەلىپ، بىردە يرەكتەلە جىلدامدىق باسەكەلەستىرىپ زىمىراۋدا، دوڭگەلەك پەن جەر بەتىنىڭ ۇيكەلىسىنەن شىققان دىبىس قۇلاق تۇندىرادى.
”بۇل ارا زەرتتەۋ ورتالىعىنىڭ موتورلى كولىك ونىمدەرىنىڭ ساپاسىنا قاقتاۋ سىناعىن جاساۋ الاڭى، وسى 4 اۆتوكولىكتىڭ قوزعالىستاعى كۇيىنە سىناق جاساپ جاتىرمىز، اۆتوكولىكتىڭ اسىرە قۇرعاق ىستىق ورتا شارت - جاعدايى استىنداعى حاۋىپسىزدىك قۋاتىنا تەكسەرۋ جۇرگىزۋدەمىز“. زەرتتەۋ ورتالىعىنىڭ مەڭگەرۋشىسى گو چۇنيۇن بىلاي دەپ تانىستىردى: مەملەكەتتىڭ قاتىستى ولشەمى جانە اۆتوكولىك ءوندىرۋشى ساۋداگەرلەردىڭ تالابىنا ساي، بازارعا جاڭادان سالىنعان اۆتوكولىكتەرگە 1 − 3 جىل قاقتاۋ سىناعىن جاساۋعا تۋرا كەلەدى، تۇرپان وزگەشە جاراتىلىستىق شارت - جاعدايىنان پايدالانىپ، اۆتوكولىك كاسىپورىندارىنىڭ ”جۇيەگە تۇسىرىلگەن“ تۇڭعىش تاڭدالاتىن جەرىنە اينالدى.
ازيا - ەۆروپا ۇلى قۇرلىعىنىڭ ىشكى كىندىگىنە ورنالاسقان تۇرپان قۇرعاق، جاۋىن - شاشىنى از بولىپ، ءار جىلعى 6 - ايدان 8 - ايعا دەيىنگى ورتاشا تەمپەراتۋراسى 38 سەلتسي گرادۋستان جوعارى بولادى، 40 سەلتسي گرادۋستان جوعارى بولعان كۇن 35 − 40 كۇنگە دەيىن جەتەدى، جاز ماۋسىمىنداعى تال تۇستەگى جەر بەتىنىڭ تەمپەراتۋراسى 75 سەلتسي گرادۋسقا دەيىن جوعارىلاپ، قۇرعاق ىستىق ورتادا سىناق جاساۋدىڭ ءبىرشاما تاماشا شارت - جاعدايىن ازىرلەگەن.
سوڭعى جىلداردان بەرى، تۇرپان قالاسى اسىرە ”ىستىق بايلىق“تى ەكونوميكانى دامىتۋدىڭ ”ىستىق قوزعالتقىشى“نا ۇزدىكسىز اينالدىرىپ، زەرتتەۋ ورتالىعىن قۇرعاننان كەيىن، سايكەستى سىناق جاساۋ الاڭى مەن ساراپتاۋ ورتالىعىن ىركەس - تىركەس قۇرىپ، كاسىپورىنداردىڭ سول جەردە ناقتاپ تەكسەرۋىنە، سول جەردە ساراپتاۋىنا، سول جەردە ساراپتاما ناتيجەسىن شىعارۋىنا مۇمكىندىك جاساپ، زاۆودتىڭ سىناق جۇرگىزۋ قۇنىن كوپ تومەندەتتى.
”بۇرىن ەلىمىز ىشىندە مۇنداي شارت - جاعداي ازىرلەنبەگەندىكتەن، كوپتەگەن اۆتوكولىك كاسىپورىندارى ەۆروپا جانە امەريكاعا بارىپ اۆتوكولىكتەرىنە سىناق جاساتاتىن، قازىر تۇرپاننىڭ قۇرعاق ىستىق جاراتىلىستىق ورتا سىناق بازاسى ەلىمىز ىشىندەگى بوستىقتى تولتىردى“، - دەدى گو چۇنيۇن.
ءتىلشى تىلشىلىك جاساۋ بارىسىندا جۇڭگو اۋىر تۇرپاتتى اۆتوكولىك توبى شەكتى سەرىكتەستىگىنىڭ قاقتاۋ سىناعى الاڭىندا اۆتوكولىكتەرگە سىناق جاساپ جاتقان ءساتىنىڭ ۇستىنەن ءتۇستى. اتالعان سەرىكتەستىكتىڭ ينجەنەرى تىڭ شۋاي بىلاي دەدى: ءبىزدىڭ زەرتتەۋ ورتالىعىمەن سەلبەستىك جاساسقانىمىزعا كوپ جىل بولدى، بيىل ۇقساماعان تۇردەگى 13 اۋىر تۇرپاتتى اۆتوكولىكتى تۇرپانعا اكەلىپ قاقتاۋ سىناعىن جاسادىق، ”بىرنەشە جىلدان بەرى زەرتتەۋ ورتالىعىنىڭ باسقارۋى، قىزمەت وتەۋى بارعان سايىن جۇيەلىلەنىپ، ءار جىلى جازدا سەرىكتەستىكتىڭ جاڭا ۇلگىدەگى كولىكتەرىن باستاپ الىپ كەلەمىن، 25 − 30 كۇننەن كەيىن جولشىباي چيڭحايداعى گولمۋدقا بارىپ ۇستىرتتە ءجۇرۋ سىناعىن جاسايمىز“.
مۇنان سىرت، اۆتوكولىكتىڭ ۇساق بولشەكتەرى، حيميا ونەركاسىپ ماتەريالدارى، سۋلياۋدان جاسالعان بۇيىمدار، كاۋچۇكتەن جاسالعان بۇيىمدار قاتارلى 7 ۇلكەن تۇردەگى 25 مىڭ ءتۇرلى ۇساق بولشەكتەر مەن ماتەريالداردى زەرتتەۋ ورتالىعىنا اپارىپ ”ىستىققا قاقتاۋ“ سىناعىنان وتكىزەدى.
گو چۇنيۇن بىلاي دەدى: بىلتىر جالپى 190 كاسىپورىن، 2150 اۆتوكولىك، 4800دەن استام ادام - رەت تۇرپاندا اۆتوكولىك سىناۋ سىناعىنا قاتىناستى، ”بيىل جازدا اۆتوكولىك سىناعىنا قاتىناسقان كاسىپورىن، اۆتوكولىك جانە ادام بىلتىرعىدان الدەقايدا كوپ بولدى، كوپشىلىكتىڭ كەلىپ - كەتۋى، ەرۋ بولۋى، كيىم - كەشەك، ءىشىپ - جەۋ، جاتىن ورىن جانە ءجۇرىس - تۇرىس تۇتىنۋى تۇرپان سىندى وسى ايگىلى ساياحات قالاسىنىڭ ”ىستىق ەكونوميكاسى“نا جاڭا قوزعاۋشى كۇش قوستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
