ءتوراعا شي جينپيڭنىڭ جاڭا جىلدى قۇتتىقتاۋ ءسوزىن ەستىگەننەن، ۇيرەنگەننەن كەيىن، رايونىمىزدىڭ نەگىزگى ساتىلارىنداعى كادر - بۇقارا جابال مىنالاردى ءبىلدىردى −
ەسىل ساتتەردى زايا جىبەرمەي، ۇزدىكسىز قايراتتانا ىستەپ العا ىلگەرىلەيمىز
2020.01.06 14:26 كەلۋ قاينارى : شينجياڭ گازەتى
مەملەكەت ءتوراعاسى شي جينپيڭ جاريالاعان 2020 - جىلعى جاڭا جىلدى قۇتتىقتاۋ ءسوزى رايونىمىزداعى نەگىزگى ساتى كادر - بۇقاراسىنىڭ اراسىندا قىزۋ اڭىس قوزعادى. كوپشىلىك جابال مىنالاردى ءبىلدىردى: ءتوراعا شي جينپيڭنىڭ ءسوزى مەيىرگە تولى ءارى جۇرەككە ۇيالايدى، كوكەيگە بىردەن قونادى، ادامدى تەرەڭ اسەرلەندىرەدى، بارىنشا جەلپىندىرەدى. جاڭا ءبىر جىلدا ۇلى كۇرەس جاساۋ رۋحىن ۇزدىكسىز ساۋلەلەندىرىپ، ەسىل ساتتەردى زايا جىبەرمەي، ءداۋىر بورىشىن ارقالاپ ۇزدىكسىز قايراتتانا ىستەپ العا ىلگەرىلەيمىز.تاباندىلىقپەن ءاربىر قاراپايىم ءىستى جاقسى ىستەيمىز
”سىرت - سىرت - سىرت، سىرت - سىرت - سىرت...“ 1 - ايدىڭ 4 - كۇنى ساعات 7دەن 30 مينۋت، جايشىلىقتاعىداي، ءۇرىمجى قالاسى سايباق رايونىنىڭ ورتا تازالىقشىسى حەلەل سالەيدن ىزعارلى سۋىق ۇسكىرىككە قاراماستان، ءبىر كۇنگى تازالىق قىزمەتىن باستادى. ”ءتوراعا شي جينپيڭنىڭ جاڭا جىلدى قۇتتىقتاۋ سوزىنەن مەن ونىڭ ءاربىر شوعىرعا دەگەن قامقورلىعى مەن كوڭىل ءبولۋىن ەستىپ، اڭعارىپ، قاتتى اسەرلەندىم، جان دۇنيەم مەيىرگە تولدى“. حەلەل ءوزىنىڭ قاراپايىم تازالىق جۇمىسشىسى ەكەندىگىن، قالانىڭ رەتتى، تازا بولۋى تازالىق جۇمىسشىلارىنىڭ قۇلشىنىسىنان ايرىلا المايتىندىعىن، بۇدان بىلاي، ول ءوزىنىڭ جۇمىس ورنىندا قالتقىسىز ۇلەس قوسىپ، ءوزىنىڭ ناقتى ءىس - ارەكەتىمەن ءۇرىمجىنى ونان ارى كورىكتەندىرە تۇسەتىندىگىن ايتتى.
1 - ايدىڭ 4 - كۇنى تۇستەن بۇرىن ءۇرىمجى قالالىق الەۋمەتتىك جول - قاتىناسى جىنباۋ اۆتوبۋز شەكتى سەرىكتەستىگىنىڭ شوفەرى گۋ شياڭفىڭ 2005 - جول الەۋمەتتىك اۆتوبۋزىن جۇرگىزىپ، ءتۇسىپ - شىققان جولاۋشىلارعا امان - سالەم جاساپ، جۇزىنەن كۇلكى ەستى. 2019 - جىلى ول مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە بولىپ باعالاندى. ”مەن 30 جىل اۆتوبۋز جۇرگىزدىم، ءار كۇنى تاڭ اتقاننان كۇن باتقانعا دەيىن، تەك بەرىلە ىستەگەندە عانا قاراپايىم قىزمەت ورنىندا دا ۇلى ناتيجەلەر جاراتۋعا بولادى“.
حەلەل، گۋ شياڭفىڭ سەكىلدى تىنىم تاپپاي جۇمىس ىستەگەندەردەن تاعام جەتكىزۋشى ازامات ۋاڭ شيڭ دا بار. 2019 - جىلى 5 - ايدا ول مەيتۋاندا تاعام جەتكىزۋمەن اينالىستى، ءار كۇنى ورتا ەسەپپەن 50 زاكازدى جەتكىزۋ كەرەك، مەرەكە - مەيرام كۇندەرى ءتىپتى قاربالاس بولادى. ”مەنىڭ قىزمەتىم جاي قىزمەت بولعانىمەن، الايدا ءار جولى مەن تاعامدى قاريداردىڭ قولىنا ۋاعىندا جەتكىزىپ، ولاردىڭ ماعان ’راقىمەت‘ دەگەنىن ەستىگەنىمدە، قىزمەتىمدى سونداي قۇندى سانايمىن. مەن تاباندىلىقپەن، تاعام جەتكىزۋ قىزمەتىن جاقسى ىستەيمىن“، - دەدى ۋاڭ شيڭ شىن ىقىلاسىمەن.كۇتكەن ۇمىتتەن شىعىپ، قىزمەت ورىندى تياناق ەتىپ ۇلەس قوسامىز
”وكپە - وكىنىشى جوق، بار پەيىلىمەن ءوزىن ارناعان كوپتەگەن اتسىز قاھارماندار قاراپايىم ادامدارعا ءتان قاراپايىمدىلىعىمەن كەرەمەت ءومىر داستانىن جازدى“. ءتوراعا شي جينپيڭنىڭ مەيىرلى سوزدەرىن ەستىگەندە، يوپۇرعا اۋدانى اشمە قالاشىعى يىما قىستاعىنداعى بايۋعا باستاماشى تۇرسۇنالى ابدۇرۇسۇل ەرەكشە اسەرلەندى. پارتيانىڭ حالىققا ءتيىمدى ساياساتىنىڭ ارقاسىندا، تۇرسۇنالى بايۋ جولىنا ءتۇستى. تۇرسۇنالى بايىعاننان كەيىن اۋىلداستارىن ۇمىتپاي، تەحنيكاسىن كەدەي قىستاق تۇرعىندارىنا ۇيرەتىپ، كوپشىلىكتى ءۇيدىڭ ءىشى - سىرتىن اشەكەيلەۋ جۇمىسىن بىرگە كوتەرمەگە الىپ ىستەۋگە باستادى، بىلتىر ادام باسىنا شاققاندا كىرىستەرى 15 مىڭ يۋاننان استام ارتتى. ”كەدەيلىكتەن ارىلعان قىستاق تۇرعىندارىنىڭ جۇزىندە كۇلكى ەسكەندىگىن كورگەندە، مەن باسقالارعا كومەكتەسۋدىڭ قۋانىش ەكەندىگىن سەزىندىم. مەن كوممۋنيستىك پارتيا مۇشەسىمىن، ءسوز جوق، ءتوراعا شي جينپيڭنىڭ ىقىلاستى ءۇمىتىن ەستە بەرىك ساقتاپ، بايۋعا باستاماشى بولۋداي رولىمدى ساۋلەلەندىرىپ، اناعۇرلىم كوپ كەدەي قىستاق تۇرعىندارىن ەرتەرەك كەدەيلىكتەن ارىلۋعا باستايمىن“، - دەدى تۇرسۇنالى.
”تارىم توحتى، جاڭ يۇڭفۋ، ي ميڭيڭدەر ۇيلەرىنە جاڭا داۋال سالىپ الدى، ياسىن ءميجيت جاڭا قىزمەت تاپتى...“. قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسىلاردىڭ جاعدايىنا جەمسارى اۋدانى لاۋتاي اۋىلى لاۋتاي قىستاعى قىستاق تۇرعىندار كوميتەتى مەڭگەرۋشىسىنىڭ كومەكشىسى، قىستاقتىڭ كەدەيلەردى سۇيەمەلدەۋ ارناۋلى كادرى باي جۇڭجىن بەس ساۋساعىنداي قانىق ەدى. ”مەنىڭ قىزمەتىم وتە قاراپايىم، جاڭا ءبىر جىلدا، مەن اناعۇرلىم بەرىك مۇرات - سەنىممەن، بار ىنتا - پەيىلىممەن قىستاق تۇرعىندارىنىڭ قىزمەت وتەۋشىسى بولىپ، اناعۇرلىم مىعىم قايراتپەن اۋىلداستاردى بايىپ دوڭگەلەك داۋلەتكە ۇمتىلۋعا باستايمىن“، - دەدى باي جۇڭجىن.
”ءاربىر قاراپايىم قىزمەتتى ىقىلاسپەن جاقسى ىستەۋدىڭ ءوزى قاراپايىمدىلىق بولمايدى“. التاي قاناس ءسۇت شارۋاشىلىعى شەكتى سەرىكتەستىگىنىڭ ءونىم ساپاسىن مەڭگەرۋ ءبولىمىنىڭ مەڭگەرۋشىسى جاڭ حۇڭشيانىڭ ايتۋىنشا، ونىڭ ءسۇت ونىمدەرىن تەكسەرۋ قىزمەتىمەن شۇعىلدانعانىنا 17 جىل بولىپتى، ازىق - تۇلىك حاۋىپسىزدىگى جاۋاپكەرشىلىگىنىڭ اسا كەلەلى ەكەندىگىن ابدەن بىلەدى. ”تەك قۇلشىنعاندا عانا، قاراپايىم قىزمەتتەن دە قاراپايىم بولماعان تابىستاردى جاراتۋعا بولادى. مەيلى قانداي كاسىپ بولسىن، تەك قۇلشىنا كۇرەس جاساعاندا عانا، قاراپايىم ادامدار دا قاراپايىم بولماعان ومىرگە يە بولادى“.جاۋاپكەرشىلىك ارقالاپ، ىسكەرلىك كورسەتىپ، تارتىمدى داستان جازۋعا كۇش سالدى
”ءتوراعا شي جينپيڭ جاڭا جىلدى قۇتتىقتاۋ سوزىندە ءورت اپاتىنان قۇتقارۋ جولىندا باسىن ءباي تىككەن سىچۋاننىڭ مۋليىنداعى 31 باتىردى اۋىزعا الدى، ولار قاھارماندار، ءبىزدىڭ ۇيرەنۋ ۇلگىمىز“، - دەدى تارباعاتاي ايماقتىق ءورت ءسوندىرۋ، ورتتەن ساقتانۋ قۇتقارۋ، كومەكتەسۋ تارماق اترەتى شاۋەشەك قالاسى حىمەي جولى ءورت ءسوندىرۋ، ورتتەن ساقتانۋ قۇتقارۋ - كومەكتەسۋ پۋنكتى باستىعىنىڭ كومەكشىسى ۋ حۇڭليڭ. ءبىر ءورت ءسوندىرۋ، ورتتەن ساقتانۋ قىزمەتكەرى بولعان ۋ حۇڭليڭ قىزمەتكە قاتىناسقاننان قازىرگە دەيىن، تالاي رەتكى قان مەن ءورت، ءومىر مەن ءولىم سىناعىن باستان كەشىردى. ”ءبىز باستان - اياق حالىقتىڭ مۇددەسىن بارىنەن دە ماڭىزدى ورىنعا قويۋىمىز كەرەك، تەك بۇقارا قاتەرگە ۇشىراسا، ءبىز باسىمىزدى ءباي تىگە وتىرىپ، قۇتقارۋ - كومەكتەسۋگە ات سالىسامىز. مەن قاراپايىم قىزمەت ورنىمدا قاي - قاشان دا تاپجىلماي، قاجىرلى ەڭبەگىم جانە ماڭداي تەرىم ارقىلى ءومىردىڭ تارتىمدى داستانىن جازامىن“، - دەدى ۋ حۇڭليڭ.
”قاراپايىم ادامدارعا ءتان قاراپايىمدىلىقپەن كەرەمەت ءومىر داستانىن جازدى“. شينجياڭ يوۋحاۋ (توبى) جارنا شەكتى سەرىكتەستىگىنىڭ قىزمەتكەرى تاڭ لي وسى ءسوزدى ءۇنحاتتاعى دوستار شەڭبەرىنە جولدادى. ول ەرەن بازاردا بالكۇلشە جاساۋعا جاۋاپتى، 10 جىلعا تاياۋ ۋاقىت ىستەدى، ونەرى ۇستەم بولعاندىقتان جاساعان بالكۇلشەلەرى الارمانداردىڭ قارسى الۋىنا بولەندى. ”ءبىر ۇلەس ەڭبەكتەن ءبىر ۇلەس تابىسقا كەنەلەسىڭ، قاراپايىم قىزمەت ورنىندا دەن قويا ىستەسەڭ كەرەمەت ءومىر كەشۋگە بولادى“، - دەدى تاڭ لي نىق سەنىممەن.
1 - ايدىڭ 3 - كۇنى تۇستەن بۇرىن، ءۇرىمجى بەكەتى سىلۋ ميڭجۋ ءتۇيىندى جولاۋشىلار ارناۋلى رايونىندا جولاۋشى تاسىمالداۋشى دو رۇڭلين كۇندەگىدەي قىزمەت ورنىندا قاربالاستاپ ءجۇردى، ونىڭ قىزمەتى قارت، ءالسىز، اۋرۋ، مۇگەدەك، جۇكتى ايەلدەر سياقتى ءجۇرىس - تۇرىسى قولايسىز جولاۋشىلاردى قابىلداۋ - جەتكىزۋ، ولارعا قارايلاسۋ. ول ءوزىنىڭ قانشا جولاۋشىعا قىزمەت وتەگەندىگىن ەستە ساقتاماعاندىعىن، الايدا ولاردىڭ پويەزعا ءساتتى شىققاننان كەيىنگى جايدارى جۇزدەرىنىڭ جادىندا جاتتالىپ قالعاندىعىن ايتتى. ”مەنىڭ قىزمەتىم قاراپايىم، ۇساق - تۇيەك شارۋا، الايدا تالاي جىلدى ءبىر كۇنگىدەي وتكىزىپ ءبىر قالىپتان جازباي جولاۋشىلارعا كومەكتەسۋدى ورىنداي الۋدىڭ ءوزى كەرەمەتتىك، مەن ءتوراعا شي جينپيڭنىڭ ىقىلاستى تىلەگىن ەسىمدە بەرىك ساقتاپ، ءاربىر قيىنشىلىعى بار جولاۋشىلارعا شىن ىقىلاسىممەن كومەكتەسىپ، قاراپايىم قىزمەت ورنىندا ءۇن - ءتۇنسىز ۇلەس قوسامىن“، - دەدى دو رۇڭلين.(تىلشىلەرىمىز لي چۇنشيا، حي حۇڭۋي، لۋ فىڭباۋ، شيە حۇيبيان، يۇي شي، حان چينيان، جاڭ تيڭ، يە شياۋمين، ۋي حۇڭپيڭ، گى يوۋجۇن، ەرىكتى ءتىلشى ميڭ ۋي جازعان)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
