”شينجياڭ كەلسەڭ كەتكىڭ كەلمەيتىن جەر ەكەن“
شەتەلدىكتەر نازارىنداعى شينجياڭ
□ ءتىلشىمىز يۇي شي
2020.01.06 14:28 كەلۋ قاينارى : شينجياڭ گازەتى
”مەن حاباردان 2019 - جىلى 11 - ايدا جۇڭگونىڭ شينجياڭى قابىلداعان ساياحاتشى 208 ميلليون ادام - رەتتەن اسقاندىعىن كوردىم، بۇل شينجياڭنىڭ دامۋدىڭ التىن داۋىرىنە وتكەندىگىن تولىق دالەلدەيدى“. 2019 - جىلى 12 - ايدىڭ 24 - كۇنى تۇستەن بۇرىن شينجياڭ داشۋەسى حالىقارالىق مادەنيەت اۋىس - كۇيىس شۋەيۋانى ساياحات باسقارۋ كاسىبىنىڭ وقۋشىسى الىبەكوۆا ءداريا تىلشىگە وسىلاي دەدى.
الىبەكوۆا ءداريا رەسەيدىڭ ەكاتەرينبۋرگ قالاسىنان كەلگەن. 2018 - جىلى 9 - ايدا ول جۇڭگوعا تۇڭعىش كەلىپ، شينجياڭ داشۋەنىڭ ساياحات باسقارۋ كاسىبىنە وقۋعا تۇسەدى. كەلگەننەن كەيىن ول كوپتەگەن ”ويلاماعان“ نارسەلەرگە جولىقتى.
تۇڭعىش ”ويلاماعان“ ءىس، ءۇرىمجىنىڭ اسا كوركەم كورىنىسى بولدى.
العاش كەلە قالىپ، ءۇرىمجى قالا وڭىرىنە ەنگەندە الىبەكوۆا ءداريا ۇرىمجىدە ايقىش - ۇيقىش سالىنعان ءزاۋلىم كوپىرلەر عانا ەمەس، قاتار - قاتار ساپ تۇزەگەن بيىك عيماراتتار دا بار ەكەندىگىن، ”حالىقارالىق بەينە“گە تولى ەكەندىگىن كورىپ قاتتى تاڭداندى.
بۇرىن الىبەكوۆا ءداريانىڭ شينجياڭ جونىندەگى تانىمى نەگىزىنەن ايبىندى كورىنىستەر جانە ءدامدى جەمىس - جيدەكتەرمەن عانا شەكتەلگەن بولاتىن. شينجياڭدى قانىق بىلگەننەن كەيىن، ول ولاردىڭ شينجياڭنىڭ تەك ازعانتاي ءبىر بولىگى ەكەندىگىن، شينجياڭدا ادامدى قايران قالدىرارلىق تالاي - تالاي ابزالدىلىقتاردىڭ دا بار ەكەندىگىن بايقادى.
”بۇرىن حۇڭشانعا شىعىپ ءۇرىمجىنىڭ تۇتاس كورىنىسىن سۋرەتكە العانمىن. شىراق ساۋلەسى سامالاداي جارقىراعان قالانىڭ تۇنگى كورىنىسىن ءۇنحات ارقىلى دوستار شەڭبەرىنە جولداعان ەدىم، دوستارىم تۇس - تۇستان القادى“. الىبەكوۆا ءداريا اۋىلداس تۋىس - تۋعان، دوس - جاراندارىنىڭ دا ءۇرىمجىنىڭ وسىنشاما كورىكتى، وسىنشاما زاماناۋي بولارىن مۇلدە ويلاماعاندىعىن ايتتى.
شينجياڭدا كوپ ۇلت جاراسىمدى بىرگە تۇرادى، كوپ نەگىزدى مادەنيەت شوعىرلانعان، الىبەكوۆا ءداريانىڭ قاراۋىنشا، شينجياڭنىڭ ەڭ ۇلكەن تارتىمدىلىعى وسى.
بوس ۋاقىتى بولا قالسا، الىبەكوۆا ءداريا ءۇرىمجى ارداۋچياۋ جانە شينجياڭ حالىقارالىق ۇلكەن بازار سياقتى جەرلەردى ارالاعاندى ۇناتادى. بۇل ارادا ول كۇندىز تۇرلىشە ۇلت ادامدارىنىڭ بىرگە جينالىپ، ساۋدانى قىزدىرا جۇرگىزىپ جاتقاندىعىن كورەدى. ال كەشتەردە شىراق ساۋلەسىمەن جارقىراعان ”تۇنگى شارۋاشىلىقتى“ كورەدى: دۋمانعا تولى ءان - بيلەر شينجياڭنىڭ ۇلتتىق سالت - ساناسىن ايگىلەيدى. ودان ارى حوش ءيىسى مۇرىن جارعان ءدامدى تاعامداردى، سونداي - اق قايشالىسقان ساياحاتشىلاردى كورگەندە، ول شينجياڭدا ساۋدا ورايىنىڭ شەكسىز، دامۋ كومەسكى كۇشى ەرەسەن زور ەكەندىگىن سەزىندى.
”اكەم ساۋداگەر، ول ۇنەمى ماعان، ءسوز جوق، جۇڭگو ءتىلىن جاقسى ۇيرەنىپ ال دەپ تاپسىرىپ وتىرادى“، - دەدى الىبەكوۆا ءداريا.
ءبىر جىلدان استام ۋاقىتتان بەرى، الىبەكوۆا ءداريا وسى جەردەن كوپتەگەن جاقسى دوستار تاپتى. قولى بوساعاندا، ول ءۇرىمجىنىڭ كوشە - كوشەسىن ارالاپ قىدىرادى، كوپشىلىكتىڭ وسىناۋ توپىراقتا تىنىش ءومىر، شات - شادىمان تىرشىلىك كەشىرىپ جاتقاندىعىن كورگەندە، شينجياڭنىڭ ءار ۇلت تاتۋ - ءتاتتى بىرگە تۇرعان بەرەكەلى رايىن شىن مانىندە سەزىندى.
الىبەكوۆا ءداريا شينجياڭدىق دوستارىمەن ساۋدا سارايلارىن، ەرەن بازارلاردى ارالاعاندى جانە تورە تاباق تاۋىق ەتى، قوي ەتى كاۋابى سياقتى شينجياڭنىڭ ءدامدى تاعامدارىن جەگەن كەزدەگى سۋرەتتەرىن دوستار شەڭبەرىنە شىعارۋدى ۇناتادى. شينجياڭنىڭ وسىنداي جاقسى ەكەندىگىن كورگەندە، الىبەكوۆا داريانىڭ باۋىرى دا شينجياڭعا وقۋعا كەلگىسى كەلىپ ءجۇر ەكەن.
”شينجياڭ كوركەم، شينجياڭ جاقسى، شينجياڭ كەلسەڭ كەتكىڭ كەلمەيتىن جەر ەكەن!“ تىلشىلىك اياقتالعان كەزدە، الىبەكوۆا ءداريا شىن كوڭىلدەن وسىلاي دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
